ವಾಸ್ಕೋ(ಗೋವಾ): ಬೆಂಗಳೂರು ಎಫ್ಸಿ ತಂಡ 7ನೇ ಆವೃತ್ತಿಯ ಐಎಸ್ಎಲ್ನಲ್ಲಿ ಕೊನೆಗೂ ಜಯದ ಹಾದಿಗೆ ಮರಳಿದೆ. ಮಂಗಳವಾರ ಎಫ್ಸಿ ಈಸ್ಟ್ ಬೆಂಗಾಲ್ ತಂಡವನ್ನು ಸೋಲಿಸಿದೆ.
ಮಂಗಳವಾರ ನಡೆದ 2ನೇ ಪಂದ್ಯದಲ್ಲಿ ಚೆಟ್ರಿಪಡೆ 2-0 ಗೋಲುಗಳ ಅಂತರದಿಂದ ಮಣಿಸುವ ಮೂಲಕ ಸತತ 8 ಪಂದ್ಯಗಳ ಬಳಿಕ ಗೆಲುವಿನ ನಗೆ ಬೀರಿದೆ. ಈ ಗೆಲುವಿನ ಮೂಲಕ ಸುನೀಲ್ ಚೆಟ್ರಿ ಬಳಗ ಪ್ಲೇಆಫ್ ರೇಸ್ಗೆ ಮರಳಿದೆ
ಪಂದ್ಯ ಆರಂಭವಾದ ಕೇವಲ 12ನೇ ನಿಮಿಷದಲ್ಲೇ ಕ್ಲಿಟನ್ ಸಿಲ್ವ ಗೋಲು ಬಾರಿಸಿ ಬಿಎಫ್ಸಿ ಆರಂಭಿಕ ಮುನ್ನಡೆ ತೊಂದುಕೊಟ್ಟರು. ಇನ್ನು ಮೊದಲಾರ್ಧ ಮುಕ್ತಾಯದಂಚಿನಲ್ಲಿದ್ದಾಗ ಈಸ್ಟ್ ಬೆಂಗಾಲ್ನ ದೇಬ್‌ಜಿತ್ ಮಜುಮ್ದಾರ್ ಮಾಡಿದ ಸ್ವಗೋಲಿನ(own goal) ಎಡವಟ್ಟಿನಿಂದ ಬಿಎಫ್ಸಿ ಮುನ್ನಡೆಯನ್ನು 2-0ಗೆ ಹೆಚ್ಚಿಸಿಕೊಂಡಿತು.
ಬೆಂಗಳೂರು ಎಫ್ಸಿ ದ್ವೀತೀಯಾರ್ಧದಲ್ಲಿ ರಕ್ಷಣೆಗೆ ಒತ್ತು ನೀಡಿ ಪಂದ್ಯವನ್ನು ಗೆದ್ದುಕೊಂಡಿತು. ಒಟ್ಟಾರೆ ಟೂರ್ನಿಯಲ್ಲಿ 15ನೇ ಪಂದ್ಯದಲ್ಲಿ 4ನೇ ಗೆಲುವು ಪಡೆದ ಚೆಟ್ರಿ ಬಳಗ 18 ಅಂಕದೊಂದಿಗೆ 6ನೇ ಸ್ಥಾನಕ್ಕೇರಿದರೆ, 15ನೇ ಪಂದ್ಯದಲ್ಲಿ 6ನೇ ಸೋಲು ಕಂಡ ಈಸ್ಟ್ ಬೆಂಗಾಲ್ ತಂಡ 10ನೇ ಸ್ಥಾನದಲ್ಲೇ ಉಳಿದಿದೆ.
ಇದನ್ನು ಓದಿ:ಎಲ್ಲಾ ಮಾದರಿಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ ಅಶೋಕ್ ದಿಂಡಾ
