ನವದೆಹಲಿ: ವಿಶ್ವ ಕ್ರಿಕೆಟ್ನಲ್ಲಿ ತನ್ನದೇ ಆದ ಚಾಪು ಮೂಡಿಸಿರುವ ಐಪಿಎಲ್ ಟಿ-20 ಲೀಗ್ಗಳಲ್ಲೇ ಅತ್ಯುತ್ತಮ ಲೀಗ್, ಅದರ ಜೊತೆ ಬೇರೆ ಲೀಗ್ಗಳನ್ನು ಹೋಲಿಕೆ ಮಾಡುವುದಕ್ಕೂ ಆಗುವುದಿಲ್ಲ ಎಂದು ಪಾಕಿಸ್ತಾನದ ವೇಗಿ ವಹಾಬ್ ರಿಯಾಜ್ ಹೇಳಿದ್ದಾರೆ.
ಆರಂಭದಿಂದಲೂ ಪಿಎಸ್ಎಲ್ ಭಾಗವಾಗಿರುವ ವಹಾಬ್ ಇಂಡಿಯನ್ ಪ್ರೀಮಿಯರ್ ಲೀಗ್, ಪಾಕಿಸ್ತಾನ ಪ್ರೀಮಿಯರ್ ಲೀಗ್ಗಿಂತ ಹೇಗೆ ವಿಭಿನ್ನವಾಗಿದೆ ಎಂಬುದರ ಬಗ್ಗೆ ತಮ್ಮದೇ ಆದ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.
ಐಪಿಎಲ್‌ನಲ್ಲಿ ವಿವಿಧ ರಾಷ್ಟ್ರಗಳ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಆಡುವ ಟಾಪ್ ಆಟಗಾರರು ಬಂದು ಆಡುತ್ತಾರೆ. ನೀವು ಐಪಿಎಲ್ ಜೊತೆ ಪಿಎಸ್ಎಲ್ ಹೋಲಿಕೆ ಮಾಡಲಾಗುವುದಿಲ್ಲ. ಅವರ ಬದ್ಧತೆಗಳು, ಲೀಗ್ ನಡೆಸುವ ರೀತಿ, ಸಂವಹನ ನಡೆಸುವ ರೀತಿ, ಆಟಗಾರರನ್ನು ಖರೀದಿಸುವ ರೀತಿ ಸಂಪೂರ್ಣ ವಿಭಿನ್ನವಾಗಿದೆ. ನನ್ನ ಪ್ರಕಾರ ವಿಶ್ವದ ಯಾವುದೇ ಕ್ರಿಕೆಟ್ ಲೀಗ್‌ಗಳು ಐಪಿಎಲ್ ಜೊತೆ ಸ್ಪರ್ಧಿಸಲಾರವು. ಆದರೆ, ಅದರ ಹಿಂದಿನ ಸ್ಥಾನದಲ್ಲಿ ಯಾವುದಾದರೂ ಲೀಗ್ ಇದೆ ಎಂದರೆ, ಅದು ಪಿಎಸ್ಎಲ್. ಅದನ್ನು ಪಾಕಿಸ್ತಾನ ಲೀಗ್ ಈಗಾಗಲೇ ನಿರೂಪಿಸಿದೆ ಎಂದು ರಿಯಾಜ್ ಕ್ರಿಕೆಟ್ ಪಾಕಿಸ್ತಾನ ಯೂಟ್ಯೂಬ್ ಚಾನೆಲ್ಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಆದರೆ, ಬೌಲಿಂಗ್ ಗುಣಮಟ್ಟದ ವಿಚಾರದಲ್ಲಿ ಪಿಎಸ್ಎಲ್ ವಿಶ್ವದ ಯಾವುದೇ ಲೀಗ್ಗಳಿಗಿಂತ ಉತ್ತಮವಾಗಿದೆ. ಬೌಲಿಂಗ್ ಯುನಿಟ್ನಲ್ಲಿ ಐಪಿಎಲ್ಗಿಂತಲೂ ಪಿಎಸ್ಎಲ್ ಉತ್ತಮವಾಗಿದೆ. ಆದ್ದರಿಂದಲೇ ನೀವು ಇತರ ಲೀಗ್ನಂತೆ ಪಿಎಸ್ಎಲ್ನಲ್ಲಿ ದೊಡ್ಡ ಮೊತ್ತದ ಆಟವನ್ನು ಕಾಣಲು ಸಾಧ್ಯವಿಲ್ಲ ಎಂದು ರಿಯಾಜ್ ಹೇಳಿದ್ದಾರೆ.
ಇದನ್ನು ಓದಿ:ಟೆಸ್ಟ್ ಕ್ರಿಕೆಟ್ ಆಡುವುದನ್ನು ನಿಲ್ಲಿಸಲು ಸ್ಟಾರ್ ಇಂಡಿಯನ್ ಬೌಲರ್ ನಿರ್ಧಾರ
