ಪಿಚ್​​ ಮಧ್ಯೆ ಎಡವಿ ಬಿದ್ದ ಆಟಗಾರನ ರನ್​ಔಟ್ ಮಾಡದೆ ಕ್ರೀಡಾಸ್ಪೂರ್ತಿ ಮೆರೆದ ಜೋ ರೂಟ್​

ನಾನ್​ ಸ್ಟ್ರೈಕರ್​ನಲ್ಲಿದ್ದ ಸ್ಟೀವನ್ ಕ್ರಾಫ್ಟ್ ಓಡುವಾಗ ಎಡವಿ ಬಿದ್ದು ಮೇಲೇಳಲಾಗದೆ ಅಲ್ಲಿಯೇ ಕಾಲು ನೋವಿನಿಂದ ನರಳಾಡಿದರು. ಈ ಸಂದರ್ಭದಲ್ಲಿ ಚೆಂಡು ಫೀಲ್ಡರ್​ ಕೈಯಲ್ಲಿತ್ತು. ಈ ವೇಳೆ ತಂಡ ಕ್ರೀಡಾ ಸ್ಪೂರ್ತಿ ಮೆರೆದಿದ್ದು ವ್ಯಾಪಕ ಮೆಚ್ಚುಗೆಗೆ ಕಾರಣವಾಗಿದೆ.

ಲಂಡನ್: ರನ್​ ತೆಗೆದುಕೊಳ್ಳುವ ಭರದಲ್ಲಿ ಓಡುವಾಗ ಪಿಚ್​ನಲ್ಲೇ ಎದುರಾಳಿ ಬ್ಯಾಟ್ಸ್​ಮನ್ ಎಡವಿಬಿದ್ದರು. ಈ ವೇಳೆ ಅವರನ್ನು ರನ್​ ಔಟ್ ಮಾಡುವ ಅವಕಾಶವಿತ್ತು. ಆದ್ರೆ ಔಟ್​ ಮಾಡದೆ ಜೋ ರೂಟ್ ನೇತೃತ್ವದ ಯಾರ್ಕ್​ಶೈರ್ ತಂಡ ಕ್ರೀಡಾ ಸ್ಪೂರ್ತಿ ಮೆರೆಯಿತು.

ಶನಿವಾರ ಯಾರ್ಕ್ ಶೈರ್ ಮತ್ತು ಲಂಕಾಶೈರ್ ನಡುವಿನ ವೆಟಾಲಿಟಿ ಟಿ20 ಬ್ಲಾಸ್ಟ್ ಪಂದ್ಯದ ವೇಳೆ ಈ ಘಟನೆ ನಡೆದಿದೆ. ಲಂಕಾಶೈರ್ ತಂಡಕ್ಕೆ 18 ಎಸೆತಗಳಲ್ಲಿ ಗೆಲ್ಲಲು 14 ರನ್​ಗಳ ಅಗತ್ಯವಿತ್ತು. ಕೈಯಲ್ಲಿ ಇನ್ನೂ 5 ವಿಕೆಟ್​ ಇತ್ತು. ಈ ಸಂದರ್ಭದಲ್ಲಿ ಸ್ಟ್ರೈಕರ್​ನಲ್ಲಿದ್ದ ಬ್ಯಾಟ್ಸ್​ಮನ್ ಚೆಂಡನ್ನು ಮಿಡ್​ ಆನ್​ಗೆ ಬಾರಿಸಿ ಸಿಂಗಲ್​ ತೆಗೆದುಕೊಳ್ಳಲು ಮುಂದಾದರು.

• What would you have done?
  
  Croft goes down injured mid run and @YorkshireCCC decide not to run him out#Blast21 pic.twitter.com/v1JHVGLn1T

  — Vitality Blast (@VitalityBlast) July 17, 2021 " class="align-text-top noRightClick twitterSection" data="

  What would you have done?
  
  Croft goes down injured mid run and @YorkshireCCC decide not to run him out#Blast21 pic.twitter.com/v1JHVGLn1T

  — Vitality Blast (@VitalityBlast) July 17, 2021

  ">

  What would you have done?
  
  Croft goes down injured mid run and @YorkshireCCC decide not to run him out#Blast21 pic.twitter.com/v1JHVGLn1T

  — Vitality Blast (@VitalityBlast) July 17, 2021

ನಾನ್​ ಸ್ಟ್ರೈಕರ್​ನಲ್ಲಿದ್ದ ಸ್ಟೀವನ್ ಕ್ರಾಫ್ಟ್ ಓಡುವಾಗ ಎಡವಿ ಬಿದ್ದು ಮೇಲೇಳಲಾಗದೆ ಅಲ್ಲಿಯೇ ಕಾಲು ನೋವಿನಿಂದ ನರಳಾಡಿದರು. ಈ ಸಂದರ್ಭದಲ್ಲಿ ಚೆಂಡು ಫೀಲ್ಡರ್​ ಕೈಯಲ್ಲಿತ್ತು. ಆದರೂ ಯಾರ್ಕ್​ಶೈರ್ ತಂಡದ ವಿಕೆಟ್​ ಕೀಪರ್ ಕ್ರಾಫ್ಟ್​ ಅವರನ್ನು ಔಟ್ ಮಾಡದೇ ಚೆಂಡನ್ನು ದೂರ ಎಸೆದು ಬಿಟ್ಟರು. ಅಷ್ಟೇ ಅಲ್ಲ, ಅಂಪೈರ್​ಗೆ ಆಟ ನಿಲ್ಲಿಸಲು ಹೇಳಿ, ಬಿದ್ದಿದ್ದ ಬ್ಯಾಟ್ಸ್​ಮನ್​ ಬಳಿಗೆ ಆಗಮಿಸಿದರು.

ಈ ಘಟನೆಯ ವಿಡಿಯೋವನ್ನು ಲೀಗ್​ ತನ್ನ ಟ್ವಿಟರ್​​ನಲ್ಲಿ ಪೋಸ್ಟ್​ ಮಾಡಿದ್ದು, ಯಾರ್ಕ್​ಶೈರ್​ ತಂಡದ ಕ್ರೀಡಾ ಸ್ಪೂರ್ತಿಗೆ ಸಾಕಷ್ಟು ಪ್ರಶಂಸೆ ವ್ಯಕ್ತವಾಗುತ್ತಿದೆ.

ವೈದ್ಯರ ವೀಕ್ಷಣೆಯ ನಂತರ ಕ್ರಾಫ್ಟ್​ ಅಜೇಯ 26 ರನ್​ಗಳಿಸಿ ಲಂಕಾಶೈರ್​ಗೆ 4 ವಿಕೆಟ್​ಗಳ ರೋಚಕ ಜಯ ತಂದುಕೊಟ್ಟರಲ್ಲದೆ, ತಮ್ಮ ತಂಡವನ್ನು ಕ್ವಾರ್ಟರ್​ ಫೈನಲ್​ಗೆ ಕೊಂಡೊಯ್ದರು.

ಪಂದ್ಯದ ನಂತರ ಮಾತನಾಡಿದ ಯಾರ್ಕ್​ಶೈರ್ ತಂಡದ ನಾಯಕ ಜೋ ರೂಟ್,​ ಒತ್ತಡದ ಸಂದರ್ಭದಲ್ಲಿ ನಾವು ಆ ನಿರ್ಧಾರ ತೆಗೆದುಕೊಂಡೆವು. ಆದರೆ ಇದರ ಬಗ್ಗೆ ಹಲವರಲ್ಲಿ ಬೇರೆ ಬೇರೆ ಅಭಿಪ್ರಾಯವಿರಬಹುದು. ಆದರೆ ಆ ಸಂದರ್ಭದಲ್ಲಿ ಕ್ರಾಫ್ಟ್​ರನ್ನು ನಾವು ನೋಡಿದಾಗ ಅದು ಗಂಭೀರವೆನಿಸಿತು ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ನಾಲ್ವರು ಭಾರತೀಯರು ಸೇರಿದಂತೆ ಆಲ್​ಟೈಮ್ Odi ತಂಡ ಪ್ರಕಟಿಸಿದ ಅಖ್ತರ್