ಸೌತಾಂಪ್ಟನ್: ಭಾರತ-ನ್ಯೂಜಿಲ್ಯಾಂಡ್ ತಂಡಗಳ ಮಧ್ಯೆ ಟೆಸ್ಟ್ ವಿಶ್ವ ಚಾಂಪಿಯನ್ ಫೈನಲ್ ಪಂದ್ಯ ನಡೆಯುತ್ತಿದ್ದು, ಇಂದು ಪಂದ್ಯದ ಕೊನೆಯ ದಿನವಾಗಿದೆ. ಇದರ ಮಧ್ಯೆ ಜಸ್ಪ್ರೀತ್ ಬುಮ್ರಾ ಮಾಡಿರುವ ಎಡವಟ್ಟುವೊಂದು ಇದೀಗ ತಮಾಷೆಗೆ ಕಾರಣವಾಗಿದೆ.
ವಿಶ್ವ ಟೆಸ್ಟ್ ಚಾಂಪಿಯನ್ ಫೈನಲ್ಗೋಸ್ಕರ ಟೀಂ ಇಂಡಿಯಾ ಪ್ಲೇಯರ್ಸ್ಗೆ ವಿಶೇಷ ಜರ್ಸಿ ನೀಡಲಾಗಿದೆ. ಆದರೆ, ಮೈದಾನಕ್ಕಿಳಿಯುವ ವೇಳೆ ಬುಮ್ರಾ ಹಳೆಯ ಜರ್ಸಿ ಹಾಕಿಕೊಂಡು ತಮಾಷೆಗೆ ಕಾರಣವಾಗಿದ್ದಾರೆ. ಮಳೆಯ ಕಾರಣ ಕೊನೆಯ ದಿನವಾದ ಇಂದು ಕೂಡ ಪಂದ್ಯ ಸ್ವಲ್ಪ ತಡವಾಗಿ ಆರಂಭಗೊಳ್ತು. ಈ ವೇಳೆ ವೇಗಿ ಬುಮ್ರಾ ಹಳೆಯ ಜರ್ಸಿ ಹಾಕಿಕೊಂಡು ಮೈದಾನಕ್ಕೆ ಬಂದಿದ್ದು, ಒಂದು ಓವರ್ ಕೂಡ ಎಸೆದಿದ್ದಾರೆ. ಇದಾದ ಬಳಿಕ ತಕ್ಷಣವೇ ಡ್ರೆಸ್ಸಿಂಗ್ ರೂಂಗೆ ತೆರಳಿದ ಅವರು ಹೊಸ ಜರ್ಸಿ ಹಾಕಿಕೊಂಡು ಬಂದಿದ್ದಾರೆ.
ಇದನ್ನೂ ಓದಿರಿ: WTC Final: ಶಮಿ ಮಾರಕ ಬೌಲಿಂಗ್ ದಾಳಿಗೆ ಕಿವೀಸ್ ತತ್ತರ: 249 ಕ್ಕೆ ಆಲೌಟ್, 32 ರನ್ಗಳ ಮುನ್ನಡೆ
ನ್ಯೂಜಿಲ್ಯಾಂಡ್ ವಿರುದ್ಧದ ಪಂದ್ಯದಲ್ಲಿ 26 ಓವರ್ ಎಸೆದಿರುವ ಬುಮ್ರಾ 9 ಮೆಡನ್ ಓವರ್ ಹಾಕಿದ್ದಾರೆ. ಆದರೆ, ಯಾವುದೇ ವಿಕೆಟ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿಲ್ಲ. ಮೊದಲ ಇನ್ನಿಂಗ್ಸ್ನಲ್ಲಿ ಟೀಂ ಇಂಡಿಯಾ 217ರನ್ಗಳಿಕೆ ಮಾಡಿದ್ರೆ, ನ್ಯೂಜಿಲ್ಯಾಂಡ್ 249 ರನ್ಗಳಿಸಿ ಆಲೌಟ್ ಆಗಿದೆ. ಸದ್ಯ ಟೀಂ ಇಂಡಿಯಾ ಎರಡನೇ ಇನ್ನಿಂಗ್ಸ್ ಆರಂಭ ಮಾಡಿದೆ.
