ಮಹಿಳಾ ಐಪಿಎಲ್​: ಕಾಪ್, ಶೆಫಾಲಿ ಅಬ್ಬರಕ್ಕೆ ನಲುಗಿದ ಗುಜರಾತ್; ಡೆಲ್ಲಿಗೆ 10 ವಿಕೆಟ್‌ ಗೆಲುವು!

ಮುಂಬೈನ ಡಿ.ವೈ.ಪಾಟೀಲ್ ಕ್ರೀಡಾಂಗಣದಲ್ಲಿ ಸಿಡಿಲಮರಿ ಶೆಫಾಲಿ ವರ್ಮಾರ ಅರ್ಧಶತಕ ಮತ್ತು ಮಾರಿಯಾನ್​ ಕಾಪ್​ರ ಅದ್ಭುತ ಪ್ರದರ್ಶನದಿಂದ ಡೆಲ್ಲಿ ಕ್ಯಾಪಿಟಲ್ಸ್​, ಗುಜರಾತ್​ ಜೈಂಟ್ಸ್​ ವಿರುದ್ಧ ಭರ್ಜರಿ ಜಯ ದಾಖಲಿಸಿತು.

ನವಿಮುಂಬೈ: ಶೆಫಾಲಿ ವರ್ಮಾ ಅವರ ಸ್ಫೋಟಕ ಅಜೇಯ ಅರ್ಧಶತಕ ಮತ್ತು ಮಾರಿಯಾನ್ನೆ ಕಾಪ್​ ಮಾರಕ ಬೌಲಿಂಗ್​ ದಾಳಿಗೆ ನಲುಗಿದ ಡೆಲ್ಲಿ ಕ್ಯಾಪಿಟಲ್ಸ್ ಶನಿವಾರ ನಡೆದ ಮಹಿಳಾ ಪ್ರೀಮಿಯರ್ ಲೀಗ್‌ನಲ್ಲಿ ಗುಜರಾತ್ ಜೈಂಟ್ಸ್ ವಿರುದ್ಧ 10 ವಿಕೆಟ್‌ಗಳ ಬೃಹತ್ ಗೆಲುವು ಸಾಧಿಸಿದೆ. ಡೆಲ್ಲಿಗೆ ಇದು ಮೂರನೇ ಗೆಲುವಾದರೆ, ಗುಜರಾತ್​ಗೆ ಮೂರನೇ ಸೋಲಾಯಿತು. ಈ ಮೂಲಕ ಗುಜರಾತ್‌ ಸೆಮಿಫೈನಲ್​ ಹಾದಿ ಕಠಿಣವಾಗಿದೆ.

ಡಿ.ವೈ.ಪಾಟೀಲ್ ಕ್ರೀಡಾಂಗಣದಲ್ಲಿ ಅಕ್ಷರಶಃ ಡೆಲ್ಲಿ ಆಟಗಾರ್ತಿಯರು ಪ್ರಾಬಲ್ಯ ಸಾಧಿಸಿದರು. ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ ಗುಜರಾತ್​ ಜೈಂಟ್ಸ್​ಗೆ ಮೊದಲ ಓವರ್​ನ 2ನೇ ಎಸೆತದಲ್ಲೇ ಪತನದ ಮುನ್ಸೂಚನೆ ಸಿಕ್ಕಿತು. ಆರಂಭಿಕ ಆಟಗಾರ್ತಿ ಮೇಘನಾರನ್ನು ಮಾರಿಯಾನೆ ಕಾಪ್​ ಬೌಲ್ಡ್​​ ಮಾಡುವ ಮೂಲಕ ಪೆವಿಲಿಯನ್​ ದಾರಿ ತೋರಿಸಿದರು. ಇದಾದ ಬಳಿಕ ಸತತ ಮೂರು ವಿಕೆಟ್​​ ಪಡೆದ ಕಾಪ್​ ಡೆಲ್ಲಿಗೆ ಅದ್ಭುತ ಆರಂಭ ನೀಡಿದರು. ಕಾಪ್​ ತಮ್ಮ ಕೋಟಾದ 4 ಓವರ್​ಗಳಲ್ಲಿ 15 ರನ್​ ನೀಡಿ 5 ವಿಕೆಟ್​ ಗೊಂಚಲು ಪಡೆದರು.

• For her impeccable five-wicket haul in the first innings, @kappie777 bagged the Player of the Match award as @DelhiCapitals seal a 🔟-wicket win 👏👏
  
  Scorecard 👉 https://t.co/ea9cEEkMGR#TATAWPL | #GGvDC pic.twitter.com/kXzmkzl1Qe

  — Women's Premier League (WPL) (@wplt20) March 11, 2023 " class="align-text-top noRightClick twitterSection" data="

  For her impeccable five-wicket haul in the first innings, @kappie777 bagged the Player of the Match award as @DelhiCapitals seal a 🔟-wicket win 👏👏
  
  Scorecard 👉 https://t.co/ea9cEEkMGR#TATAWPL | #GGvDC pic.twitter.com/kXzmkzl1Qe

  — Women's Premier League (WPL) (@wplt20) March 11, 2023

  ">

  For her impeccable five-wicket haul in the first innings, @kappie777 bagged the Player of the Match award as @DelhiCapitals seal a 🔟-wicket win 👏👏
  
  Scorecard 👉 https://t.co/ea9cEEkMGR#TATAWPL | #GGvDC pic.twitter.com/kXzmkzl1Qe

  — Women's Premier League (WPL) (@wplt20) March 11, 2023

ಸತತ ವಿಕೆಟ್​ ಪತನ: ಡೆಲ್ಲಿ ಬೌಲಿಂಗ್​ ದಾಳಿ ಹೇಗಿತ್ತೆಂದರೆ, ಅಜಮಾಸು ಪ್ರತಿ 10 ರನ್​ಗೆ ಒಂದು ವಿಕೆಟ್​ ಕಿತ್ತಿತು. ಟೂರ್ನಿಯ ಅತ್ಯಧಿಕ ಸ್ಕೋರರ್​ಗಳಲ್ಲಿ ಒಬ್ಬರಾಗಿರುವ ಹರ್ಲಿನ್​ ಡಿಯೋಲ್​ 14 ಎಸೆತಗಳಲ್ಲಿ 20 ರನ್​, ಗಾರ್ಜಿಯಾ ವಾರೆಹೆಮ್​ 22, ಕಿಮ್​ ಗರ್ಥ್​ 32 ತನುಜಾ ಕನ್ವರ್​ 13 ರನ್​ ಗಳಿಸಿದರೆ, ಉಳಿದ ಆಟಗಾರ್ತಿಯರು ಒಂದಂಕಿ ಕೂಡ ದಾಟಲಿಲ್ಲ. ಇದರಿಂದ ತಂಡ ಸತತ ಕುಸಿತ ಕಾಣುತ್ತಾ 9 ವಿಕೆಟ್​ಗೆ 105 ರನ್​ಗಳಿಗೆ ಸರ್ವಪತನ ಕಂಡಿತು. ಕಾಪ್​ಗೆ ಉತ್ತಮ ಬೆಂಬಲ ನೀಡಿದ ಅನುಭವಿ ಬೌಲರ್​ ಶಿಖಾ ಪಾಂಡೆ 3 ವಿಕೆಟ್​ ಕಿತ್ತರು.

7 ಓವರ್​ಗಳಲ್ಲಿ 6 ವಿಕೆಟ್​: ಗುಜರಾತ್​ ತಂಡ ಆರಂಭದಿಂದಲೇ ವಿಕೆಟ್​ ಕಳೆದುಕೊಳ್ಳುತ್ತಾ ಸಾಗಿ 7 ಓವರ್​ಗಳಲ್ಲಿ ಪ್ರಮುಖ 6 ವಿಕೆಟ್​ ಕಳೆದುಕೊಂಡಿತು. ಈ ವೇಳೆ ತಂಡ ಗಳಿಸಿದ್ದು 3 ರನ್ ಮಾತ್ರ. 50 ರನ್​ಗೆ ಆಲೌಟ್​ ಆಗುವ ಭೀತಿಯಲ್ಲಿದ್ದ ತಂಡಕ್ಕೆ ಕಿಮ್​ ಗರ್ಥ್​ ಮತ್ತು ಜಾರ್ಜಿಯಾ ವಾರೆಹೆಮ್​ ತಂಡಕ್ಕೆ ಅಗತ್ಯವಿರುವ ರನ್‌ಗಳನ್ನು ಗಳಿಸಲು ಪ್ರಯತ್ನಿಸಿದರು. 37 ಎಸೆತಗಳನ್ನು ಎದುರಿಸಿದ ಕಿಮ್​ ಗರ್ಥ್​ 32 ರನ್ ಮಾಡಿದರೆ, 25 ಬಾಲ್​ಗಳಲ್ಲಿ ವಾರೆಹೆಮ್​ 22 ರನ್​ ಮಾಡಿ ಪ್ರತಿರೋಧ ತೋರಿದರು. ಆದರೆ ಇವರ ಪ್ರಯತ್ನಗಳನ್ನು ಮಾರಿಯಾನ್​ ಕಾಪ್​ ಮತ್ತು ಶಿಖಾ ಪಾಂಡೆ ಮುಂದುವರಿಸಲು ಬಿಡಲಿಲ್ಲ.

ಬೌಂಡರಿ- ಸಿಕ್ಸರ್​ ಸಿಡಿಯಬೇಕಿದ್ದ ಚಿಕ್ಕ ಮೈದಾನದಲ್ಲಿ ಗುಜರಾತ್​ ತನ್ನ ಇನಿಂಗ್ಸ್​ನ 13 ರಿಂದ 16 ಓವರ್​ಗಳ ಮಧ್ಯೆ ಒಂದೇ ಒಂದು ಬೌಂಡರಿ ಗಳಿಸಲು ಸಾಧ್ಯವಾಗಲಿಲ್ಲ. ಇದು ಡೆಲ್ಲಿ ಆಟಗಾರ್ತಿಯರ ಕರಾರುವಾಕ್​ ದಾಳಿಗೆ ಸಾಕ್ಷಿಯಾಗಿತ್ತು. ಇದಲ್ಲದೇ, ಗುಜರಾತ್ ಜೈಂಟ್ಸ್ ಇನ್ನಿಂಗ್ಸ್‌ನಲ್ಲಿ ಒಂದೇ ಒಂದು ಸಿಕ್ಸರ್‌ ಕೂಡ ದಾಖಲಾಗಲಿಲ್ಲ.

ಶೆಫಾಲಿ ವರ್ಮಾ ಅಬ್ಬರದ ಬ್ಯಾಟಿಂಗ್: 106 ರನ್​ಗಳ ಅಲ್ಪಮೊತ್ತದ ಗುರಿ ಪಡೆದ ಡೆಲ್ಲಿ ತಂಡದ ಆರಂಭಿಕ ಆಟಗಾರ್ತಿ 'ಜೂನಿಯರ್​ ಸೆಹ್ವಾಗ್'​ ಖ್ಯಾತಿಯ ಶೆಫಾಲಿ ವರ್ಮಾ ಸಿಡಿಲಬ್ಬರದ ಬ್ಯಾಟಿಂಗ್​ ಮಾಡಿದರು. ಪ್ರತಿ ಬೌಲರ್​ಗಳನ್ನು ಶೆಫಾಲಿ ಬೆಂಡೆತ್ತಿದರು. ಆಶ್ಲೀಗ್ ಗಾರ್ಡ್​ನರ್​ ಎಸೆದ ನಾಲ್ಕನೇ ಓವರ್‌ನಲ್ಲಿ ನಾಲ್ಕು ಬೌಂಡರಿ ಮತ್ತು ಒಂದು ಸಿಕ್ಸರ್‌ ಸೇರಿ 23 ರನ್ ಚಚ್ಚಿದರು. ಕೇವಲ 19 ಎಸೆತಗಳಲ್ಲಿ ಶೆಫಾಲಿ ಅರ್ಧಶತಕ ಸಿಡಿಸಿದರು. ಇದು ಮಹಿಳಾ ಐಪಿಎಲ್​ನಲ್ಲಿ ಅವರ 2ನೇ ಅರ್ಧಶತಕವಾಗಿದೆ.

ಇದಾದ ಬಳಿಕವೂ ನಿಲ್ಲದ ಆಟಗಾರ್ತಿ 28 ಎಸೆತಗಳಲ್ಲಿ 76 ರನ್​​ ಮಾಡಿ ಡೆಲ್ಲಿ ಗೆಲುವಿನ ಸಂಭ್ರಮಾಚರಣೆ ದ್ವಿಗುಣಗೊಳಿಸಿದರು. ನಾಯಕಿ ಮೆಗ್ ಲ್ಯಾನಿಂಗ್ 15 ಎಸೆತಗಳಲ್ಲಿ 21 ರನ್ ಮಾಡಿ ಯಶಸ್ವಿ ಚೇಸಿಂಗ್​ ನಡೆಸಿದರು. ಈ ಮೂಲಕ ಡೆಲ್ಲಿ ಕೇವಲ 7.1 ಓವರ್‌ಗಳಲ್ಲಿ 107 ರನ್​ ಗಳಿಸಿ 10 ವಿಕೆಟ್​ಗಳಲ್ಲಿ ಗುಜರಾತ್​ ಜೈಂಟ್ಸ್​ ವಿರುದ್ಧ ಗೆಲುವು ಸಾಧಿಸಿತು. ಇದಕ್ಕೂ ಮೊದಲು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ವಿರುದ್ಧ ಯುಪಿ ವಾರಿಯರ್ಸ್​ 10 ವಿಕೆಟ್​ ಜಯ ಸಾಧಿಸಿತ್ತು.

ಇದನ್ನೂ ಓದಿ: ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್ 2023: ಬಿಎಫ್​ಐಯಿಂದ 'ವೀರಾ' ಅನಾವರಣ