ವಿಶ್ವಕಪ್ 2023: ಕಿವೀಸ್​ ಬೌಲರ್​​ ಮ್ಯಾಟ್ ಹೆನ್ರಿ ಹೊರಕ್ಕೆ: ಕೈಲ್ ಜೇಮಿಸನ್​ಗೆ ಸ್ಥಾನ

ವಿಶ್ವಕಪ್​ ಮಹತ್ವದ ಘಟ್ಟವನ್ನು ತಲುಪಿದಾಗ ಕಿವೀಸ್​ಗೆ ಭಾರಿ ಆಘಾತವಾಗಿದ್ದು, ಪ್ರಮುಖ ಬೌಲರ್​ ಮ್ಯಾಟ್ ಹೆನ್ರಿ ಮಂಡಿರಜ್ಜು ಒತ್ತಡದಿಂದಾಗಿ ಪಂದ್ಯಾವಳಿಯ ಮುಂದಿನ ಪಂದ್ಯಗಳಿಂದ ಹೊರಗುಳಿದಿದ್ದಾರೆ.

ಬೆಂಗಳೂರು: ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಸೆಮೀಸ್​ ಸ್ಥಾನಕ್ಕೆ ಬಿರುಸಿನ ಪೈಪೋಟಿ ಆರಂಭವಾಗಿದೆ. ಈ ಪ್ರಮುಖ ಹಂತದಲ್ಲಿ ನ್ಯೂಜಿಲೆಂಡ್​ಗೆ ಭಾರಿ ಹಿನ್ನಡೆ ಆಗಿದೆ. ಪ್ರಮುಖ ವೇಗದ ಬೌಲರ್ ಮ್ಯಾಟ್ ಹೆನ್ರಿ ಬಲ ಮಂಡಿರಜ್ಜು ನೋವಿನಿಂದ ಬಳಲುತ್ತಿದ್ದು, ಟೂರ್ನಮೆಂಟ್‌ನಿಂದ ಹೊರಗುಳಿದಿದ್ದಾರೆ. ಮ್ಯಾಟ್​ ಹೆನ್ರಿ ಅವರ ಬದಲಾಗಿ ಕೈಲ್ ಜೇಮಿಸನ್ ಕಿವೀಸ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

• 🚨 JUST IN: New Zealand replacement named as experienced pacer is ruled out of #CWC23.
  
  Details 👇https://t.co/HThGoPATs9

  — ICC (@ICC) November 3, 2023 " class="align-text-top noRightClick twitterSection" data="

  🚨 JUST IN: New Zealand replacement named as experienced pacer is ruled out of #CWC23.
  
  Details 👇https://t.co/HThGoPATs9

  — ICC (@ICC) November 3, 2023

  ">

  🚨 JUST IN: New Zealand replacement named as experienced pacer is ruled out of #CWC23.
  
  Details 👇https://t.co/HThGoPATs9

  — ICC (@ICC) November 3, 2023

ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂನಲ್ಲಿ ಬುಧವಾರ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಹೆನ್ರಿ ಗಾಯಗೊಂಡರು, ಎಂಆರ್​​ಐ ಸ್ಕ್ಯಾನ್​ನ ನಂತರ ವೈದ್ಯಕೀಯ ಸಲಹೆಯಂತೆ ಅವರು ಚೇತರಿಸಿಕೊಳ್ಳಲು ಕನಿಷ್ಠ ಎರಡರಿಂದ ನಾಲ್ಕು ವಾರಗಳ ಅಗತ್ಯವಿದೆ ಎನ್ನಲಾಗಿದೆ. ತಂಡ ಗಾಯಾಳುವಿನ ಬಗ್ಗೆ ಮಾಹಿತಿ ನೀಡಿದ ಕೋಚ್​ "ತಂಡ ಹೆನ್ರಿ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುತ್ತದೆ" ಎಂದಿದ್ದಾರೆ.

"ನಾವು ಅವರಿಗೆ ಧೈರ್ಯ ತುಂಬಿದ್ದೇವೆ. ಮ್ಯಾಟ್ ದೀರ್ಘಕಾಲದಿಂದ ನಮ್ಮ ಏಕದಿನ ತಂಡದಲ್ಲಿ ನಿರ್ಣಾಯಕ ಭಾಗವಾಗಿದ್ದಾರೆ ಮತ್ತು ನಾವು ಈ ಪಂದ್ಯಾವಳಿಯ ಪ್ರಮುಖ ಹಂತವನ್ನು ತಲುಪಿದಾಗ ಅವರನ್ನು ಹೊರಗಿಡುವುದು ನಿರಾಶಾದಾಯಕವಾಗಿದೆ. ಅವರು ಸತತವಾಗಿ ಐಸಿಸಿ ಟಾಪ್ 10 ಬೌಲರ್​ಗಳಲ್ಲಿ ಇರುತ್ತಾರೆ. ಕಳೆದ ಕೆಲವು ವರ್ಷಗಳಿಂದ ಏಕದಿನ ಮಾದರಿಯಲ್ಲಿ ತಂಡಕ್ಕೆ ಪ್ರಮುಖ ಬೌಲರ್​ ಆಗಿದ್ದಾರೆ" ಎಂದು ಕೋಚ್ ಗ್ಯಾರಿ ಸ್ಟೆಡ್ ಮಾಧ್ಯಮ ಹೇಳಿಕೆಯಲ್ಲಿ ಉಲ್ಲೇಖಿಸಿದ್ದಾರೆ.

ಮ್ಯಾಟ್​ ಹೆನ್ರಿ ಕಿವೀಸ್​ಗಾಗಿ 80 ಏಕದಿನ ಇನ್ನಿಂಗ್ಸ್​ನಲ್ಲಿ ಬೌಲಿಂಗ್​ ಮಾಡಿದ್ದು, 26.4 ಸರಾಸರಿಯಲ್ಲಿ 5.22 ಎಕಾನಮಿಯಲ್ಲಿ ಎರಡು ಬಾರಿ 5 ವಿಕೆಟ್​ ಸೇರಿ, 141 ವಿಕೆಟ್​ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 30 ರನ್​ ಕೊಟ್ಟು 5 ವಿಕೆಟ್​ ಕಬಳಿಸಿರುವುದು ಅವರ ಏಕದಿನದ ಬೆಸ್ಟ್​ ಬೌಲಿಂಗ್​ ಆಗಿದೆ. ಕೈಲ್ ಜೇಮಿಸನ್ 12 ಏಕದಿನ ಇನ್ನಿಂಗ್ಸ್​ ಆಡಿದ್ದು, 5.7ರ ಎಕಾನಮಿಯಲ್ಲಿ 14 ವಿಕೆಟ್​​ ಕಬಳಿಸಿದ್ದಾರೆ.

ವಿಶ್ವಕಪ್​ನಲ್ಲಿ ನ್ಯೂಜಿಲೆಂಡ್​: ಹಾಲಿ ರನ್ನರ್​ ಅಪ್​ ಆಗಿರುವ ನ್ಯೂಜಿಲೆಂಡ್​ ತಂಡ ಈ ವರ್ಷ ವಿಶ್ವಕಪ್​ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಾ ಬಂದಿದೆ. ಉದ್ಘಾಟನಾ ಪಂದ್ಯದಲ್ಲಿ ಹಾಲಿಚಾಂಪಿಯನ್​ ಇಂಗ್ಲೆಂಡ್ ಮಣಿಸಿತು. ನಂತರ ಸತತ ಮೂರು ಪಂದ್ಯಗಳನ್ನು ಗೆದ್ದುಕೊಂಡಿದ್ದ ಕಿವೀಸ್​ ಪಡೆ ಕಳೆದ ಮೂರು ಪಂದ್ಯವನ್ನು ಕಳೆದುಕೊಂಡಿದೆ. 7 ಪಂದ್ಯಗಳನ್ನು ಆಡಿರುವ ಕಿವೀಸ್​ 4 ರಲ್ಲಿ ಗೆದ್ದು, 3 ಸೋತಿದ್ದು, ಅಂಕಪಟ್ಟಿಯಲ್ಲಿ 4ನೇ ಸ್ಥಾನವನ್ನು ಪಡೆದುಕೊಂಡಿದೆ. ನವೆಂಬರ್​ 4 ರಂದು ಪಾಕಿಸ್ತಾನವನ್ನು ನ್ಯೂಜಿಲೆಂಡ್​ ಎದುರಿಸಲಿದ್ದು ಇದು ಸೆಮೀಸ್​ಗೆ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ. ಕಿವೀಸ್​ ಗೆದ್ದಲ್ಲಿ ಸೆಮೀಸ್​ ಕನಸು ಜೀವಂತವಾಗಿರಲಿದೆ.

ಇದನ್ನೂ ಓದಿ: ವಿಶ್ವಕಪ್​ ಕ್ರಿಕೆಟ್​​: ಟೀಮ್​ ಇಂಡಿಯಾ ಗೆಲುವಿನಲ್ಲಿ ಸಚಿನ್​ ದಾಖಲೆ ಮುರಿದ ವಿರಾಟ್​