ಮಹಿಳಾ ಏಷ್ಯಾ ಕಪ್​ : ಭಾರತಕ್ಕೆ 59 ರನ್​ಗಳ ಗೆಲುವು, ಶಫಾಲಿ ವರ್ಮಾ ಆಕರ್ಷಕ ಅರ್ಧ ಶತಕ

ಭಾರತ ನೀಡಿದ್ದ 160ರನ್​ ಗುರಿಯನ್ನು ಸಾಧಿಸಲಾಗದೇ ಬಾಂಗ್ಲಾದೇಶ 59 ರನ್​ಗಳಿಂದ ಮಣಿಯಿತು. 8 ಅಂಕದಿಂದ ಭಾರತ ಪಾಯಿಂಟ್​ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.

ಸಿಲ್ಹೆಟ್ (ಬಾಂಗ್ಲಾದೇಶ): ಮಹಿಳಾ ಏಷ್ಯಾಕಪ್​ನಲ್ಲಿ ಭಾರತ ಮತ್ತು ಬಾಂಗ್ಲಾದೇಶ ವಿರುದ್ಧ 59 ರನ್​ಗಳಿಂದ ಗೆಲುವು ಸಾಧಿಸುವ ಮೂಲಕ ಅಂಕ ಪಟ್ಟಿಯಲ್ಲಿ 8 ಅಂಕಗಳಿಂದ ಕ್ವಾಲಿಫೈ ಆಗಿದೆ. ಭಾರತದ ವನಿತೆಯರು ಐದು ಪಂದ್ಯಗಳನ್ನಾಡಿದ್ದು ಪಾಕಿಸ್ತಾನದ ವಿರುದ್ಧ ನಿನ್ನೆ ಸೋಲನುಭವಿಸಿದ್ದು ಬಿಟ್ಟರೆ ಹ್ಯಾಟ್ರಿಕ್​ ಗೆಲುವು ಸಾಧಿಸಿತ್ತು. ಅಕ್ಟೋಬರ್​ 10ರಂದು ಕೊನೆ ಪಂದ್ಯವನ್ನು ಥಾಯ್ಲೆಂಡ್​​ನೊಂದಿಗೆ ಆಡಲಿದೆ.

ಮೊದಲು ಬ್ಯಾಟಿಂಗ್​ ಮಾಡಿದ ಭಾರತೀಯ ವನೆತೆಯರು 5 ವಿಕೆಟ್​ ನಷ್ಟಕ್ಕೆ 159 ರನ್​ಗಳ ಗಳಿಸಿದರು. ಶಿಫಾಲಿ ವರ್ಮಾ ಮತ್ತು ನಾಯಕಿ ಮಂಧಾನ ಅವರ ಅಧ್ಭುತ ಆರಂಭಿಕ ಜೊತೆಯಾಟವಾಡಿ ಉತ್ತಮ​ ಮೊತ್ತ ಕಲೆಹಾಕುವಲ್ಲಿ ಯಶಸ್ವಿಯಾಯಿತು.

ಮಂಧಾನ ಅವರ ತಂಡ ನೀಡಿದ್ದ 160 ರನ್​ಗಳ ಗುರಿಯನ್ನು ಬೆನ್ನಟ್ಟಿದ ಬಾಂಗ್ಲಾದೇಶ 20 ಓವರ್​ ಮುಕ್ತಾಯಕ್ಕೆ 7 ವಿಕೆಟ್​ಗೆ​ 100 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರಿಂದ ಭಾರತದ ವನಿತೆಯರು 59ರನ್​​​ ಗೆಲುವು ಸಾಧಿಸಿದರು. ಫರ್ಗಾನಾ ಹೊಕ್(30), ಮುರ್ಷಿದಾ ಖಾತುನ್ (21) ಮತ್ತು ನಾಯಕಿ ನಿಗರ್ ಸುಲ್ತಾನಾ(36) ಆಡಿದ್ದು ಬಿಟ್ಟರೆ ಮತ್ತೆ ಯಾರೂ ಸಾಂಗಿಕ ಪ್ರದರ್ಶನ ನೀಡಲಿಲ್ಲ.

• India back to winning ways in the #WomensAsiaCup2022 👏
  
  Scorecard: https://t.co/egcKxhjLAB pic.twitter.com/aquiD32eM3

  — ICC (@ICC) October 8, 2022 " class="align-text-top noRightClick twitterSection" data="

  India back to winning ways in the #WomensAsiaCup2022 👏
  
  Scorecard: https://t.co/egcKxhjLAB pic.twitter.com/aquiD32eM3

  — ICC (@ICC) October 8, 2022

  ">

  India back to winning ways in the #WomensAsiaCup2022 👏
  
  Scorecard: https://t.co/egcKxhjLAB pic.twitter.com/aquiD32eM3

  — ICC (@ICC) October 8, 2022

ಮಧ್ಯಮ ಮತ್ತು ಕೆಳ ಕ್ರಮಾಂಕ ವಿಫಲ : ರಿತು ಮೋನಿ(4), ಲತಾ ಮೊಂಡಲ್(1), ಫಾಹಿಮಾ ಖಾತುನ್(1), ರುಮಾನಾ ಅಹ್ಮದ್(0) ವಿಕೆಟ್​ ಒಪ್ಪಿಸಿದರು. ನಹಿದಾ ಅಕ್ಟರ್(0) ಮತ್ತು ಸಲ್ಮಾ ಖಾತುನ್(5) ನಾಟೌಟ್​ ಆಗಿ ಉಳಿದರು.

ಭಾರತದ ಪರ ದೀಪ್ತಿ ಶರ್ಮಾ ಮತ್ತು ಶಫಾಲಿ ವರ್ಮಾ ತಲಾ ಎರಡು ವಿಕೆಟ್​ ಮತ್ತು ರೇಣು ಸಿಂಗ್​ ಮತ್ತು ಸ್ನೇಹ ರಾಣ ಒಂದೊಂದು ವಿಕೆಟ್​ ಪಡೆದರು.

ಶಫಾಲಿ ವರ್ಮಾ ಅರ್ಧಶತಕ : ಮೊದಲ ಇನ್ನಿಂಗ್ಸ್​ನಲ್ಲಿ ಬ್ಯಾಟ್​ ಮಾಡಿದ ಭಾರತೀಯ ವನಿತೆಯರು ಉತ್ತಮ ಬ್ಯಾಟಿಂಗ್​ ಪ್ರದರ್ಶಿಸಿದರು. ಪಾಕಿಸ್ತಾನದ ಎರುರಿನ ಸೋಲಿಗೆ ಕಾರಣವಾಗಿದ್ದ ಬ್ಯಾಟಿಂಗ್​ ವೈಫಲ್ಯವನ್ನು ಈ ಪಂದ್ಯದಲ್ಲಿ ಸುಧಾರಿಸಿ ಆಡಿದ್ದಾರೆ. ಆರಂಭಿಕರಾಗಿ ಬಂದ ನಾಯಕಿ ಮಂಧಾನ ಮತ್ತು ಶಫಾಲಿ ವರ್ಮಾ 96 ರನ್​ಗಳ ಜೊತೆಯಾಟ ನೀಡಿದರು. ಇದರಿಂದ ಬಾಂಗ್ಲಾಕ್ಕೆ 160 ರನ್​ಗಳ ಕಠಿಣ ಗುರಿ ನೀಡಲು ಸಾಧ್ಯವಾಯಿತು.

ಮಂಧಾನ 6 ಬೌಂಡರಿಯಿಂದ 47 ರನನ್ ಗಳಿಸಿ ಔಟ್​ ಆದರು. ನಂತರ ಬಂದ ರಾಡ್ರಿಗಸ್ (35) ಶಫಾಲಿ ವರ್ಮಾನಿಗೆ ಸಾಥ್​ ನೀಡಿದರು. ಆರಂಭಿಕರಾಗಿ ಬಂದ ಶಫಾಲಿ ವರ್ಮಾ 5 ಬೌಂಡರಿ ಮತ್ತು 2 ಸಿಕ್ಸರ್​ನಿಂದ 55 ರನ್​ ಗಳಿಸಿದರು.

ಮಧ್ಯಮ ಕ್ರಮಾಂಕ ಕುಸಿತ : ಆರಂಭಕ ಆಟಗಾರರು ನೀಡಿದ ಉತ್ತಮ ಜೊತೆಯಾಟವನ್ನು ಮಧ್ಯಮ ಕ್ರಮಾಂಕದ ಬ್ಯಾಟರ್​ಗಳು ಮುಂದುವರೆಸಲಿಲ್ಲ. ರಿಚಾ ಘೋಷ್​(4), ಕಿರಣ್ ನವಗಿರೆ(0) ಮತ್ತು ದೀಪ್ತಿ ಶರ್ಮಾ (10) ಬೇಗ ವಿಕೆಟ್​​ ಒಪ್ಪಿಸಿದರು.

ಅರ್ಧಶತಕ ಗಳಿಸಿ ಎರಡು ವಿಕೆಟ್​ ಪಡೆದ ಶಫಾಲಿ ಶರ್ಮಾ ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಲಾಯಿತು.

ಸಂಕ್ಷಿಪ್ತ ಸ್ಕೋರ್​ : ಭಾರತ 20 ಓವರ್​ಗೆ 5 ವಿಕೇಟ್​ ನಷ್ಟಕ್ಕೆ 159ರನ್​ ಮತ್ತು ಬಾಂಗ್ಲಾದೇಶ 20 ಓವರ್​ಗೆ 7 ವಿಕೆಟ್​ ನಷ್ಟಕ್ಕೆ 100 ರನ್​

ಫಲಿತಾಂಶ: ಭಾರತಕ್ಕೆ 59 ರನ್​ಗಳ ಗೆಲುವು.

ಇದನ್ನೂ ಓದಿ : ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿ: ಚಹರ್ ಬದಲಿಗೆ ವಾಷಿಂಗ್ಟನ್​​ ಸುಂದರ್​​​​​ ಇನ್​​​