ಸ್ಪಿನ್​ ಬಲೆಗೆ ಬಿದ್ದು ಹೀನಾಯ ಸೋಲುಂಡ ವಿಂಡೀಸ್​...ಭಾರತಕ್ಕೆ 4-1 ರಲ್ಲಿ ಸರಣಿ ಜಯ

ಟಿ-20ಯಲ್ಲಿ ಬ್ಯಾಟ್ಸ್​ಮನ್​ಗಳ ದರ್ಬಾರ್​ ಹೆಚ್ಚಿರುತ್ತದೆ. ಭಾರತ- ವೆಸ್ಟ್​ ಇಂಡೀಸ್​ ನಡುವಿನ 5 ನೇ ಪಂದ್ಯದಲ್ಲಿ ಇದು ಉಲ್ಟಾ ಆಗಿ ಸ್ಪಿನ್ನರ್​​ಗಳೇ ರಾರಾಜಿಸಿದರು. ವಿಂಡೀಸ್​ ಇ​ನಿಂಗ್ಸ್​ನ ಎಲ್ಲ 10 ವಿಕೆಟ್​ಗಳನ್ನು ಭಾರತದ ತ್ರಿವಳಿ ಸ್ಪಿನ್ನರ್​ಗಳ ಹಂಚಿಕೊಂಡರು.

ಫ್ಲೋರಿಡಾ: ಭಾರತದ ತ್ರಿವಳಿ ಸ್ಪಿನ್ನರ್​ ಗಳಾದ ಅಕ್ಸರ್​​ ಪಟೇಲ್​, ರವಿ ಬಿಷ್ಣೋಯಿ, ಕುಲದೀಪ್​ ಯಾದವ್​ ಅವರು ಹೆಣೆದ ಬಲೆಗೆ ಬೀಳುವ ಮೂಲಕ ಕೊನೆಯ, 5ನೇ ಟಿ-20 ಪಂದ್ಯದಲ್ಲಿ ವೆಸ್ಟ್​ ಇಂಡೀಸ್​, ಭಾರತದ ಎದುರು 88 ರನ್​ಗಳ ಹೀನಾಯ ಸೋಲು ಕಂಡಿತು. ಪಂದ್ಯದಲ್ಲಿ ಸ್ಪಿನ್ನರ್​ಗಳು ಎಲ್ಲ 10 ವಿಕೆಟ್​ಗಳನ್ನು ಕಬಳಿಸಿದ್ದು ವಿಶೇಷವಾಗಿತ್ತು. ಟಿ-20ಯಲ್ಲಿ ಈ ಸಾಧನೆ ಮೂಡಿ ಬಂದಿದ್ದು ಇದೇ ಮೊದಲಾಗಿದೆ.

• For his superb bowling display of 3⃣/1⃣5⃣, @akshar2026 bags the Player of the Match award as #TeamIndia beat West Indies in the fifth #WIvIND T20I to complete a 4-1 series win. 👏 👏
  
  Scorecard 👉 https://t.co/EgKXTtbLEa pic.twitter.com/ihN8RyQT4S

  — BCCI (@BCCI) August 7, 2022 " class="align-text-top noRightClick twitterSection" data="

  For his superb bowling display of 3⃣/1⃣5⃣, @akshar2026 bags the Player of the Match award as #TeamIndia beat West Indies in the fifth #WIvIND T20I to complete a 4-1 series win. 👏 👏
  
  Scorecard 👉 https://t.co/EgKXTtbLEa pic.twitter.com/ihN8RyQT4S

  — BCCI (@BCCI) August 7, 2022

  ">

  For his superb bowling display of 3⃣/1⃣5⃣, @akshar2026 bags the Player of the Match award as #TeamIndia beat West Indies in the fifth #WIvIND T20I to complete a 4-1 series win. 👏 👏
  
  Scorecard 👉 https://t.co/EgKXTtbLEa pic.twitter.com/ihN8RyQT4S

  — BCCI (@BCCI) August 7, 2022

ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ ಭಾರತ ಶ್ರೇಯಸ್​ ಅಯ್ಯರ್​ ಅವರ ಅರ್ಧಶತಕದ ಬಲದಿಂದ 20 ಓವರ್​ಗಳಲ್ಲಿ 188 ರನ್​ ಪೇರಿಸಿತು. ಕೊನೆಯ ಪಂದ್ಯದಲ್ಲಿ ಅವಕಾಶ ಪಡೆದ ಇಶಾನ್​ ಕಿಶನ್​ 11 ವಿಫಲವಾದರೆ, ಶ್ರೇಯಸ್​ ಅಯ್ಯರ್​ ಜೊತೆಗೂಡಿದ ದೀಪಕ್​ ಹೂಡಾ ಇನಿಂಗ್ಸ್​ ಕಟ್ಟಿದರು. ಅಯ್ಯರ್​ 64 ರನ್​ ಬಾರಿಸಿ ವೆಸ್ಟ್​ ಇಂಡೀಸ್​ ವಿರುದ್ಧ ಮೊದಲ ಅರ್ಧಶತಕ ಗಳಿಸಿದರು. ಹೂಡಾ 38, ಹಾರ್ದಿಕ್​ ಪಾಂಡ್ಯಾ ಅಬ್ಬರದ 28 ರನ್​ ಚಚ್ಚಿದರು. ವಿಂಡೀಸ್​ನ ಒಡಿಯನ್​ ಸ್ಮಿತ್​ 3 ವಿಕೆಟ್​ ಪಡೆದರು.

ಸ್ಪಿನ್​ತ್ರಯರ ಅಸ್ತ್ರಕ್ಕೆ ವಿಂಡೀಸ್​ ತತ್ತರ: ಕಠಿಣ ಗುರಿ ಹಿಂದೆ ಬಿದ್ದ ವಿಂಡೀಸ್​ಗೆ ಭಾರತದ ಸ್ಪಿನ್ನರ್​ಗಳು ದುಸ್ವಪ್ನವಾದರು. ಶಮ್ರಾಹ್​ ಬ್ರೂಕ್ಸ್​ ಜೊತೆ ಇನಿಂಗ್ಸ್​ ಆರಂಭಿಸಿದ ಜಾಸನ್​ ಹೋಲ್ಡರ್​ಗೆ(0) 3ನೇ ಎಸೆತದಲ್ಲಿಯೇ ಅಕ್ಸರ್​ ಪಟೇಲ್​ ಕ್ಲೀನ್​ಬೌಲ್ಡ್​ ಮಾಡಿದರು. ಇದಾದ ಬಳಿಕ ಶಮ್ರಾಹ್​ ಬ್ರೂಕ್ಸ್​ (13), ಡೆವೋನ್​ ಥಾಮಸ್​ (10) ರನ್ನೂ ಅಕ್ಸರ್​ ಪೆವಿಲಿಯನ್​ಗೆ ಅಟ್ಟಿದರು.

ಹೆಟ್ಮಾಯಿರ್​ ಏಕಾಂಗಿ ಹೋರಾಟ: ಒಂದೆಡೆ ವಿಕೆಟ್​ ಮೇಲೆ ವಿಕೆಟ್​ ಬೀಳುತ್ತಿದ್ದರೆ ಮತ್ತೊಂದು ತುದಿಯಲ್ಲಿ ಶಿಮ್ರಾನ್​ ಹೆಟ್ಮಾಯಿರ್​ ಇನಿಂಗ್ಸ್​ ಕಟ್ಟುತ್ತಿದ್ದರು. ಭರ್ಜರಿ ಬ್ಯಾಟ್​ ಬೀಸಿದ ವಿಂಡೀಸ್​ ದಾಂಡಿಗ 56 ರನ್​ ಸಿಡಿಸಿದರು. ತಂಡವನ್ನು ಗೆಲ್ಲಿಸಲು ಹೆಟ್ಮಾಯಿರ್​ಗೆ ಇನ್ನೊಂದು ತುದಿಯಿಂದ ಬೆಂಬಲ ಸಿಗಲಿಲ್ಲ.

ಬಳಿಕ 54 ರನ್​ಗೆ 4 ವಿಕೆಟ್​ ಕಳೆದುಕೊಂಡಿದ್ದ ವಿಂಡೀಸ್​ ಬಳಿಕ 50 ರನ್​ ಗಳಿಸುವಷ್ಟರಲ್ಲಿ 6 ವಿಕೆಟ್​ ಪತನವಾದವು. 5 ಬ್ಯಾಟ್ಸ್​ಮನ್​ಗಳು ಸೊನ್ನೆ ಸುತ್ತಿದರು. ಎಲ್ಲ ಹತ್ತು ವಿಕೆಟ್​​ಗಳಲ್ಲಿ ಅಕ್ಸರ್​ ಪಟೇಲ್​ 3, ರವಿ ಬಿಷ್ಣೋಯಿ 4, ಕುಲದೀಪ್​ ಯಾದವ್​ 3 ವಿಕೆಟ್​ಗಳನ್ನು ಹಂಚಿಕೊಂಡರು.

ಪಂದ್ಯದ ದಿಕ್ಕನ್ನೇ ಬದಲಿಸಿದ ಅಕ್ಸರ್​ ಪಟೇಲ್​ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರೆ, ಇದೇ ಮೊದಲ ಬಾರಿಗೆ ಸರಣಿಯಲ್ಲಿ ಎಲ್ಲ ಪಂದ್ಯ ಆಡಿದ ಅರ್ಷದೀಪ್​ ಸಿಂಗ್​ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಈ ಮೂಲಕ ಭಾರತ 5 ಪಂದ್ಯಗಳ ಸರಣಿಯನ್ನು 4-1 ರಲ್ಲಿ ತನ್ನದಾಗಿಸಿಕೊಂಡಿತು.

ಓದಿ: ಕಾಮನ್‌ವೆಲ್ತ್ ಗೇಮ್ಸ್​: ಬಾಕ್ಸಿಂಗ್​ನಲ್ಲಿ ಜರೀನ್​ಗೆ ಬಂಗಾರ,​ ಟೇಬಲ್‌ ಟೆನಿಸ್​ನಲ್ಲಿ ಬೆಳ್ಳಿ ಪದಕ