ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ 2023 ಮುಂದಿನ ವಾರದಿಂದ ಪ್ರಾರಂಭವಾಗಲಿದೆ. ಈ ವೇಳೆ ಕ್ರಿಕೆಟ್ ಪ್ರೇಮಿಗಳು ಬೌಂಡರಿ ಮತ್ತು ಸಿಕ್ಸರ್‌ಗಳು ಮೈದಾನ ತುಂಬಾ ಮನರಂಜನೆ ನೀಡಲಿದೆ. ಈ ಬಾರಿ ಟಾಟಾ ಐಪಿಎಲ್ ಪ್ರಾಯೋಜಕತ್ವ ವಹಿಸಿಕೊಂಡಿದೆ. ಐಪಿಎಲ್ 16ನೇ ಆವೃತ್ತಿಯಲ್ಲಿ 10 ತಂಡಗಳ ನಡುವೆ ಒಟ್ಟು 74 ಪಂದ್ಯಗಳು ನಡೆಯಲಿವೆ. ಈ ಐಪಿಎಲ್ ಸೀಸನ್ನಲ್ಲಿ ಮತ್ತೊಮ್ಮೆ ವಿರಾಟ್ ಕೊಹ್ಲಿ ದಾಖಲೆ ಮುರಿಯಲು ಆಟಗಾರರ ನಡುವೆ ಹೋರಾಟ ನಡೆಯಲಿದ್ದು, ಇದಕ್ಕಾಗಿ 2016ರಿಂದ ಹಲವು ದೇಶಿ ಹಾಗೂ ವಿದೇಶಿ ಆಟಗಾರರು ಪ್ರಯತ್ನಿಸುತ್ತಿದ್ದರೂ ಅದರ ಸನಿಹಕ್ಕೆ ಬರಲು ಸಾಧ್ಯವಾಗಿಲ್ಲ.
ಈ ಬಾರಿ ಐಪಿಎಲ್ನಲ್ಲಿ ನಡೆಯುವ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ದಾಖಲೆ ಮುರಿಯುವ ಸವಾಲು ಆಟಗಾರರಿಗೆ ಎದುರಾಗಲಿದ್ದು, ಇದಕ್ಕಾಗಿ ಹಲವು ಅನುಭವಿ ಆಟಗಾರರು ಪಟ್ಟು ಹಿಡಿದಿದ್ದರೂ ಇಲ್ಲಿಯವರೆಗೂ ಆ ದಾಖಲೆ ಮುರಿದಿಲ್ಲ. ಕಳೆದ ಬಾರಿ ಜೋಸ್ ಬಟ್ಲರ್ ಈ ದಾಖಲೆಗೆ ಹತ್ತಿರವಾಗಲು ಪ್ರಯತ್ನಿಸುತ್ತಿದ್ದರು. ಇದಕ್ಕೂ ಮುನ್ನ ಹಲವು ಆಟಗಾರರು ಇದನ್ನು ಮುರಿಯಲು ವಿಫಲರಾಗಿದ್ದರು.
2016ರ ದಾಖಲೆ: ಐಪಿಎಲ್ 2016ರ ಋತುವಿನಲ್ಲಿ ವಿರಾಟ್ ಕೊಹ್ಲಿ 973 ರನ್ ಗಳಿಸಿ, ಒಂದೇ ಐಪಿಎಲ್ ಸೀಸನ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ಮಾಡಿದ್ದಾರೆ. 2016 ರಿಂದ ಈ ದಾಖಲೆಯನ್ನು ಯಾವುದೇ ಆಟಗಾರ ಮುರಿದಿಲ್ಲ. 2018ರಲ್ಲಿ ಕೇನ್ ವಿಲಿಯಮ್ಸನ್, 2016ರಲ್ಲಿ ಡೇವಿಡ್ ವಾರ್ನರ್ ಹಾಗೂ 2022ರಲ್ಲಿ ಜೋಸ್ ಬಟ್ಲರ್ ಇದಕ್ಕಾಗಿ ತಮ್ಮ ಕೈಲಾದಷ್ಟು ಪ್ರಯತ್ನಿಸಿದ್ದರೂ ಈ ಎಲ್ಲ ಆಟಗಾರರಿಗೂ ಕೊಹ್ಲಿ ದಾಖಲೆಯ ಸನಿಹಕ್ಕೆ ಬರಲು ಸಾಧ್ಯವಾಗಲಿಲ್ಲ.
2018 ರಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ಪರ ಆಡುವಾಗ ಕೇನ್ ವಿಲಿಯಮ್ಸನ್ 735 ರನ್ ಗಳಿಸಿದ್ದರು. 2018ರಲ್ಲಿ ಇದು ಐಪಿಎಲ್ನ ಗರಿಷ್ಠ ರನ್ ಗಳಿಕೆಯಾಗಿತ್ತು. ಇಷ್ಟೇ ಅಲ್ಲ ಡೇವಿಡ್ ವಾರ್ನರ್ ಕೂಡ 2016ರ ಸೀಸನ್ ನಲ್ಲಿ 848 ರನ್ ಗಳಿಸಿ ವಿರಾಟ್ ಕೊಹ್ಲಿ ದಾಖಲೆ ಮುರಿಯಲು ಯತ್ನಿಸಿದ್ದು, ಅದರಲ್ಲಿ ವಿಫಲರಾಗುತ್ತಿದ್ದರು. 2022ರಲ್ಲಿ ಇಂಗ್ಲೆಂಡ್ ಬ್ಯಾಟ್ಸ್‌ಮನ್ ಜೋಸ್ ಬಟ್ಲರ್ 863 ರನ್ ಗಳಿಸಿದರು.
ಒಂದೇ ಆವೃತ್ತಿಯಲ್ಲಿ ನಾಲ್ಕು ಶತಕ: ಈ ಬಾರಿಯ ಐಪಿಎಲ್ನಲ್ಲಿ ವಿರಾಟ್ ಮೇಲೆ ಭರವಸೆ ಇದೆ. ಇತ್ತೀಚೆಗಷ್ಟೇ ಮೂರು ವಿಭಾಗದ ಕ್ರಿಕೆಟ್ನಲ್ಲಿ ಲಯಕ್ಕೆ ಮರಳಿರುವ ಅವರು ಐಪಿಎಲ್ನಲ್ಲಿ ಘರ್ಜಿಸಿ ಅವರ ದಾಖಲೆಯನ್ನು ಅವರೇ ಮುರಿಯುತ್ತಾರ ಕಾದು ನೋಡಬೇಕಿದೆ. 2016ರ ಐಪಿಎಲ್ನಲ್ಲಿ 4 ಶತಕಗಳನ್ನು ದಾಖಲಿಸಿದ್ದರು. ಒಂದೇ ಸೀಸನ್ನಲ್ಲಿ ಅಷ್ಟು ಶತಕ ಮಾಡಿದ್ದು ಸಹ ರೆಕಾರ್ಡ್ ಆಗಿದೆ. ಅದನ್ನೂ ಯಾರು ಇದುವರೆಗೆ ಮುರಿದಿಲ್ಲ. ದಾಖಲೆಯ ವೀರ "ಚೀಕು" ಈ ಬಾರಿ ಮತ್ತೆ ತಮ್ಮ ಅದ್ಭುತ ದಾಖಲೆ ಬರೆಯಲಿದ್ದಾರ ಎಂದು ಅಭಿಮಾನಿಗಳಯ ಎದುರು ನೋಡುತ್ತಿದ್ದಾರೆ.
ಇದನ್ನೂ ಓದಿ: IPL 2023: ಧೋನಿಯೇ ಮಾಡಿರುವ ನಿವೃತ್ತಿ ಪ್ಲಾನ್ ಇದು, ಚೆಪಾಕ್ ಸ್ಟೇಡಿಯಂನಲ್ಲಿ ತಯಾರಿ ಹೇಗಿದೆ ಗೊತ್ತಾ?
