ಕಾಂಗರೂ ಪಡೆಯ ವಿರುದ್ಧ ಕೊಹ್ಲಿಯೇ ವಿರಾಟ: ದಾಖಲೆಯ ಸನಿಹದಲ್ಲಿ ರನ್​ ಮಷಿನ್​

ಆಸ್ಟ್ರೇಲಿಯಾ ತಂಡದ ವಿರುದ್ಧ ವಿರಾಟ್​ ಕೊಹ್ಲಿ ಉತ್ತಮ ರೆಕಾರ್ಡ್​ ಹೊಂದಿದ್ದಾರೆ. ಈ ವರ್ಷ ಫಾರ್ಮ್​ನಲ್ಲಿರುವ ರನ್​ ಮಷಿನ್​ ಬ್ಯಾಟ್​ನಿಂದ ಇನ್ನಷ್ಟೂ ದಾಖಲೆಗಳ ನಿರೀಕ್ಷೆ ಅಭಿಮಾನಿಗಳಲ್ಲಿದೆ.

ಎರಡು ವರ್ಷಗಳಿಂದ ಫಾರ್ಮ್​ ಕಳೆದುಕೊಂಡಿದ್ದ ವಿರಾಟ್​ ಕೊಹ್ಲಿ ಟಿ20 ಏಷ್ಯಾಕಪ್​ನಲ್ಲಿ ಲಯಕ್ಕೆ ಮರಳಿದರು. ಅಫ್ಘಾನಿಸ್ತಾನದ ಸ್ಥಾನದ ವಿರುದ್ಧ ಶತಕದ ಬರವನ್ನು ನೀಗಿಸಿಕೊಂಡ ಕಿಂಗ್​ ಕೊಹ್ಲಿ ನಂತರ ತಮ್ಮ ಫಾರ್ಮ್​ನ್ನು ಮುಂದುವರೆಸಿಕೊಂಡು ಬಂದರು. 2022 ರ ಕೊನೆಯಲ್ಲಿ ವಿರಾಟ್​ ಟಿ20 ಶತಕ ಗಳಿಸಿದರೆ ನಂತರ ಭಾರತದಲ್ಲಿ ನಡೆದ ಸರಣಿಗಳಲ್ಲಿ ಏಕದಿನ ಮತ್ತು ಟೆಸ್ಟ್​ ಮಾದರಿಯಲ್ಲೂ ಶತಕ ಗಳಿಸಿ ಮತ್ತೆ ರನ್​ ಮಷಿನ್​ ಎಂಬ ಪಟ್ಟವನ್ನು ಅಂಕರಿಸಿದರು.

ಈ ವರ್ಷ ಐಪಿಎಲ್​ನಲ್ಲಿ ಅವರ ಬ್ಯಾಟ್​ ಘರ್ಜನೆ ಮುಂದುವರೆಸಿತ್ತು. ಮೊದಲ ಪಂದ್ಯದಲ್ಲೇ ವಿರಾಟ್​ ಕೊಹ್ಲಿ 82 ರನ್​ ಗಳಿಸಿ ಈ ವರ್ಷ ದೊಡ್ಡ ಮೊತ್ತವನ್ನು ಲೀಗ್​ನಲ್ಲಿ ಕಲೆ ಹಾಕುವ ಮುನ್ಸೂಚನೆಯನ್ನು ಕೊಟ್ಟಿದ್ದರು. ಅದರಂತೆ 16ನೇ ಐಪಿಎಲ್​ ಲೀಗ್​​ನಲ್ಲಿ 2 ಶತಕ ಮತ್ತು 6 ಅರ್ಧ ಶತಕಗಳನ್ನು ಅವರು ಗಳಿಸಿದರು. ಲೀಗ್​ನಲ್ಲಿ 14 ಪಂದ್ಯದಲ್ಲಿ 53.25 ರ ಸರಾಸರಿಯಲ್ಲಿ 639 ರನ್​ ಗಳಿಸಿದ್ದಾರೆ. ಈ ಮೂಲಕ ಅವರು ಅತಿ ಹೆಚ್ಚು ರನ್​ಗಳಿಸಿದರವರ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನವನ್ನು ಹೊಂದಿದ್ದಾರೆ. ಜೂನ್​ 7 ರಿಂದ 11ರ ವರೆಗೆ ನಡೆಯಲಿರುವ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ವಿರಾಟ್ ಮೇಲೆ ಹೆಚ್ಚಿನ ನಿರೀಕ್ಷೆ ಹೆಚ್ಚಿದೆ. ಇದಕ್ಕೆ ಕಾರಣ ಆಸಿಸ್​ ವಿರುದ್ಧ ಕಿಂಗ್​ ಕೊಹ್ಲಿ ಹೊಂದಿರುವ ರೆಕಾರ್ಡ್​.

ಆಸಿಸ್​ ವಿರುದ್ಧ ವಿರಾಟ್​ ಭರ್ಜರಿ ರೆಕಾರ್ಡ್​: ವಿರಾಟ್​ ಕೊಹ್ಲಿಯನ್ನು ಕೆಲ ಎದುರಾಳಿ ತಂಡಗಳು ತುಂಬಾ ಇಷ್ಟಪಡುತ್ತಾರೆ. ಅದರಲ್ಲಿ ಒಂದು ಆಸ್ಟ್ರೇಲಿಯಾ. ಈವರೆಗೆ ಆಸಿಸ್​ ಮೇಲೆ ವಿರಾಟ್​ ಟೆಸ್ಟ್​ನಲ್ಲಿ ತಮ್ಮ ಪಾರಮ್ಯವನ್ನು ಮುಂದುವರೆಸಿದ್ದಾರೆ. ಈ ಬಾರಿ ಭರ್ಜರಿ ಫಾರ್ಮ್​ನಲ್ಲಿರುವ ಕಿಂಗ್​ ಕೊಹ್ಲಿ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ಕಾಂಗರೂ ಪಡೆಯನ್ನು ಕಾಡುವುದಂತೂ ಖಂಡಿತ. ಐಪಿಎಲ್​ನ ಕೊನೆಯ ಐದು ಪಂದ್ಯದಲ್ಲಿ ಎರಡರಲ್ಲಿ ಶತಕ ದಾಖಲಿಸಿ ವಿರಾಟ್​ ಬಿಳಿ ಬಾಲ್​ನಲ್ಲಿ ಹಿಡಿತ ಹೊಂದಿದ್ದಾರೆ. ಆದರೆ ಕೆಂಪುಬಾಲ್​ನಲ್ಲಿ ಹೇಗೆ ಯಶ ಕಂಡುಕೊಳ್ಳುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.

• Virat Kohli against Australia in Tests:
  
  Innings - 42
  Runs - 1979
  Average - 48.27
  Hundreds - 8
  Fifties - 5
  
  King needs 21 runs to complete 2000 runs against Australia in Tests. pic.twitter.com/hDtZkY8Fce

  — Johns. (@CricCrazyJohns) June 3, 2023 " class="align-text-top noRightClick twitterSection" data="

  Virat Kohli against Australia in Tests:
  
  Innings - 42
  Runs - 1979
  Average - 48.27
  Hundreds - 8
  Fifties - 5
  
  King needs 21 runs to complete 2000 runs against Australia in Tests. pic.twitter.com/hDtZkY8Fce

  — Johns. (@CricCrazyJohns) June 3, 2023

  ">

  Virat Kohli against Australia in Tests:
  
  Innings - 42
  Runs - 1979
  Average - 48.27
  Hundreds - 8
  Fifties - 5
  
  King needs 21 runs to complete 2000 runs against Australia in Tests. pic.twitter.com/hDtZkY8Fce

  — Johns. (@CricCrazyJohns) June 3, 2023

ಕಾಂಗರೂ ಪಡೆಯ ವಿರುದ್ಧ ಈವರೆಗೆ ವಿರಾಟ್​ 42 ಇನ್ನಿಂಗ್ಸ್​ಗಳನ್ನು ಆಡಿದ್ದು, ಅದರಲ್ಲಿ 48. 27 ರ ಸರಾಸರಿಯಲ್ಲಿ 1979 ರನ್​ ಗಳಿಸಿದ್ದಾರೆ. ಇದರಲ್ಲಿ ವಿರಾಟ್​ 8 ಶತಕ ಮತ್ತು 5 ಅರ್ಧಶತಕವನ್ನು ಗಳಿಸಿದ್ದಾರೆ​​. ವಿರಾಟ್​ ಕೊಹ್ಲಿ ಇನ್ನು 21 ರನ್​ ಗಳಿಸಿದಲ್ಲಿ ಆಸ್ಟ್ರೇಲಿಯಾ ವಿರುದ್ಧವೇ 2000 ರನ್​ ಗಳಿಸಿದ ಆಟಗಾರ ಎಂಬ ಖ್ಯಾತಿಗೆ ಒಳಪಡುತ್ತಾರೆ. ಉತ್ತಮ ಫಾರ್ಮ್​ನಲ್ಲಿರುವ ಗಿಲ್​, ವಿರಾಟ್​ ಮತ್ತು ಚೇತೇಶ್ವರ ಪೂಜಾರ ಮೇಲೆ ಈ ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್​ನಲ್ಲಿ ನಿರೀಕ್ಷೆ ಹೆಚ್ಚಿದೆ.

ಸಸೆಕ್ಸ್​ನಿಂದ ಓವೆಲ್​ ಪ್ರಯಾಣ ಬೆಳೆಸಿದ ತಂಡ: ಭಾರತ ತಂಡ ಸಸೆಕ್ಸ್​ನಲ್ಲಿನ ಮೈದಾನದಲ್ಲಿ ಇಷ್ಟು ದಿನ ಅಭ್ಯಾಸ ನಡೆಸುತ್ತಿತ್ತು. ಐಪಿಎಲ್​ ಲೀಗ್​ ಮುಗಿಯುತ್ತಿದ್ದಂತೆ ಮೊದಲ ಬ್ಯಾಚ್​ನಲ್ಲಿ ಕೋಚ್​ ಜೊತೆಗೆ ಲೀಗ್​ನಿಂದ ಹೊರನಿಂದ ತಂಡದ ಆಟಗಾರರು ಇಂಗ್ಲೆಂಡ್​ ಪ್ರವಾಸ ಬೆಳೆಸಿದ್ದರು. ಎಲಿಮಿನೇಟರ್​ನಲ್ಲಿ ಸೋತ ನಂತರ ಟೀಮ್​ ಇಂಡಿಯಾ ನಾಯಕ ರೋಹಿತ್​ ಶರ್ಮಾ ಎರಡನೇ ಗುಂಪಿನಲ್ಲಿ ಹೋಗಿ ತಂಡ ಸೇರಿಕೊಂಡಿದ್ದರು. ಫೈನಲ್​ ಪಂದ್ಯ ಮುಗಿದ ಮಾರನೇ ದಿನವೇ ಗಿಲ್​, ಜಡೇಜ, ರಹಾನೆ, ಶ್ರೀಕರ್​ ಭರತ್​ ಮತ್ತು ಶಮಿ ಇಂಗ್ಲೆಂಡ್​ಗೆ ತೆರಳಿ ಅಭ್ಯಾಸದಲ್ಲಿ ಪಾಲ್ಗೊಂಡಿದ್ದರು. ಇಂದು ಸಸೆಕ್ಸ್ ನಿಂದ ಓವೆಲ್​ಗೆ ತೆರಳಿದ್ದು ಮುಂದಿನ ಅಭ್ಯಸವನ್ನು ಅಲ್ಲಿ ನಡೆಸಲಿದ್ದಾರೆ.

ಇದನ್ನೂ ಓದಿ: ವಿರಾಟ್ ಕೊಹ್ಲಿ ಭಾರತಕ್ಕಾಗಿ ರನ್ ಗಳಿಸುತ್ತಾರೆ: ಆಸ್ಟ್ರೇಲಿಯಾ ಮಾಜಿ ಕ್ರಿಕೆಟಿಗ ಗ್ರೆಗ್ ಚಾಪೆಲ್