ತಿರುವನಂತಪುರಂ: ವಿಜಯ ಹಜಾರೆ ಟ್ರೋಫಿಯಲ್ಲಿ ಬುಧವಾರ ಮೊದಲ ಪಂದ್ಯದಲ್ಲಿ 236 ರನ್ಗಳ ಬೃಹತ್ ಜಯ ಸಾಧಿಸಿ ಶುಭಾರಂಭ ಮಾಡಿದ್ದ ಕರ್ನಾಟಕ ತಂಡ ಗುರುವಾರ ತನ್ನ 2ನೇ ಪಂದ್ಯದಲ್ಲಿ ತಮಿಳುನಾಡು ವಿರುದ್ಧ 8 ವಿಕೆಟ್ಗಳ ಸೋಲು ಕಂಡಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿದ ಮನೀಶ್ ಪಾಂಡೆ ಪಡೆ ತಮಿಳುನಾಡು ಬೌಲರ್ಗಳ ವಿರುದ್ಧ ಯಾವುದೇ ಪ್ರತಿರೋಧ ತೋರದೇ 36.3 ಓವರ್ಗಳಲ್ಲಿ ಕೇವಲ 122 ರನ್ಗಳಿಗೆ ಆಲೌಟ್ ಆಯಿತು. ನಾಯಕ ಮನೀಶ್ ಪಾಂಡೆ 40 ಮತ್ತು ರೋಹನ್ ಕಡಮ್ 37 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಮತ್ತು ಎರಡಂಕಿ ದಾಟಿದ ಬ್ಯಾಟರ್ ಎನಿಸಿಕೊಂಡರು.
ಉಳಿದಂತೆ ರವಿಕುಮಾರ್ ಸಮರ್ಥ್(0), ಕೆ. ಸಿದ್ಧಾರ್ಥ್(6), ಕರುಣ್ ನಾಯರ್(9), ಶ್ರೀನಿಆಸ್ ಶರತ್(3), ಜೆ ಸುಚೀತ್(0), ವೆಂಕಟೇಶ್ ಮುರಳೀಧರ(2), ವಿದ್ಯಾದರ್ ಪಾಟೀಲ್(1), ಕೆಸಿ ಕಾರಿಯಪ್ಪ(9) ವೈಫಲ್ಯ ಅನುಭವಿಸಿದರು.
ತಮಿಳುನಾಡು ಪರ ಸಾಯಿ ಕಿಶೋರ್ 28ಕ್ಕೆ 3, ಎಂ. ಸಿದ್ಧಾರ್ಥ್ 23ಕ್ಕೆ 4, ಸಂದೀಪ್ ವಾರಿಯರ್ 22ಕ್ಕೆ2, ಸಿಲಂಬರಸನ್ 11ಕ್ಕೆ1, ವಾಷಿಂಗ್ಟನ್ ಸುಂದರ್ 27ಕ್ಕೆ1 ವಿಕೆಟ್ ಪಡೆದರು.
123 ರನ್ಗಳ ಸಾಧಾರಣ ಗುರಿಯನ್ನು ಬೆನ್ನಟ್ಟಿದ ತಮಿಳುನಾಡು 28 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು. ಸಾಯಿ ಸುಧರ್ಸನ್ 18, ಎನ್.ಜಗದೀಶನ್ 16, ಬಾಬಾ ಇಂದ್ರಜಿತ್ ಅಜೇಯ 51 ಮತ್ತು ವಾಷಿಂಗ್ಟನ್ ಸುಂದರ್ ಅಜೇಯ 31 ರನ್ಗಳಿಸಿದರು.
ಕರ್ನಾಟಕ ತಂಡ ತನ್ನ ಮುಂದಿನ ಪಂದ್ಯವನ್ನು ಡಿಸೆಂಬರ್ 11ರಂದು ಮುಂಬೈ ವಿರುದ್ಧ ಆಡಲಿದೆ. ಆನಂತರ ಬರೋಡಾ ಮತ್ತು ಬೆಂಗಾಲ್ ವಿರುದ್ಧ ಆಡಲಿದ್ದು, ಕ್ವಾರ್ಟರ್ ಫೈನಲ್ ಪ್ರವೇಶಿಸಬೇಕಾದರೆ ಈ ಪಂದ್ಯಗಳನ್ನು ಗೆಲ್ಲಲೇಬೇಕಾಗಿದೆ.
ಇದನ್ನೂ ಓದಿ:Vijay Hazare Trophy: ಪುದುಚೆರಿ ವಿರುದ್ಧ ಕರ್ನಾಟಕಕ್ಕೆ 236 ರನ್ಗಳ ಅಮೋಘ ವಿಜಯ
