ಸಿಡ್ನಿ: ಸತತ ಬಯೋಬಬಲ್ನಿಂದ ಬಳಲಿರುವ ಆಸ್ಟ್ರೇಲಿಯಾದ ಟಾಪ್ ಕ್ರಿಕೆಟಿಗರು, ಮುಂಬರುವ ವಿಂಡೀಸ್ ಪ್ರವಾಸದಿಂದ ಹಿಂದೆ ಸರಿಯುವ ಸಾಧ್ಯತೆಯಿದೆ ಎಂದು ತಿಳಿದು ಬಂದಿದೆ. ಪ್ಯಾಟ್ ಕಮ್ಮಿನ್ಸ್, ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್, ಗ್ಲೇನ್ ಮ್ಯಾಕ್ಸ್ವೆಲ್, ಮಾರ್ಕಸ್ ಸ್ಟೋಯ್ನಿಸ್, ಕೇನ್ ರಿಚರ್ಡ್ಸನ್ ಮತ್ತು ಜೇ ರಿಚರ್ಡ್ಸನ್ ಆಸ್ಟ್ರೇಲಿಯಾ ವೈಟ್ಬಾಲ್ ತಂಡದಿಂದ ಹೊರ ಬರುವ ಸಾಧ್ಯತೆಯಿದೆ ಎಂದು ವರದಿಯಾಗಿವೆ.
ಜುಲೈ ಮತ್ತು ಆಗಸ್ಟ್ ತಿಂಗಳ ವೆಸ್ಟ್ ಇಂಡೀಸ್ ಮತ್ತು ಬಾಂಗ್ಲಾದೇಶ ಪ್ರವಾಸಕ್ಕಾಗಿ ಕ್ರಿಕೆಟ್ ಆಸ್ಟ್ರೇಲಿಯಾ 6 ಹೆಚ್ಚುವರಿ ಆಟಗಾರರು ಸೇರಿದಂತೆ 23 ಸದಸ್ಯರ ತಂಡವನ್ನು ಘೋಷಿಸಿದ ನಂತರ, ಸ್ಟಾರ್ ಆಟಗಾರರು ಪ್ರವಾಸದಿಂದ ಹಿಂದೆ ಸರಿಯುವ ಸಾಧ್ಯತೆಯಿದೆ ಎಂಬ ಸುದ್ದಿ ಕೇಳಿ ಬರುತ್ತಿದೆ. ಕಳೆದ ಕೆಲವು ತಿಂಗಳುಗಳಿಂದ ವಿವಿಧ ಕ್ರಿಕೆಟಿಂಗ್ ಬಯೋಬಬಲ್ಸ್ಗಳಲ್ಲಿ ಸಾಕಷ್ಟು ಅವಧಿಗಳನ್ನು ಕಳೆದ ನಂತರ ಏಳು ಸ್ಟಾರ್ ಆಟಗಾರರು ವಿಂಡೀಸ್ ಪ್ರವಾಸದಿಂದ ಹೊರ ಬರುವ ಸಾಧ್ಯತೆಯಿದೆ ಎಂದು ಆಸ್ಟ್ರೇಲಿಯಾದ ಪ್ರಸಿದ್ಧ ನೈನ್ ಮೀಡಿಯಾ ಬುಧವಾರ ವರದಿ ಮಾಡಿದೆ.
ಐಪಿಎಲ್ ವೇಳೆ ಕೋವಿಡ್-19 ಪಾಸಿಟಿವ್ ಪಡೆದಿದ್ದ ಆಲ್ರೌಂಡರ್ ಈಗಾಗಲೇ ತಾವೂ ಮುಂದಿನ ಸರಣಿಗಳಿಗೆ ಲಭ್ಯರಿರುವುದಿಲ್ಲ ಎಂದು ತಿಳಿಸಿದ್ದಾರೆ. ಕಮ್ಮಿನ್ಸ್, ಸ್ಮಿತ್ ಮತ್ತು ವಾರ್ನರ್ 2020ರ ಐಪಿಎಲ್ನಿಂದಲೂ ಸತತವಾಗಿ ಬಯೋಬಬಲ್ನಲ್ಲಿದ್ದಾರೆ. ಅವರು ಐಪಿಎಲ್ ನಂತರ ತವರಿನಲ್ಲಿ ಭಾರತದ ವಿರುದ್ಧ ಸರಣಿ , ಮತ್ತೆ ಕೆಲವು ದಿನಗಳ ವಿಶ್ರಾಂತಿ ನಂತರ 2021ರ ಐಪಿಎಲ್ ಹೀಗೆ ಬಿಡುವಿಲ್ಲದ ಸಮಯವನ್ನು ಕಳೆದಿದ್ದಾರೆ.
ಸೆಪ್ಟೆಂಬರ್ನಲ್ಲಿ ಐಪಿಎಲ್ ಮತ್ತೆ ಪುನಾರಂಭಗೊಳ್ಳುವುದರಿಂದ ಈ ಆಟಗಾರರು ಕೆಲವು ಸಮಯ ವಿಶ್ರಾಂತಿ ಬಯಸಿ ಈ ನಿರ್ಧಾರ ತೆಗೆದುಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ಆದರೆ, ಕಮ್ಮಿನ್ಸ್ ಐಪಿಎಲ್ ಪುನಾರಂಭವಾದರೂ ತಾವೂ ಲಭ್ಯರಾಗುವುದಿಲ್ಲ ಎಂದು ಈಗಾಗಲೇ ತಿಳಿಸಿದ್ದಾರೆ.
ಇದನ್ನು ಓದಿ: ಟೆಸ್ಟ್ ರ‍್ಯಾಂಕಿಂಗ್.. ಟಾಪ್ 10ರಲ್ಲಿ ಕೊಹ್ಲಿ ಸೇರಿ 3 ಭಾರತೀಯರು, ಬೌಲಿಂಗ್ನಲ್ಲಿ ಅಶ್ವಿನ್ ಬೆಸ್ಟ್..
