ನಿಧಾನಗತಿಯ ಓವರ್ ಮಾಡಿದ್ದಕ್ಕೆ ಟೀಂ ಇಂಡಿಯಾಗೆ ಭಾರಿ ದಂಡ ವಿಧಿಸಿದ ಐಸಿಸಿ

ಬಾಂಗ್ಲಾದೇಶ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ನಿಧಾನಗತಿಯ ಓವರ್ ಮಾಡಿದ್ದರಿಂದ ಟೀಂ ಇಂಡಿಯಾಗೆ ದಂಡ ವಿಧಿಸಲಾಗಿದೆ.

ಢಾಕಾ (ಬಾಂಗ್ಲಾದೇಶ): ಮೀರ್‌ಪುರದಲ್ಲಿ ಭಾನುವಾರ ಬಾಂಗ್ಲಾದೇಶದ ವಿರುದ್ಧ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ನಿಧಾನಗತಿಯ ಬೌಲಿಂಗ್​ ಮಾಡಿದ ಭಾರತ ಕ್ರಿಕೆಟ್​ ತಂಡಕ್ಕೆ ತನ್ನ ಪಂದ್ಯದ ಶುಲ್ಕದ ಶೇ. 80 ಪ್ರತಿಶತದಷ್ಟು ದಂಡವನ್ನು ವಿಧಿಸಲಾಗಿದೆ. ತನಗೆ ನೀಡಿದ ನಿಗದಿತ ಅವಧಿಯಲ್ಲಿ ಭಾರತದ ತನ್ನ ಬೌಲಿಂಗ್​ ಮುಗಿಸಲು ವಿಫಲವಾಗಿದ್ದರಿಂದ ಈ ಪ್ರಮಾಣದ ದಂಡವನ್ನು ವಿಧಿಸಲಾಗಿದೆ ಎಂದು ಐಸಿಸಿ ಎಲೈಟ್ ಪ್ಯಾನೆಲ್ ಆಫ್ ಮ್ಯಾಚ್ ರೆಫರಿ ರಂಜನ್ ಮದುಗಲೆ ತಿಳಿಸಿದ್ದಾರೆ.

ಭಾರತವು ಗುರಿಗಿಂತ ನಾಲ್ಕು ಓವರ್‌ಗಳ ಕೊರತೆಯಿ ಇದೆ ಎಂದು ಹೇಳಿರುವ ಅವರು, ಐಸಿಸಿ ನೀತಿ ಸಂಹಿತೆಯ ಆರ್ಟಿಕಲ್ 2.22 ರ ಪ್ರಕಾರ ಆಟಗಾರರು ಮತ್ತು ಸಿಬ್ಬಂದಿಗೆ ಕನಿಷ್ಠ ಓವರ್ - ರೇಟ್ ಅಪರಾಧಗಳಿಗೆ ಸಂಬಂಧಿಸಿದಂತೆ ನಿಗದಿತ ಸಮಯದಲ್ಲಿ ಬೌಲಿಂಗ್ ಮಾಡಲು ವಿಫಲರಾಗಿದ್ದರಿಂದ ಪ್ರತಿ ಓವರ್‌ಗೆ ಅವರ ಪಂದ್ಯದ ಶುಲ್ಕದ 20 ಪ್ರತಿಶತದಷ್ಟು ದಂಡವನ್ನು ವಿಧಿಸಲಾಗುತ್ತದೆ ಎಂದಿದ್ದಾರೆ.

• Team India fined for maintaining slow over-rate in 1st ODI against Bangladesh
  
  Read @ANI Story | https://t.co/UK6WPwR3nu#TeamIndia #INDvsBANG #cricket pic.twitter.com/7igoS8CFoB

  — ANI Digital (@ani_digital) December 5, 2022 " class="align-text-top noRightClick twitterSection" data="

  Team India fined for maintaining slow over-rate in 1st ODI against Bangladesh
  
  Read @ANI Story | https://t.co/UK6WPwR3nu#TeamIndia #INDvsBANG #cricket pic.twitter.com/7igoS8CFoB

  — ANI Digital (@ani_digital) December 5, 2022

  ">

  Team India fined for maintaining slow over-rate in 1st ODI against Bangladesh
  
  Read @ANI Story | https://t.co/UK6WPwR3nu#TeamIndia #INDvsBANG #cricket pic.twitter.com/7igoS8CFoB

  — ANI Digital (@ani_digital) December 5, 2022

ನಿಧಾನಗತಿಯ ಓವರ್‌ರೇಟ್ ಕಾಯ್ದುಕೊಂಡಿದ್ದಕ್ಕಾಗಿ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಈ ಬಗ್ಗೆ ತಪ್ಪೊಪ್ಪಿಕೊಂಡಿದ್ದಾರೆ. ಹಾಗಾಗಿ ಔಪಚಾರಿಕ ವಿಚಾರಣೆ ಮಾಡುವ ಅಗತ್ಯವಿಲ್ಲ ಎಂದು ಸಹ ಹೇಳಿದ್ದಾರೆ. ಅಂಪೈರ್‌ಗಳಾದ ಮೈಕೆಲ್ ಗೋಫ್ ಮತ್ತು ತನ್ವಿರ್ ಅಹ್ಮದ್, ಮೂರನೇ ಅಂಪೈರ್ ಶರ್ಫುದ್ದೌಲಾ ಇಬ್ನೆ ಶಾಹಿದ್ ಮತ್ತು ನಾಲ್ಕನೇ ಅಂಪೈರ್ ಗಾಜಿ ಸೊಹೆಲ್ ಅವರು ಭಾರತದ ನಿಧಾನಗತಿಯ ಬೌಲಿಂಗ್​ ಬಗ್ಗೆ ಆರೋಪ ಮಾಡಿದ್ದಾರೆ.

ಭಾರತವು ಬಾಂಗ್ಲಾದೇಶ ವಿರುದ್ಧ ಒಂದು ವಿಕೆಟ್‌ನಿಂದ ಸೋತಿದ್ದು, ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಆತಿಥೇಯರು 1-0 ಮುನ್ನಡೆ ಸಾಧಿಸಿದ್ದಾರೆ.

ಇದನ್ನೂ ಓದಿ: ಕಳಪೆ ಪ್ರದರ್ಶನ​: ಬಾಂಗ್ಲಾ ವಿರುದ್ಧ ಟೀಂ ಇಂಡಿಯಾಗೆ ಹೀನಾಯ ಸೋಲು