ಹೈದರಾಬಾದ್: ಐಸಿಸಿ ಟಿ-20 ವಿಶ್ವಕಪ್ನಲ್ಲಿ ಅಕ್ಟೋಬರ್ 24ರಂದು ಸಾಂಪ್ರದಾಯಿಕ ಎದುರಾಳಿ ತಂಡಗಳಾಗಿರುವ ಭಾರತ - ಪಾಕಿಸ್ತಾನ ಮುಖಾಮುಖಿಯಾಗಲಿದ್ದು, ಇದೀಗ ಎಲ್ಲರ ಕಣ್ಣು ಈ ಹೈವೋಲ್ಟೇಜ್ ಪಂದ್ಯದ ಮೇಲೆ ಬಿದ್ದಿದೆ.
ಪಂದ್ಯ ಆರಂಭಗೊಳ್ಳಲು ಇನ್ನು ಐದು ದಿನ ಬಾಕಿ ಉಳಿದಿರುವಾಗಲೇ ಕೆಲ ಮಾಜಿ ಪ್ಲೇಯರ್ಸ್ ತಮ್ಮಿಷ್ಟದ ತಂಡ ಆಯ್ಕೆ ಮಾಡ್ತಿದ್ದು, ಇದೀಗ ಟೀಂ ಇಂಡಿಯಾ ವೇಗದ ಬೌಲರ್ ಅಜಿತ್ ಅಗರ್ಕರ್ ಕೂಡ ವಿಭಿನ್ನವಾದ ತಂಡ ಆಯ್ಕೆಮಾಡಿದ್ದಾರೆ.
ಪಾಕ್ ವಿರುದ್ಧದ ಪಂದ್ಯಕ್ಕಾಗಿ ವಿರಾಟ್ ಕೊಹ್ಲಿ ಆರು ಬೌಲರ್ಗಳೊಂದಿಗೆ ಕಣಕ್ಕಿಳಿಯುವಂತೆ ತಿಳಿಸಿದ್ದು, ಅದರಲ್ಲಿ ಮೂವರು ವೇಗದ ಬೌಲರ್ಗಳು ಇರಬೇಕು ಎಂದಿದ್ದಾರೆ. ಸಮತಟ್ಟಾದ ಪಿಚ್ ಆಗಿರುವ ಕಾರಣ ಮೂವರು ವೇಗಿಗಳು ಹಾಗೂ ಇಬ್ಬರು ಸ್ಪಿನ್ನರ್ಗಳಿಗೆ ಅವಕಾಶ ನೀಡಬೇಕು ಎಂದಿರುವ ಅಗರ್ಕರ್, ಓರ್ವ ಆಲ್ರೌಂಡರ್ಗೆ ಮಣೆ ಹಾಕುವಂತೆ ತಿಳಿಸಿದ್ದಾರೆ.
ಜಡೇಜಾ ಆಲ್ರೌಂಡರ್. ಆದರೆ, ಅವರ ಬ್ಯಾಟಿಂಗ್ ಮೇಲೆ ಹೆಚ್ಚಿನ ನಿರೀಕ್ಷೆ ಹೊಂದಿರುವ ಕಾರಣಂ ಅಗ್ರ ಕ್ರಮಾಂಕದ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರೆಂದು ಪರಿಗಣಿಸಬೇಕು ಎಂದಿದ್ದಾರೆ. ಹಾರ್ದಿಕ್ ಪಾಂಡ್ಯಾ ಬೌಲಿಂಗ್ ಮಾಡದಿದ್ದರೆ ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಶಮಿ, ಶಾರ್ದೂಲ್ ಠಾಕೂರ್, ರವೀಂದ್ರ ಜಡೇಜಾ, ವರುಣ್ ಚಕ್ರವರ್ತಿ ಹಾಗೂ ರಾಹುಲ್ ಚಹರ್ ಇರಲಿ ಎಂದಿದ್ದಾರೆ.
ತಂಡ ಆಯ್ಕೆ ಮಾಡಿದ ಪಾರ್ಥಿವ್ ಪಟೇಲ್
ಪಾಕ್ ವಿರುದ್ಧದ ಪಂದ್ಯಕ್ಕಾಗಿ ಪಾರ್ಥಿವ್ ಪಟೇಲ್ ಕೂಡ ತಂಡ ಆಯ್ಕೆ ಮಾಡಿದ್ದು, ಆರಂಭಿಕರಾಗಿ ರೋಹಿತ್ ಶರ್ಮಾ, ಕೆ.ಎಲ್ ರಾಹುಲ್ ಮೂರನೇ ಕ್ರಮಾಂಕದಲ್ಲಿ ವಿರಾಟ್, ಸೂರ್ಯಕುಮಾರ್ 4ನೇ ಸ್ಥಾನ ಹಾಗೂ ರಿಷಭ್ ಪಂತ್ 5ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಲಿ ಎಂದಿದ್ದಾರೆ. ತದನಂತರ ಹಾರ್ದಿಕ್ ಪಾಂಡ್ಯಾ, ಉಳಿದ ಸ್ಥಾನಗಳಲ್ಲಿ ರವೀಂದ್ರ ಜಡೇಜಾ, ರಾಹುಲ್ ಚಹರ್, ಮೊಹಮ್ಮದ್ ಶಮಿ, ಬುಮ್ರಾ ಇರಬೇಕು ಎಂದಿದ್ದಾರೆ. ಶಾರ್ದೂಲ್ ಠಾಕೂರ್ ಹಾಗೂ ಭುವನೇಶ್ವರ್ ಕುಮಾರ್ರಲ್ಲಿ ಒಬ್ಬರಿಗೆ ಮಣೆ ಹಾಕುವಂತೆ ತಿಳಿಸಿದ್ದಾರೆ.
