ಕೊಲಂಬೊ(ಶ್ರೀಲಂಕಾ): ಆತಿಥೇಯ ಶ್ರೀಲಂಕಾ ಹಾಗೂ ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡಗಳ ನಡುವೆ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಸಿಂಹಳೀಯರ ತಂಡ 14ರನ್ಗಳ ಗೆಲುವು ದಾಖಲು ಮಾಡಿ, ಮೂರು ಏಕದಿನ ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಸಾಧಿಸಿದೆ.
ಆರ್.ಪ್ರೇಮದಾಸ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಲಂಕಾ ತಂಡ ನಿಗದಿತ 50 ಓವರ್ಗಳಲ್ಲಿ 9 ವಿಕೆಟ್ನಷ್ಟಕ್ಕೆ ಭರ್ಜರಿ 300ರನ್ಗಳಿಕೆ ಮಾಡಿತು. ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ಅವಿಷ್ಕಾ ಫರ್ನಾಡೋ 118ರನ್ಗಳಿಕೆ ಮಾಡಿದರು. ಇವರಿಗೆ ಸಿಲ್ವಾ(44ರನ್) ಹಾಗೂ ಅಸ್ಲಂಕಾ(72ರನ್) ಉತ್ತಮ ಸಾಥ್ ನೀಡಿದರು. ಉಳಿದಂತೆ ವಿಕೆಟ್ ಕೀಪರ್ ಭಾನುಕ(27ರನ್) ಗಳಿಕೆ ಮಾಡಿ ತಂಡದ ಮೊತ್ತ 300 ಆಗಲು ಸಹಾಯ ಮಾಡಿದರು.
ಆಫ್ರಿಕಾ ಪರ ರಬಾಡಾ, ಮಹಾರಾಜ್ ತಲಾ 2ವಿಕೆಟ್ ಪಡೆದುಕೊಂಡರೆ,ಮಾರ್ಕ್ರಮ್ ಹಾಗೂ ಶಮಿಸಿ ತಲಾ 1ವಿಕೆಟ್ ಕಿತ್ತರು.
301ರನ್ಗಳ ಗುರಿ ಬೆನ್ನತ್ತಿದ್ದ ಆಫ್ರಿಕಾ ತಂಡ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಮಲನ್ ಹಾಗೂ ಮಾರ್ಕ್ರಮ್ ಮೊದಲ ವಿಕೆಟ್ನಷ್ಟಕ್ಕೆ 49ರನ್ಗಳಿಕೆ ಮಾಡಿದರು. ಆದರೆ ಈ ವೇಳೆ ಮಲನ್ 23ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದರು.
ಇದನ್ನೂ ಓದಿರಿ: ಬಸ್-ಟ್ರಕ್ ನಡುವೆ ಭೀಕರ ಅಪಘಾತ... 16 ಸಾವು, 22 ಮಂದಿಗೆ ಗಾಯ
ಇದಾದ ಬಳಿಕ ಮಾರ್ಕ್ರಮ್ 96ರನ್, ಬುವಂ 38ರನ್, ದುಸ್ಸೆನ್ 59ರನ್, ಕೆಲ್ಸೆನ್ 36ರನ್ ರಬಾಡಾ 13ರನ್ಗಳಿಕೆ ಮಾಡಿದ್ರೂ ಕೂಡ ತಂಡ 6ವಿಕೆಟ್ ಕಳೆದುಕೊಂಡು 286ರನ್ ಮಾತ್ರ ಗಳಿಕೆ ಮಾಡಲು ಶಕ್ತವಾಯಿತು. ಹೀಗಾಗಿ 14ರನ್ಗಳ ಸೋಲು ಕಂಡಿತು.
ಲಂಕಾ ಪರ ಧನಂಜಯ 2ವಿಕೆಟ್, ಜಯವಿಕ್ರಂ, ಕರುಣ್ರತ್ನೆ ಹಾಗೂ ಹಸರಂಗ ತಲಾ 1ವಿಕೆಟ್ ಪಡೆದುಕೊಂಡರು.
