ಸಿಂಹಳೀಯರ ವಿರುದ್ಧ ತಿರುಗಿಬಿದ್ದ ಆಫ್ರಿಕಾ.. 2ನೇ ಏಕದಿನ ಪಂದ್ಯದಲ್ಲಿ 67ರನ್​ಗಳ ಜಯ

ಆತಿಥೇಯ ಶ್ರೀಲಂಕಾ ವಿರುದ್ಧ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 67ರನ್​ಗಳ ಗೆಲುವು ದಾಖಲಿಸಿ ಸರಣಿಯಲ್ಲಿ 1-1 ಅಂತರದ ಸಮಬಲ ಸಾಧಿಸಿದೆ.

ಕೊಲಂಬೊ(ಶ್ರೀಲಂಕಾ): ಮೊದಲ ಏಕದಿನ ಪಂದ್ಯದಲ್ಲಿ 14ರನ್​ಗಳ ಗೆಲುವು ದಾಖಲಿಸುವ ಮೂಲಕ ಆತ್ಮವಿಶ್ವಾಸದಲ್ಲಿದ್ದ ಆತಿಥೇಯ ಶ್ರೀಲಂಕಾ ತಂಡಕ್ಕೆ ಹರಿಣಗಳ ತಂಡ ತಿರುಗೇಟು ನೀಡಿದೆ. ಎರಡನೇ ಪಂದ್ಯದಲ್ಲಿ ಭರ್ಜರಿ 67ರನ್​ಗಳಿಂದ(ಡಕ್ವರ್ಥ್​ ಲೂಯಿಸ್​) ಗೆದ್ದು ಬೀಗಿದೆ. ಈ ಮೂಲಕ ಸರಣಿಯಲ್ಲಿ 1-1 ಅಂತರದ ಸಮಬಲ ಸಾಧಿಸಿದೆ.

ಐದು ವಿಕೆಟ್​​ ಪಡೆದು ಮಿಂಚಿದ ಶಮ್ಸಿ

ಆರ್​​.ಪ್ರೇಮದಾಸ್​ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ನಡೆಸಿದ ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡ ಆರಂಭಿಕ ಆಟಗಾರ ಮಲನ್​​ ಭರ್ಜರಿ 121ರನ್​ಗಳ ನೆರವಿನಿಂದ 47ಓವರ್​​​ಗಳಲ್ಲಿ 6ವಿಕೆಟ್ ​ನಷ್ಟಕ್ಕೆ ಸ್ಪರ್ಧಾತ್ಮಕ 283ರನ್ ​ಗಳಿಸಿತು. ತಂಡಕ್ಕೆ ಹೆಂಡ್ರಿಕ್ಸ್​​​​ 51, ಕೆಲ್ಸನ್​​​​ 43 ಹಾಗೂ ಮಾರ್ಕ್ರಮ್​​ 21ರನ್​ಗಳ ಕಾಣಿಕೆ ನೀಡಿದರು.

284ರನ್​ಗಳ ಗುರಿ ಬೆನ್ನತ್ತಿದ್ದ ಶ್ರೀಲಂಕಾ ತಂಡ ಆರಂಭದಲ್ಲೇ ಆಘಾತಕ್ಕೊಳಗಾಯಿತು. ಕಳೆದ ಪಂದ್ಯದಲ್ಲಿ ಶತಕ ಸಿಡಿಸಿ ಮಿಂಚಿದ್ದ ಫರ್ನಾಡೋ ಕೇವಲ 8ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರೆ, ಭಾನುಕ್ 7ರನ್ ​ಗಳಿಸಿದರು. ಉಳಿದಂತೆ ರಾಜಪಕ್ಸೆ ಸೊನ್ನೆ ಸುತ್ತಿದರು.

• South Africa level the series 1-1!
  
  Tabraiz Shamsi stars with the ball, as the Proteas beat Sri Lanka by 67 runs (DLS method) in Colombo. #SLvSA | https://t.co/uVE6CBuXTb pic.twitter.com/7QtX2bGdVJ

  — ICC (@ICC) September 4, 2021 " class="align-text-top noRightClick twitterSection" data="

  South Africa level the series 1-1!
  
  Tabraiz Shamsi stars with the ball, as the Proteas beat Sri Lanka by 67 runs (DLS method) in Colombo. #SLvSA | https://t.co/uVE6CBuXTb pic.twitter.com/7QtX2bGdVJ

  — ICC (@ICC) September 4, 2021

  ">

  South Africa level the series 1-1!
  
  Tabraiz Shamsi stars with the ball, as the Proteas beat Sri Lanka by 67 runs (DLS method) in Colombo. #SLvSA | https://t.co/uVE6CBuXTb pic.twitter.com/7QtX2bGdVJ

  — ICC (@ICC) September 4, 2021

ಮಧ್ಯಮ ಕ್ರಮಾಂಕದಲ್ಲಿ ಅಲ್ಸಂಕಾ 77ರನ್​ ಹಾಗೂ ಕ್ಯಾಪ್ಟನ್​ ಶನಕ್ 30ರನ್ ​ಗಳಿಕೆ ಮಾಡಿ ತಂಡವನ್ನ ಜಯದತ್ತ ತೆಗೆದುಕೊಂಡು ಹೋಗುವ ಕೆಲಸ ಮಾಡಿದ್ರೂ ಸಾಧ್ಯವಾಗಲಿಲ್ಲ. ಇವರ ವಿಕೆಟ್​ ಬೀಳುತ್ತಿದ್ದಂತೆ ಹಸರಂಗ 3, ಕರುಣರತ್ನೆ 36, ಚಮೀರಾ 11 ಹಾಗೂ ಧನಂಜಯ 3 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ತಂಡ ಕೊನೆಯದಾಗಿ 36.4 ಓವರ್​ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು ಕೇವಲ 197ರನ್ ಮಾತ್ರ ಗಳಿಸಿತು. ಪಂದ್ಯ ಆರಂಭಗೊಳ್ಳುವುದಕ್ಕೂ ಮುಂಚೆ ಮಳೆ ಸುರಿದ ಕಾರಣ ಪಂದ್ಯವನ್ನ 47 ಓವರ್​ಗಳಿಗೆ ಸೀಮಿತಗೊಳಿಸಲಾಗಿತ್ತು.

ದಕ್ಷಿಣ ಆಫ್ರಿಕಾ ಪರ ಶಮ್ಸಿ 5 ವಿಕೆಟ್ ಪಡೆದು ಮಿಂಚಿದರೆ, ರಬಾಡಾ 2 ವಿಕೆಟ್ ಹಾಗೂ ಮುಲ್ಡರ್​​, ಕೇಶವ್​ ಹಾಗೂ ಜಾರ್ಜ್​ ತಲಾ 1 ವಿಕೆಟ್ ಪಡೆದುಕೊಂಡರು.