ಸಾಮ್ಸನ್ ಅರ್ಧಶತಕ ​: ಸನ್​ರೈಸರ್ಸ್ ಹೈದರಾಬಾದ್​ಗೆ ಗೆಲ್ಲಲು 165ರನ್​ಗಳ ಕಠಿಣ ಗುರಿ ನೀಡಿದ RR​

ಎಸ್​ಆರ್​ಹೆಚ್ ಬೌಲರ್​ಗಳ ದಾಳಿಯನ್ನು ಸಮರ್ಥವಾಗಿ ಎದುರಿಸಿದ ಸಂಜು ಸಾಮ್ಸನ್​ 57 ಎಸೆತಗಳಲ್ಲಿ 3 ಸಿಕ್ಸರ್ ಮತ್ತು 7 ಬೌಂಡರಿಗಳ ಸಹಿತ 82 ರನ್​ಗಳಿಸಿದರು. ಲಾಮ್ರೋರ್​ 28 ಎಸೆತಗಳಲ್ಲಿ 29 ರನ್​ಗಳಿಸಿ ಅಜೇಯರಾಗುಳಿದರು.

ದುಬೈ: ಸಂಜು ಸಾಮ್ಸನ್(82) ಅಬ್ಬರದ ಬ್ಯಾಟಿಂಗ್ ನೆರವಿನಿಂದ ರಾಜಸ್ಥಾನ್​ ರಾಯಲ್ಸ್​ 164 ರನ್​ಗಳಿಸಿದ್ದು, ನಿರ್ಣಾಯಕ ಪಂದ್ಯದಲ್ಲಿ ಸನ್​ರೈಸರ್ಸ್​ ಹೈದರಾಬಾದ್​ಗೆ 165 ರನ್​ಗಳ ಕಠಿಣ ಗುರಿ ನೀಡಿದೆ.

ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಆರಂಭಿಸಿದ ರಾಯಲ್ಸ್ 2ನೇ ಓವರ್​ನಲ್ಲೇ ಆಘಾತ ಅನುಭಿವಿಸಿತು. ಆರಂಭಿಕರಾಗಿ ಕಣಕ್ಕಿಳಿದಿದ್ದ ಎವಿನ್ ಲೂಯಿಸ್​ ಕೇವಲ 6 ರನ್​ಗಳಿಸಿ ಭುವನೇಶ್ವರ್​ಗೆ ವಿಕೆಟ್​ ಒಪ್ಪಿಸಿದರು.

ಬಹುಬೇಗನೆ ತಮ್ಮ ಜೊತೆಗಾರನನ್ನು ಕಳೆದುಕೊಂಡರೂ ಧೃತಿಗೆಡದ ಯುವ ಬ್ಯಾಟರ್​ ಯಶಸ್ವಿ ಜೈಸ್ವಾಲ್​ ಉತ್ತಮವಾಗಿ ಬ್ಯಾಟ್​ ಬೀಸಿದರು. 23 ಎಸೆತಗಳನ್ನು ಎದುರಿಸಿದ ಜೈಸ್ವಾಲ್ 5 ಬೌಂಡರಿ ಮತ್ತು 1 ಸಿಕ್ಸರ್​ ನೆರವಿನಿಂದ 36 ರನ್​ಗಳಿಸಿದರು. ಸಾಮ್ಸನ್​ ಜೊತೆ ಸೇರಿ 56 ರನ್​ಗಳ ಜೊತೆಯಾಟ ನೀಡಿ ಮುನ್ನುಗ್ಗುತ್ತಿದ್ದ ಈ ಜೋಡಿಯನ್ನು ಸಂದೀಪ್​ ಶರ್ಮಾ ಜೈಸ್ವಾಲ್ ವಿಕೆಟ್ ಪಡೆಯುವ ಮೂಲಕ ಬೇರ್ಪಡಿಸಿದರು.

• Innings Break!
  
  A superb knock of 82 from the #RR Captain propels them to a total of 164/5 on the board.#SRH chase coming up shortly.
  
  Scorecard - https://t.co/3wrjO6J87h #SRHvRR #VIVOIPL pic.twitter.com/ajSu25YkEq

  — IndianPremierLeague (@IPL) September 27, 2021 " class="align-text-top noRightClick twitterSection" data="

  Innings Break!
  
  A superb knock of 82 from the #RR Captain propels them to a total of 164/5 on the board.#SRH chase coming up shortly.
  
  Scorecard - https://t.co/3wrjO6J87h #SRHvRR #VIVOIPL pic.twitter.com/ajSu25YkEq

  — IndianPremierLeague (@IPL) September 27, 2021

  ">

  Innings Break!
  
  A superb knock of 82 from the #RR Captain propels them to a total of 164/5 on the board.#SRH chase coming up shortly.
  
  Scorecard - https://t.co/3wrjO6J87h #SRHvRR #VIVOIPL pic.twitter.com/ajSu25YkEq

  — IndianPremierLeague (@IPL) September 27, 2021

ಜೈಸ್ವಾಲ್​ ನಂತರ ಬಂದ ಲಿವಿಂಗ್​ಸ್ಟೋನ್​ ಕೇವಲ 4 ರನ್ಗಳಿಸಿ ಔಟಾದರು. 10.1 ಓವರ್​ಗಳಲ್ಲಿ 77 ರನ್​ಗಳಿಸಿ ಅಲ್ಪಮೊತ್ತದ ಭೀತಿ ಎದುರಿಸಿದ್ದ ರಾಯಲ್ಸ್​ಗೆ ನಾಯಕ ಸಾಮ್ಸನ್ ಮತ್ತು ಲಾಮ್ರೋರ್​ 4ನೇ ವಿಕೆಟ್ ಜೊತೆಯಾಟದಲ್ಲಿ 84 ರನ್​ಗಳ ಜೊತೆಯಾಟ ನೀಡಿ ತಂಡಕ್ಕೆ ಚೇತರಿಕೆ ನೀಡಿದರು.

ಸಂಜು ಸಾಮ್ಸನ್​, ಸಿದ್ಧಾರ್ಥ್​ ಕೌಲ್​ಗೆ ವಿಕೆಟ್​ ಒಪ್ಪಿಸುವ ಮುನ್ನ 57 ಎಸೆತಗಳಲ್ಲಿ 3 ಸಿಕ್ಸರ್ ಮತ್ತು 7 ಬೌಂಡರಿಗಳ ಸಹಿತ 82 ರನ್​ಗಳಿಸಿದರು. ಲಾಮ್ರೋರ್​ 28 ಎಸೆತಗಳಲ್ಲಿ 29 ರನ್​ಗಳಿಸಿ ಅಜೇಯರಾಗುಳಿದರು.

ಹೈದರಾಬಾದ್​ ಪರ ಸಿದ್ಧಾರ್ಥ್​ ಕೌಲ್ 36ಕ್ಕೆ2, ರಶೀದ್ ಖಾನ್ 31ಕ್ಕೆ1, ಭುವನೇಶ್ವರ್ ಕುಮಾರ್​ 28ಕ್ಕೆ1 ಮತ್ತು ಸಂದೀಪ್ ಶರ್ಮಾ 30ಕ್ಕೆ 1 ವಿಕೆಟ್ ಪಡೆದರು.

ಇದನ್ನು ಓದಿ:ಕಣ್ಣೀರಿಡುತ್ತಿದ್ದ ಇಶಾನ್​​ರನ್ನು ಮಗುವಿನಂತೆ ಸಂತೈಸಿದ ಕೊಹ್ಲಿ.. ವಿಡಿಯೋ