ಒಂದೇ ಓವರ್​ನಲ್ಲಿ 7 ಸಿಕ್ಸರ್ ಸಿಡಿಸಿ ಋತುರಾಜ್​ ಗಾಯಕ್ವಾಡ್​ ವಿಶ್ವದಾಖಲೆ

ವಿಜಯ್​ ಹಜಾರೆ ಟ್ರೋಫಿಯ ಏಕದಿನ ಪಂದ್ಯದಲ್ಲಿ ಮಹಾರಾಷ್ಟ್ರ ತಂಡದ ಆಟಗಾರ ಋತುರಾಜ್​ ಗಾಯಕ್ವಾಡ್​ ಉತ್ತಪ್ರದೇಶ ವಿರುದ್ಧ ವಿಶ್ವದಾಖಲೆ ಬರೆದರು.

ಅಹಮದಾಬಾದ್ (ಗುಜರಾತ್): ಓವರ್​ನ 6 ಎಸೆತಗಳನ್ನೂ ಸಿಕ್ಸರ್​ ಸಿಡಿಸಿ ಯುವರಾಜ್​ ಸಿಂಗ್​, ಕ್ರಿಸ್​ಗೇಲ್​ರಂತಹ ದೈತ್ಯ ಬ್ಯಾಟರ್​ಗಳು ವಿಶ್ವದಾಖಲೆ ಮಾಡಿದ್ದಾರೆ. ಇದನ್ನು ಮೀರಿಸಿರುವ ಭಾರತದ ದಾಂಡಿಗ ಋತುರಾಜ್ ಗಾಯಕ್ವಾಡ್​ ನೋಬಾಲ್​ ಸೇರಿದಂತೆ ಒಂದೇ ಓವರ್​ನಲ್ಲಿ 7 ಸಿಕ್ಸರ್​ ಬಾರಿಸಿ ಹೊಸ ದಾಖಲೆ ರಚಿಸಿದ ವಿಶ್ವದ ಮೊದಲ ಕ್ರಿಕೆಟಿಗ ಎನಿಸಿಕೊಂಡರು.

ಸೋಮವಾರ ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ವಿಜಯ್​ ಹಜಾರೆ ಟ್ರೋಫಿಯ ಉತ್ತರಪ್ರದೇಶ ವಿರುದ್ಧದ ಕ್ವಾರ್ಟರ್​ಫೈನಲ್​ ಪಂದ್ಯದಲ್ಲಿ ಮಹಾರಾಷ್ಟ್ರ ತಂಡದ ಆಟಗಾರ ಗಾಯಕ್ವಾಡ್​ ಈ ವಿನೂತನ ದಾಖಲೆ ಮಾಡಿದರು. ಉತ್ತರಪ್ರದೇಶದ ಶಿವ ಸಿಂಗ್​ ಎಸೆದ ಪಂದ್ಯದ 49 ನೇ ಓವರ್​ನಲ್ಲಿ ಅಬ್ಬರಿಸಿದ ಗಾಯಕ್ವಾಡ್​ ಮೊದಲ 4 ಎಸೆತಗಳನ್ನು ಸತತವಾಗಿ ಸಿಕ್ಸರ್​ಗಟ್ಟಿದರು.

• 6⃣,6⃣,6⃣,6⃣,6⃣nb,6⃣,6⃣
  
  Ruturaj Gaikwad smashes 4⃣3⃣ runs in one over! 🔥🔥
  
  Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES

  — BCCI Domestic (@BCCIdomestic) November 28, 2022 " class="align-text-top noRightClick twitterSection" data="

  6⃣,6⃣,6⃣,6⃣,6⃣nb,6⃣,6⃣
  
  Ruturaj Gaikwad smashes 4⃣3⃣ runs in one over! 🔥🔥
  
  Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES

  — BCCI Domestic (@BCCIdomestic) November 28, 2022

  ">

  6⃣,6⃣,6⃣,6⃣,6⃣nb,6⃣,6⃣
  
  Ruturaj Gaikwad smashes 4⃣3⃣ runs in one over! 🔥🔥
  
  Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES

  — BCCI Domestic (@BCCIdomestic) November 28, 2022

ಇದರಿಂದ ವಿಚಲಿತನಾದ ಶಿವ ಸಿಂಗ್​ ನೋಬಾಲ್​ ಹಾಕಿದರು. ಇದನ್ನೂ ಬೌಂಡರಿ ಗೆರೆಯಾಚೆ ದಾಟಿಸಿದ್ದಲ್ಲದೇ, ಮುಂದಿನ 2 ಎಸೆತಗಳಲ್ಲೂ ಸಿಕ್ಸರ್‌ (6,6,6,6,nb6,6,6) ಬಾರಿಸುವ ಮೂಲಕ ಸತತ 7 ಎಸೆತಗಳಲ್ಲಿ ಸಿಕ್ಸರ್​ ಬಾರಿಸಿ ವಿಶ್ವದೆಲ್ಲಾ ದಾಖಲೆಗಳನ್ನು ಗಾಯಕ್ವಾಡ್​ ಪುಡಿಗಟ್ಟಿದ್ದಾರೆ.

ಮಹಾರಾಷ್ಟ್ರ ತಂಡದ ಆಟಗಾರ ಋತುರಾಜ್​ ಗಾಯಕ್ವಾಡ್​ ಪಂದ್ಯದಲ್ಲಿ 159 ಎಸೆತಗಳಲ್ಲಿ 10 ಬೌಂಡರಿ 16 ಸಿಕ್ಸರ್​ಗಳ ಸಮೇತ ಅಜೇಯವಾಗಿ 220 ರನ್​ ಸಿಡಿಸಿ ದ್ವಿಶತಕ ಸಾಧನೆ ಮಾಡಿದರು. ಮಹಾರಾಷ್ಟ್ರ ತಂಡ ನಿಗದಿತ 50 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 330 ರನ್​ ದಾಖಲಿಸಿತು. ವಿಶೇಷವೆಂದರೆ, 6 ಆಟಗಾರರು 110 ರನ್​ ಮಾಡಿದರೆ, ಗಾಯಕ್ವಾಡ್​ ಒಬ್ಬರೇ 220 ರನ್​ ಬಾರಿಸಿದರು.

ಶಿವಸಿಂಗ್​​ ಎಸೆದ ಓವರ್​ನಲ್ಲಿ 43 ರನ್​ಗಳು ಸಿಡಿದವು. ಇದು ವಿಶ್ವ ಕ್ರಿಕೆಟ್​ನಲ್ಲಿ ಜಂಟಿ ಅತ್ಯಧಿಕ ರನ್​ ದಾಖಲಾದ ಓವರ್​ ಎಂಬ ಕುಖ್ಯಾತಿ ಪಡೆಯಿತು. ಇದಕ್ಕೂ ಮೊದಲು 2018-19ರಲ್ಲಿ ನ್ಯೂಜಿಲೆಂಡ್‌ನ ದೇಶೀಯ ಕ್ರಿಕೆಟ್​ನಲ್ಲಿ ವಿಲಿಯಂ ಲುಡಿಕ್​ ಒಂದೇ ಓವರ್​ನಲ್ಲಿ 4,6nb,6nb,6,1,6,6,6 ರನ್​ ಬಾರಿಸಿ 43 ರನ್​ ಗಳಿಸಿದ್ದರು.

ಇದನ್ನೂ ಓದಿ: ಗೆಳೆಯನ ಹುಟ್ಟುಹಬ್ಬದ ಪಾರ್ಟಿ: ಧೋನಿ ಜತೆ ಡ್ಯಾನ್ಸ್ ಮಾಡಿದ ಹಾರ್ದಿಕ್ ಪಾಂಡ್ಯ