ಮುಂಬೈ: ಮುಂದಿನ ಎರಡು ಟಿ20 ವಿಶ್ವಕಪ್ಗಳಿಗೆ ರೋಹಿತ್ ಶರ್ಮಾ ಭಾರತ ತಂಡದ ನಾಯಕನಾಗಬೇಕೆಂದು ಭಾರತದ ಮಾಜಿ ನಾಯಕ ಸುನೀಲ್ ಗವಾಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ. ಉಪನಾಯಕನಾಗಿ ಕೆ.ಎಲ್.ರಾಹುಲ್ ಅಥವಾ ರಿಷಭ್ ಪಂತ್ ಅವರನ್ನು ನೇಮಕ ಮಾಡುವಂತೆ ಅವರು ಸಲಹೆ ನೀಡಿದ್ದಾರೆ.
ಯುಎಇಯಲ್ಲಿ 2021ರ ಟಿ20 ವಿಶ್ವಕಪ್ ಮುಯುತ್ತಿದ್ದಂತೆ ಕೊಹ್ಲಿ ಟಿ20 ನಾಯಕತ್ವದಿಂದ ಕೆಳಗಿಳಿಯಲಿದ್ದಾರೆ. ಆ ಸ್ಥಾನಕ್ಕೆ ಈಗಾಗಲೇ ರೋಹಿತ್ ಶರ್ಮಾ ಮತ್ತು ಕೆ.ಎಲ್.ರಾಹುಲ್ ಹೆಸರು ಕೇಳಿಬರುತ್ತಿದೆ. ಆದರೆ ರೋಹಿತ್ ನಾಯಕತ್ವದ ದಾಖಲೆ ಉತ್ತಮವಾಗಿದ್ದು ಅವರೇ ಭಾರತ ತಂಡ ಮುನ್ನಡೆಸುವ ಸಾಧ್ಯತೆ ಹೆಚ್ಚಿದೆ.
"ಮುಂದಿನ ಎರಡು ವಿಶ್ವಕಪ್ಗಳಿಗೆ ರೋಹಿತ್ ಶರ್ಮಾ ನಾಯಕನಾಗಬೇಕೆಂದು ನಾನು ಬಯಸುತ್ತೇನೆ. ಎರಡೂ ವಿಶ್ವಕಪ್ಗಳು ಒಂದರ ಹಿಂದೊಂದು ಬರಲಿವೆ. ಒಂದು ತಿಂಗಳಲ್ಲಿ ಒಂದು ವಿಶ್ವಕಪ್ ನಡೆದರೆ, ಮತ್ತೊಂದು ಸರಿಯಾಗಿ ಒಂದು ವರ್ಷಕ್ಕೆ ನಡೆಯಲಿದೆ. ಈ ನಿರ್ದಿಷ್ಟ ಹಂತದಲ್ಲಿ ನೀವು ಹಲವು ನಾಯಕರನ್ನು ಬದಲಾಯಿಸಲು ಬಯಸುವುದಿಲ್ಲ. ಹಾಗಾಗಿ ಎರಡು ವಿಶ್ವಕಪ್ಗಳಿಗೆ ಭಾರತ ತಂಡದ ನಾಯಕನಾಗಲು ರೋಹಿತ್ ನನ್ನ ಆಯ್ಕೆ" ಎಂದು ಸ್ಟಾರ್ ಸ್ಫೋರ್ಟ್ಸ್ನ ಕ್ರಿಕೆಟ್ ಕನೆಕ್ಟೆಡ್ ಕಾರ್ಯಕ್ರಮದಲ್ಲಿ ಗವಾಸ್ಕರ್ ಹೇಳಿದರು.
ರೋಹಿತ್ ಶರ್ಮಾ ನಾಯಕನಾಗಿ ಶ್ರೀಲಂಕಾದಲ್ಲಿ ನಿಡಾಹಸ್ ಟ್ರೋಫಿ ಮತ್ತು ಏಷ್ಯಾಕಪ್ ಜೊತೆಗೆ 5 ಬಾರಿ ಐಪಿಎಲ್ ಟ್ರೋಫಿ ಗೆದ್ದಿದ್ದಾರೆ.
ರಾಹುಲ್-ಪಂತ್ಗೆ ಉಪನಾಯಕ ಸ್ಥಾನ
ಕೆ.ಎಲ್.ರಾಹುಲ್ರನ್ನು ನಾನು ಉಪನಾಯಕನನ್ನಾಗಿ ನೋಡಲು ಎದುರು ನೋಡುತ್ತಿದ್ದೇನೆ. ರಿಷಭ್ ಪಂತ್ ಹೆಸರು ಸಹಾ ನನ್ನ ಮನಸ್ಸಿನಲ್ಲಿದೆ. ಏಕೆಂದರೆ ಅವರು ಈ ಬಾರಿ ಐಪಿಎಲ್ನಲ್ಲಿ ಡೆಲ್ಲಿ ತಂಡವನ್ನು ಅದ್ಭುತವಾಗಿ ಮುನ್ನಡೆಸುತ್ತಿದ್ದು, ಅವರ ರಬಾಡ ಮತ್ತು ನಾರ್ಟ್ಜ್ ಅವರ ಬೌಲಿಂಗ್ ಬದಲಾವಣೆ ಮಾಡುವುದರಲ್ಲಿ ನಾಯಕನಾಗಿ ಚಾಣಾಕ್ಷತನ ತೋರಿದ್ದಾರೆ. ಪರಿಸ್ಥಿತಿಗೆ ತಕ್ಕಂತೆ ನಿರ್ಧಾರಗಳನ್ನು ತೆಗೆದುಕೊಳ್ಳಬಲ್ಲ ನಾಯಕನನ್ನು ನೀವು ಸದಾ ಬಯಸುತ್ತೀರಿ. ಆದ್ದರಿಂದ ರಾಹುಲ್ ಮತ್ತು ಪಂತ್ ಅವರನ್ನು ನಾನು ಉಪನಾಯಕ ಸ್ಥಾನಕ್ಕೆ ಶಿಫಾರಸು ಮಾಡುತ್ತೇನೆ ಎಂದಿದ್ದಾರೆ.
ಇದನ್ನೂ ಓದಿ:ಪಾಕಿಸ್ತಾನಕ್ಕೆ ಕ್ಷಮೆ ಕೋರಿದ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ : 2022ಕ್ಕೆ ಪ್ರವಾಸ ಕೈಗೊಳ್ಳುವ ಭರವಸೆ
