ಧರ್ಮಶಾಲಾ : ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಶ್ರೀಲಂಕಾ ವಿರುದ್ಧ ಕೊನೆಯ ಟಿ20 ಪಂದ್ಯದಲ್ಲಿ ಹೊಸದೊಂದು ವಿಶ್ವದಾಖಲೆ ಮಾಡಿದ್ದಾರೆ. ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನಾಡಿದ ಕ್ರಿಕೆಟಿಗ ಎಂಬ ರೆಕಾರ್ಡ್‌ ಹಿಟ್‌ ಹೆಸರಿಗೆ ಸೇರ್ಪಡೆಯಾಗಿದೆ.
ಭಾನುವಾರ ಧರ್ಮಶಾಲಾದ ಹೆಚ್ಸಿಎ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಈ ಪಂದ್ಯ ರೋಹಿತ್ ಶರ್ಮಾ ಅವರ 125ನೇ ಟಿ20 ಮ್ಯಾಚ್‌ ಆಗಿದೆ. ಭಾರತೀಯ ನಾಯಕನಿಗಿಂತ ಮೊದಲು ಪಾಕಿಸ್ತಾನದ ಹಿರಿಯ ಬ್ಯಾಟರ್ ಶೋಯಬ್ ಮಲಿಕ್ 124 ಪಂದ್ಯಗಳನ್ನಾಡಿರೋದು ಈವರೆಗಿನ ದಾಖಲೆಯಾಗಿತ್ತು.
ರೋಹಿತ್ ಶರ್ಮಾ 2017ರ ವಿಶ್ವಕಪ್ನಲ್ಲಿ ಐರ್ಲೆಂಡ್ ವಿರುದ್ಧ ಪದಾರ್ಪಣೆ ಮಾಡಿದ್ದರು. ಅವರು 124 ಪಂದ್ಯಗಳಿಂದ 3308 ರನ್ಗಳಿಸಿ ಟಿ20 ಕ್ರಿಕೆಟ್ನ ಗರಿಷ್ಠ ಸ್ಕೋರರ್ ಆಗಿದ್ದಾರೆ. ಅತಿ ಹೆಚ್ಚು 50+ ರನ್ಗಳಿಸಿದ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ ಜೊತೆಗೆ ಅಗ್ರಸ್ಥಾನವನ್ನು ಪಡೆದಿದ್ದಾರೆ.
ಅತಿ ಹೆಚ್ಚು ಟಿ20 ಪಂದ್ಯಗಳನ್ನಾಡಿದ ಕ್ರಿಕೆಟಿಗರು
- ರೋಹಿತ್ ಶರ್ಮಾ -125
- ಶೋಯಬ್ ಮಲಿಕ್- 124
- ಮೊಹಮ್ಮದ್ ಹಫೀಜ್-119
- ಇಯಾನ್ ಮಾರ್ಗನ್- 115
- ಮಹಮ್ಮದುಲ್ಲಾ -113
- ಮಾರ್ಟಿನ್ ಗಪ್ಟಿಲ್-112
ಇದನ್ನೂ ಓದಿ:ಬ್ಯಾಟಿಂಗ್ನಲ್ಲಿ ಬಡ್ತಿ.. ರೋಹಿತ್ ಶರ್ಮಾಗೆ ಧನ್ಯವಾದ ತಿಳಿಸಿ ಭವಿಷ್ಯದ ಸವಾಲಿಗೆ ಸಿದ್ಧ ಎಂದ ಜಡೇಜಾ!
