ಕೋಲ್ಕತ್ತಾ: ಭಾರತ ತಂಡದ ನಾಯಕ ರೋಹಿತ್ ಶರ್ಮಾ(Team india T20I captain Rohit Sharma) ಕೋಲ್ಕತ್ತಾದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ನಡೆದ ಮೂರನೇ ಮತ್ತು ಅಂತಿಮ ಟಿ - 20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಮಾಜಿ ನಾಯಕ ವಿರಾಟ್ ಕೊಹ್ಲಿ(Virat kohli) ದಾಖಲೆ ಮುರಿದರು. T-20ಯಲ್ಲಿ ಅತಿ ಹೆಚ್ಚು 50 ಪ್ಲಸ್ ಮೊತ್ತ ಬಾರಿಸಿದ ಶ್ರೇಯಕ್ಕೆ ಅವರು ಪಾತ್ರರಾದರು.
ನಿನ್ನೆಯ ಪಂದ್ಯದಲ್ಲಿ ರೋಹಿತ್ 31 ಎಸೆತಗಳಲ್ಲಿ 56 ರನ್ ಗಳಿಸಿದರು. ಇದು ಅವರ 30ನೇ ಅರ್ಧಶತಕವಾಗಿದ್ದು, ವಿರಾಟ್ ಕೊಹ್ಲಿ(29) ಅವರಿಗಿಂತ ಹೆಚ್ಚು ಬಾರಿ ಈ ಸಾಧನೆ(T20 International record) ಮಾಡಿದಂತಾಗಿದೆ. ಸದ್ಯ ವಿರಾಟ್ ಟಿ-20 ಸರಣಿಯಿಂದ ವಿಶ್ರಾಂತಿ ಪಡೆದಿದ್ದರು. ಕೊಹ್ಲಿ 95 ಪಂದ್ಯಗಳಿಂದ 52.04 ಸರಾಸರಿಯಲ್ಲಿ 29 ಅರ್ಧಶತಕಗಳೊಂದಿಗೆ 3,227 ರನ್ ಪೇರಿಸಿದ್ದಾರೆ.
ಅಲ್ಲದೆ ರೋಹಿತ್ ನಿನ್ನೆ, ಅಂತಾರಾಷ್ಟ್ರೀಯ ಟಿ-20 ಕ್ರಿಕೆಟ್ನಲ್ಲಿ 150 ಸಿಕ್ಸರ್‌ ಬಾರಿಸಿದ ಎರಡನೇ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. ಹಿಟ್‌ಮ್ಯಾನ್ ಪ್ರಸ್ತುತ 119 ಪಂದ್ಯಗಳಿಂದ 150 ಸಿಕ್ಸರ್‌ ಸಿಡಿಸಿದ್ದು, ನ್ಯೂಜಿಲ್ಯಾಂಡ್ನ ಗಪ್ಟಿಲ್ 112 ಪಂದ್ಯಗಳಿಂದ 161 ಸಿಕ್ಸರ್‌ ಬಾರಿಸಿ ಅಗ್ರಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ: NZ VS IND: ಹರ್ಷಲ್, ವೆಂಕಟೇಶ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ನಾಯಕ ರೋಹಿತ್
