ದ್ರಾವಿಡ್​, ರೋಹಿತ್ ಜೊತೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ: ಕೆ.ಎಲ್‌.ರಾಹುಲ್​​

ನಾಯಕನಾಗಿ ರೋಹಿತ್ ಶರ್ಮಾ ಡ್ರೆಸ್ಸಿಂಗ್ ರೂಮಿನಲ್ಲಿ ಸಾಕಷ್ಟು ಶಾಂತತೆ, ರಾಹುಲ್​ ದ್ರಾವಿಡ್​​ ತಂಡದಲ್ಲಿ ಒಳ್ಳೆಯ ಸಂಸ್ಕೃತಿಯನ್ನು ತರುತ್ತಾರೆ ಎಂದು ಕೆ.ಎಲ್‌.ರಾಹುಲ್​ ಹೇಳಿದ್ದಾರೆ.

ಜೈಪುರ: ಟೀಂ​ ಇಂಡಿಯಾ ಹೊಸ ಕೋಚ್​​ ರಾಹುಲ್​ ದ್ರಾವಿಡ್​ ಮತ್ತು ಟಿ20 ತಂಡದ ನಾಯಕ ರೋಹಿತ್​ ಶರ್ಮಾ ಅವರ ಜೊತೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ ಎಂದು ಟಿ20 ತಂಡದ ಉಪ ನಾಯಕ ಕೆ.ಎಲ್. ರಾಹುಲ್​ ಹೇಳಿದರು.

ಟಿ20 ವಿಶ್ವಕಪ್​​ ಟೂರ್ನಿಯ ಬಳಿಕ ಭಾರತ ಮೊದಲ ಸರಣಿಯನ್ನು ತವರಿನಲ್ಲಿ ನ್ಯೂಜಿಲ್ಯಾಂಡ್​ ಜೊತೆ ಆಡುತ್ತಿದ್ದು, ನವೆಂಬರ್​ 17 ರಂದು ಮೊದಲ ಟಿ20 ಪಂದ್ಯ ನಡೆಯಲಿದೆ. ಇದಕ್ಕೂ ಮುನ್ನ ಇಂದು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು,​ "ನಾನು ರಾಹುಲ್​​ ದ್ರಾವಿಡ್​ ಮತ್ತು ರೋಹಿತ್​​ ಶರ್ಮಾ ಅವರೊಂದಿಗೆ ಡ್ರೆಸ್ಸಿಂಗ್‌ ರೂಂ ಹಂಚಿಕೊಳ್ಳಲು ಅದೃಷ್ಟ ಮಾಡಿದ್ದೆ" ಎಂದರು.

• 🗣️ 🗣️ "We all are excited to play under @ImRo45's captaincy."@klrahul11 on Rohit Sharma leading #TeamIndia in the T20Is.#INDvNZ pic.twitter.com/wseMLeg27w

  — BCCI (@BCCI) November 15, 2021 " class="align-text-top noRightClick twitterSection" data="

  🗣️ 🗣️ "We all are excited to play under @ImRo45's captaincy."@klrahul11 on Rohit Sharma leading #TeamIndia in the T20Is.#INDvNZ pic.twitter.com/wseMLeg27w

  — BCCI (@BCCI) November 15, 2021

  ">

  🗣️ 🗣️ "We all are excited to play under @ImRo45's captaincy."@klrahul11 on Rohit Sharma leading #TeamIndia in the T20Is.#INDvNZ pic.twitter.com/wseMLeg27w

  — BCCI (@BCCI) November 15, 2021

ವಿಭಿನ್ನ ಸಾಮರ್ಥ್ಯದೊಂದಿಗೆ ಮರಳಿ ಭಾರತ ತಂಡಕ್ಕೆ ರಾಹುಲ್ ದ್ರಾವಿಡ್ ಬಂದಿದ್ದಾರೆ. ನಾನು ಅವರೊಂದಿಗೆ ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ. ಭಾರತೀಯ ಕ್ರಿಕೆಟ್‌ನ ದಂತಕಥೆ ಜೊತೆ ಕೆಲಸ ಮಾಡಲು ಬಹಳ ಉತ್ಸುಕನಾಗಿದ್ದೇನೆ.

ದ್ರಾವಿಡ್​ ಅವರ ಆಟವನ್ನು ನಾನು ಚಿಕ್ಕನಿಂದಲೇ ನೋಡಿ ಬೆಳೆದಿದ್ದೇನೆ. ಅವರ ಬ್ಯಾಟಿಂಗ್​ ನನಗೆ ಬಹಳ ಇಷ್ಟ. ಅವರು ನಮ್ಮ ರಾಜ್ಯದವರಾಗಿದ್ದು ತವರಿನ ಫೀಲ್​ ನೀಡುತ್ತದೆ ಎಂದು ಸಂತಸ ವ್ಯಕ್ತಪಡಿಸಿದರು.

ಇನ್ನು ರೋಹಿತ್​​ ಶರ್ಮಾ ಉತ್ತಮ ನಾಯಕ ಎನ್ನುವುದರಲ್ಲಿ ಸಂಶಯವೇ ಇಲ್ಲ. ಈಗಾಗಲೇ ಅವರ ನಾಯಕತ್ವದಿಂದ ಮುಂಬೈ ಇಂಡಿಯನ್ಸ್​​ ತಂಡವನ್ನು ಚಾಂಪಿಯನ್​ ಮಾಡಿದ್ದಾರೆ. ಅವರ ನಾಯಕತ್ವದ ಬಗ್ಗೆ ಅಂಕಿಅಂಶಗಳೇ ಹೇಳುತ್ತವೆ ಎಂದು ಕೊಂಡಾಡಿದರು.