ರಾಜ್ಕೋಟ್: ರಣಜಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ ಗುಜರಾತ್ನ ರಾಜ್ಕೋಟ್ ಕ್ರಿಕೆಟಿಗ ಸಮರ್ಥ್ ವ್ಯಾಸ್ ನಿನ್ನೆ ನಡೆದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ಬಿಕರಿಯಾಗಿದ್ದಾರೆ. 20 ಲಕ್ಷ ರೂಪಾಯಿ ನೀಡಿ ವ್ಯಾಸ್ರನ್ನು ಸನ್ರೈಸರ್ಸ್ ಹೈದರಾಬಾದ್ ತಂಡ ಖರೀದಿ ಮಾಡಿದೆ. ಸಮರ್ಥ್ ಅನ್ಕ್ಯಾಪ್ಡ್ ಪ್ಲೇಯರ್ ಆಗಿದ್ದರೂ ಲಕ್ಷಗಳಿಗೆ ಮಾರಾಟವಾಗಿದ್ದಾರೆ.
ಹರಾಜಿನಲ್ಲಿ ಬಿಕರಿಯಾಗಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದ ಸಮರ್ಥ್, ಸನ್ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಧನ್ಯವಾದ ಹೇಳಿದ್ದಾರೆ. ಕನಸು ನನಸಾಯಿತು. ಐಪಿಎಲ್ನಂತಹ ದೊಡ್ಡ ವೇದಿಕೆಯಲ್ಲಿ ಆಡುವುದು ಅತ್ಯಂತ ಹೆಮ್ಮೆಯ ವಿಷಯವಾಗಿದೆ. ಅಲ್ಲದೇ ನನ್ನ ಕನಸು ಕೂಡ ಆಗಿತ್ತು. ಉತ್ತಮ ಪ್ರದರ್ಶನ ನೀಡಿ ಭವಿಷ್ಯದಲ್ಲಿ ಉತ್ತಮ ಕ್ರಿಕೆಟರ್ ಆಗಿ ಮುಂದುವರಿಯುತ್ತೇನೆ ಎಂದು ಹೇಳಿದರು.
ಡ್ರೆಸ್ಸಿಂಗ್ ರೂಮಲ್ಲಿ ಹರಾಜು ವೀಕ್ಷಣೆ: ರಣಜಿ ಪಂದ್ಯ ಮುಗಿದ ಬಳಿಕ ಆಟಗಾರರು ಎಲ್ಲರೂ ಮನೆಗೆ ಹೋದರು. ಆದರೆ, ನಾನು ಡ್ರೆಸ್ಸಿಂಗ್ ರೂಮಲ್ಲಿ ಒಬ್ಬನೇ ಕೂತು ಹರಾಜು ಪ್ರಕ್ರಿಯೆ ವೀಕ್ಷಿಸಿದೆ. 45 ನೇ ಸ್ಥಾನದಲ್ಲಿ ಇದ್ದ ನಾನು ಬಿಕರಿಯಾಗುತ್ತೇನೆ ಅಂದುಕೊಂಡಿರಲಿಲ್ಲ. ಕೊನೆಗೆ ಹೈದರಾಬಾದ್ ತಂಡ ಖರೀದಿ ಮಾಡಿತು. ಇದು ನನಗೆ ಸಂತೋಷ ತಂದಿದೆ ಎಂದು ಹೇಳಿದರು.
ಇನ್ನು 12 ವರ್ಷಗಳ ಬಳಿಕ ಭಾರತ ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆದು ಬಾಂಗ್ಲಾದೇಶ ವಿರುದ್ಧ ಕಣಕ್ಕಳಿದಿರುವ ಜಯದೇವ್ ಉನದ್ಕಟ್ರನ್ನೂ ಹೈದರಾಬಾದ್ ತಂಡ 50 ಲಕ್ಷ ನೀಡಿ ತನ್ನ ತೆಕ್ಕೆಗೆ ತೆಗೆದುಕೊಂಡಿದೆ.
ಓದಿ: IPL ಹರಾಜಿನಲ್ಲಿ ವಿದೇಶಿಗರಿಗೆ ರತ್ನಗಂಬಳಿ; ಕೋಟಿ ಬಾಚಿದ ಸ್ವದೇಶಿ ಆಟಗಾರರು ಇವರು..
