ಚೆನ್ನೈ : ಪೃಥ್ವಿ ಶಾ ಸಿಡಿಸಿದ ಅರ್ಧಶತಕದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 159 ರನ್ ಗಳಿಸಿದೆ.
ಚೆನ್ನೈ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಡೆಲ್ಲಿ ತಂಡಕ್ಕೆ ಪೃಥ್ವಿ ಶಾ ಮತ್ತು ಶಿಖರ್ ಧವನ್ ಮೊದಲ ವಿಕೆಟ್ಗೆ 81 ರನ್ಗಳ ಜೊತೆಯಾಟ ನೀಡಿದರು.
ಪವರ್ ಪ್ಲೇನಲ್ಲೇ ಅದ್ಭುತವಾಗಿ ಬ್ಯಾಟಿಂಗ್ ಮಾಡಿದ ಈ ಜೋಡಿ 51 ರನ್ ಸೂರೆಗೈದಿತು. ಆದರೆ, 26 ಎಸೆತಗಳಲ್ಲಿ 28 ರನ್ಗಳಿಸಿದ್ದ ಧವನ್ರನ್ನು ರಶೀದ್ ಖಾನ್ ಔಟ್ ಮಾಡುವ ಮೂಲಕ ಹೈದರಾಬಾದ್ಗೆ ಮೊದಲ ಬ್ರೇಕ್ ತಂದು ಕೊಟ್ಟರು.
39 ಎಸೆತಗಳಲ್ಲಿ 7 ಬೌಂಡರಿ, ಒಂದು ಸಿಕ್ಸರ್ನೊಂದಿಗೆ 53 ರನ್ಗಳಿಸಿದ್ದ ಪೃಥ್ವಿ ಶಾ, ಇಲ್ಲದ ರನ್ ಕದಿಯಲು ಹೋಗಿ ರನ್ಔಟ್ ಆಗಿ ನಿರಾಶೆ ಅನುಭವಿಸಿದರು.
ನಂತರರ ಒಂದಾದ ನಾಯಕ ಪಂತ್ ಮತ್ತು ಅನುಭವಿ ಸ್ಮಿತ್ 3ನೇ ವಿಕೆಟ್ಗೆ 58 ರನ್ಗಳ ಜೊತೆಯಾಟ ನೀಡಿ ತಂಡದ ಮೊತ್ತವನ್ನು ಹೆಚ್ಚಿಸಿದರು.
ಪಂತ್ 27 ಎಸೆತಗಳಲ್ಲಿ 37 ರನ್ಗಳಿಸಿದರೆ, ಸ್ಟೀವನ್ ಸ್ಮಿತ್ 24 ಎಸೆತಗನ್ನು 3 ಬೌಂಡರಿ ಮತ್ತು ಒಂದು ಸಿಕ್ಸರ್ ಸಹಿತ ಅಜೇಯ 34 ರನ್ಗಳಿಸಿ ತಂಡದ ಮೊತ್ತವನ್ನು 150ರ ಗಡಿ ದಾಟಿಸಿದರು.
ಹೈದರಾಬಾದ್ ಪರ ಸಿದ್ಧಾರ್ಥ್ ಕೌಲ್ 31 ರನ್ ನೀಡಿ 2 ವಿಕೆಟ್ ಪಡೆದರೆ, ರಶೀದ್ ಖಾನ್ 31 ರನ್ ನೀಡಿ ಒಂದು ವಿಕೆಟ್ ಪಡೆದರು. ಕನ್ನಡಿಗ ಸುಚೀತ್ 4 ಓವರ್ಗಳಲ್ಲಿ ಕೇವಲ 21 ರನ್ ಬಿಟ್ಟುಕೊಟ್ಟರು.
