ಬೆಂಗಳೂರು: ಅಗ್ರಸ್ಥಾನದಲ್ಲಿರುವ ಪಾಟ್ನಾ ಪೈರೇಟ್ಸ್ ವಿರುದ್ಧ ಬೆಂಗಳೂರು ಬುಲ್ಸ್ 2 ಅಂಕಗಳ ರೋಚಕ ಸೋಲು ಕಂಡಿದ್ದು, ಪ್ಲೇ ಆಫ್ ತಲುಪುವ ಅವಕಾಶ ಕ್ಷೀಣಿಸಿದೆ.
ಬಲಿಷ್ಠ ತಂಡವಾಗಿರುವ ಪಾಟ್ನಾ ಪೈರೇಟ್ಸ್ 16 ರೈಡಿಂಗ್ ಅಂಕ ಮತ್ತು 17 ಟ್ಯಾಕಲ್ ಅಂಕ ಪಡೆದುಕೊಂಡರೆ, ಬೆಂಗಳೂರು 18 ರೈಡ್ ಮತ್ತು 13 ಟ್ಯಾಕಲ್ ಅಂಕ ಪಡೆದುಕೊಂಡು ಕೇವಲ 2 ಅಂಕಗಳಿಂದ ಸೋಲೊಪ್ಪಿಕೊಂಡಿತು.
ಮೊದಲಾರ್ಧದಲ್ಲಿ ಪಾಟ್ನಾ 19-14 ರಲ್ಲಿ ಮುನ್ನಡೆ ಪಡೆದುಕೊಂಡಿತು, ದ್ವಿತೀಯಾರ್ಧದಲ್ಲಿ ಬುಲ್ಸ್ ಕಮ್ಬ್ಯಾಕ್ ಮಾಡಿತ್ತಾದರೂ ಪಾಟ್ನಾ ರಕ್ಷಣಾತ್ಮಕ ಆಟಕ್ಕೆ ಮುಂದಾಗಿ ತನ್ನ ಮುನ್ನಡೆಯನ್ನು ಕೊನೆಯವರೆಗೂ ಕಾಪಾಡಿಕೊಂಡಿತು. ಕೊನೆಯ ನಿಮಿಷದಲ್ಲಿ 34 - 34 ರಲ್ಲಿ ಸಮಬಲ ಸಾಧಿಸುವಲ್ಲಿ ಬುಲ್ಸ್ ಯಶಸ್ವಿಯಾದರೂ, ಪಾಟ್ನಾ ರೈಡರ್ ಸಚಿನ್ ಒಂದು ಅಂಕ ಪಡೆದು 35-34ರಲ್ಲಿ ಮುನ್ನಡೆ ಹೆಚ್ಚಿಸಿಕೊಂಡರು.
ಕೊನೆಯ ರೈಡಿಂಗ್ ಬುಲ್ಸ್ಗೆ ಸಿಕ್ಕಿತ್ತು, ಕೇವಲ ಒಂದು ಅಂಕ ಪಡೆದು ಟೈ ಸಾಧಿಸುವ ಅವಕಾಶ ಕೂಡ ಇತ್ತು. ಆದರೆ, ಪವನ್ ಅವರನ್ನು ಪಾಟ್ನಾ ಡಿಫೆಂಡರ್ಗಳು ತಮ್ಮ ಬಲೆಗೆ ಬೀಳಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.
ಪೈರೇಟ್ ತಂಡದ ಮೋನು ಗೋಯಟ್ 7 ಬೋನಸ್ ಜೊತೆ 9 ಅಂಕ ಪಡೆದರೆ, ಡಿಫೆಂಡರ್ಗಳಾದ ಸುನಿಲ್ ಮತ್ತು ಮೊಹಮ್ಮದ್ರೇಜಾ ಚಿಯಾನ್ ತಲಾ 6 ಅಂಕ ಪಡೆದು ಬುಲ್ಸ್ ಪಡೆಯ ರೈಡರ್ಸ್ಗಳನ್ನು ಕಟ್ಟಿಹಾಕಿದರು. ನಾಯಕ ಪವನ್ ಶೆರಾವತ್ ಇಂದು ಕೇವಲ7 ಅಂಕ ಪಡೆದರೆ, ಚಂದ್ರನ್ ರಂಜಿತ್ 8 ಅಂಪ ಪಡೆದರು. ಸೌರಭ್ ನಂಡಲ್ 3, ಮಯೂರ್, ಜೈದೀಪ್ ಮತ್ತು ಮಹೇಂದರ್ ತಲಾ 2 ಟ್ಯಾಕಲ್ ಅಂಕ ಪಡೆದರು.
ಇದನ್ನೂ ಓದಿ:ಐಪಿಎಲ್ನಲ್ಲಿ 3.2 ಕೋಟಿ ರೂ. ಡೀಲ್.. ಅಪ್ಪನ ಕನಸನ್ನು ನನಸು ಮಾಡಿದ ವೇಗಿ ಯಶ್ ದಯಾಳ್
