ಮುಂಬೈ: ಪಂಜಾಬ್ ಕಿಂಗ್ಸ್ ತಂಡದ ಆರಂಭಿಕ ಬ್ಯಾಟರ್ ಶಿಖರ್ ಧವನ್ ಸೋಮವಾರ ವಾಂಖೆಡೆಯಲ್ಲಿ ನಡೆಯುತ್ತಿರುವ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಆಕರ್ಷಕ ಅರ್ಧಶತಕ ಸಿಡಿಸುವ ಮೂಲಕ ವಿಶೇಷ ಮೈಲಿಗಲ್ಲು ಸ್ಥಾಪಿಸಿದ್ದಾರೆ. ಐಪಿಎಲ್ನಲ್ಲಿ ತಮ್ಮ 200ನೇ ಪಂದ್ಯವನ್ನಾಡುತ್ತಿರುವ ಶಿಖರ್ ಧವನ್ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 1000 ರನ್ ಸಿಡಿಸಿದ ಮೊದಲ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ಐಪಿಎಲ್ನಲ್ಲಿ ಕೇವಲ ಇಬ್ಬರು ಬ್ಯಾಟರ್ಗಳು ಮಾತ್ರ ಒಂದೇ ತಂಡದ ವಿರುದ್ಧ 1000 ರನ್ ಸಿಡಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ 1018 ರನ್ ಮತ್ತು ಡೇವಿಡ್ ವಾರ್ನರ್ ಪಂಜಾಬ್ ಕಿಂಗ್ಸ್ ವಿರುದ್ಧ 1005 ರನ್ಗಳಿಸಿದ್ದಾರೆ. ಇದೀಗ ಧವನ್ ಸಿಎಸ್ಕೆ ವಿರುದ್ಧ 1029 ರನ್ಗಳಿಸುವ ಮೂಲಕ ಲೀಗ್ನಲ್ಲಿ ಒಂದೇ ತಂಡದ ವಿರುದ್ಧ ಗರಿಷ್ಠ ರನ್ ದಾಖಲಿಸಿದ ಬ್ಯಾಟರ್ ಎಂಬ ವಿಶೇಷ ದಾಖಲೆಗೆ ಪಾತ್ರರಾದರು.
ಈ ಮೂವರು ಬ್ಯಾಟರ್ಗಳನ್ನು ಬಿಟ್ಟರೆ ಬೇರೆ ಯಾವುದೇ ಬ್ಯಾಟರ್ ಒಂದೇ ತಂಡದ ವಿರುದ್ಧ 1000 ರನ್ಗಳಿಸಿಲ್ಲ. ಆದರೆ, ವಾರ್ನರ್ ಕೆಕೆಆರ್ ವಿರುದ್ಧ 976, ವಿರಾಟ್ ಕೊಹ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 949, ಮತ್ತು ಡೆಲ್ಲಿ ವಿರುದ್ಧ 925 ರನ್ ಹಾಗೂ ರೋಹಿತ್ ಶರ್ಮಾ ಡೆಲ್ಲಿ ವಿರುದ್ಧ 910ರನ್ಗಳಿಸಿ 1000 ರನ್ಗಳ ಹೊಸ್ತಿಲಲ್ಲಿದ್ದಾರೆ.
59 ಎಸೆತಗಳಲ್ಲಿ ಅಜೇಯ 88 ರನ್ಗಳಿಸಿದ ಶಿಖರ್ ಧವನ್ ಇದೇ ಇನ್ನಿಂಗ್ಸ್ ಐಪಿಎಲ್ನಲ್ಲಿ 6000 ರನ್ ಪೂರೈಸಿದರು. ವಿರಾಟ್ ಕೊಹ್ಲಿ ಮಾತ್ರ ಈ ವಿಶೇಷ ಮೈಲಿಗಲ್ಲು ಸ್ಥಾಪಿಸಿದ್ದಾರೆ. ಜೊತೆಗೆ ಟಿ-20 ಕ್ರಿಕೆಟ್ನಲ್ಲಿ 9 ಸಾವಿರ ರನ್ಗಳ ಗಡಿ ದಾಟಿದ್ದಾರೆ.
ಇದನ್ನೂ ಓದಿ:ತಮಗಿಂತ 28 ವರ್ಷದ ಕಿರಿಯಳೊಂದಿಗೆ 2ನೇ ವಿವಾಹವಾಗಲಿದ್ದಾರೆ 66 ವರ್ಷದ ಮಾಜಿ ಕ್ರಿಕೆಟಿಗ ಅರುಣ್ ಲಾಲ್
