ನವದೆಹಲಿ : ಭದ್ರತೆ ಕಾರಣ ನೀಡಿ ನ್ಯೂಜಿಲ್ಯಾಂಡ್ ಹಾಗೂ ಇಂಗ್ಲೆಂಡ್ ತಂಡ ಪಾಕ್ ಸರಣಿಯಿಂದ ಹಿಂದೆ ಸರಿದಿವೆ. ಇದಕ್ಕೆ ಪಾಕಿಸ್ತಾನದ ಕೆಲ ಮಂತ್ರಿಗಳು ಹಾಗೂ ಮಾಜಿ ಆಟಗಾರರು ಭಾರತದ ವಿರುದ್ಧ ಹರಿಹಾಯ್ದಿದ್ದಾರೆ. ಇದೇ ವಿಚಾರವಾಗಿ ಇದೀಗ ಬಿಸಿಸಿಐ ಹಿರಿಯ ಅಧಿಕಾರಿ ಮಾತನಾಡಿದ್ದಾರೆ.
ನ್ಯೂಜಿಲ್ಯಾಂಡ್,ಇಂಗ್ಲೆಂಡ್ ಪ್ರವಾಸ ರದ್ಧು ಮಾಡಿಕೊಳ್ಳಲು ನಾವು ಕಾರಣ ಎಂಬುದಕ್ಕೆ ಪಾಕ್ ಬಳಿ ಯಾವುದೇ ರೀತಿಯ ಪುರಾವೆಗಳಿಲ್ಲ. ಸಣ್ಣ ವಿಚಾರದಲ್ಲೂ ಭಾರತವನ್ನ ಎಳೆದು ತರುವುದು ಪಾಕ್ನ ಹಳೆಯ ಅಭ್ಯಾಸ ಎಂದು ಅವರು ಕಿಡಿಕಾರಿದ್ದಾರೆ.
ಇದನ್ನೂ ಓದಿರಿ: ದಿನಕ್ಕೊಂದು ರೂಲ್ಸ್.. ಇನ್ಮೇಲೆ ಅಫ್ಘಾನಿಸ್ತಾನದಲ್ಲಿ ಗಡ್ಡದ ಶೇವ್, ಟ್ರಿಮ್ ಮಾಡುವುದು ನಿಷಿದ್ಧ..
ಪಾಕ್ ಕ್ರಿಕೆಟ್ ಬೋರ್ಡ್ನ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ರಮೀಜ್ ರಾಜಾಗೆ ನಾವು ಶುಭ ಹಾರೈಸಿದ್ದೇವೆ. ಈ ವೇಳೆ ನಾವು ಒಂದು ವಿಷಯ ಸ್ಪಷ್ಟಪಡಿಸಲು ಬಯಸುತ್ತೇವೆ. ನ್ಯೂಜಿಲ್ಯಾಂಡ್-ಇಂಗ್ಲೆಂಡ್ ಪ್ರವಾಸ ರದ್ಧುಗೊಳಿಸಿಕೊಂಡಿರುವುದರ ಹಿಂದೆ ಬಿಸಿಸಿಐ ಕೈವಾಡವಿಲ್ಲ ಎಂದಿದ್ದಾರೆ.
ಈ ಎಲ್ಲ ವಿಷಯಗಳ ಬಗ್ಗೆ ತಲೆಕೆಡಿಸಿಕೊಳ್ಳಲು ನಮ್ಮ ಬಳಿ ಸಮಯವಿಲ್ಲ. ಪಾಕಿಸ್ತಾನದ ಕೆಲ ಮಾಜಿ ಆಟಗಾರರು ಐಪಿಎಲ್ ದೂಷಿಸುತ್ತಿದ್ದಾರೆಂಬುದು ನನಗೆ ಗೊತ್ತಾಗುತ್ತಿಲ್ಲ? ಎಂದಿದ್ದಾರೆ.
ಸುಮಾರು 18 ವರ್ಷಗಳ ನಂತರ ಪಾಕ್ ಪ್ರವಾಸ ಕೈಗೊಂಡಿದ್ದ ನ್ಯುಜಿಲ್ಯಾಂಡ್ ಭದ್ರತೆ ಕಾರಣ ನೀಡಿ, ಅಲ್ಲಿಂದ ವಾಪಸ್ ಆಗಿದೆ. ಇದರ ಬೆನ್ನಲ್ಲೇ ಇಂಗ್ಲೆಂಡ್ ಕೂಡ ತಮ್ಮ ಪ್ರವಾಸ ರದ್ಧು ಮಾಡಿಕೊಂಡಿದೆ. ಇದರಿಂದ ಪಾಕ್ಗೆ ಅಪಾರ ಪ್ರಮಾಣದ ಆರ್ಥಿಕ ನಷ್ಟವಾಗಿದೆ.
