ಐಸಿಸಿ ವಿಶ್ವಕಪ್ 2023ಗೆ (ICC World Cup 2023) ನ್ಯೂಜಿಲೆಂಡ್ ತಂಡವನ್ನು ಪ್ರಕಟಿಸಲಾಗಿದೆ. ನ್ಯೂಜಿಲೆಂಡ್ ಕ್ರಿಕೆಟ್ (NZC) ತಮ್ಮ ODI ವಿಶ್ವಕಪ್ ತಂಡವನ್ನು ವಿಶೇಷತೆಯೊಂದಿಗೆ ಪ್ರಕಟಿಸಿದೆ. ಕ್ರಿಕೆಟಿಗರ ಮಕ್ಕಳು, ಪತ್ನಿಯರು, ಅಜ್ಜಿ, ಪೋಷಕರು ಕ್ಯಾಪ್ ನಂಬರ್ ಹಾಗೂ ಆಟಗಾರರ ಹೆಸರನ್ನು ಘೋಷಿಸಿರುವ ಮೂಲಕ ನ್ಯೂಜಿಲೆಂಡ್ ತಂಡವನ್ನು ಪರಿಚಯಿಸಿದ್ದಾರೆ. ಅದಕ್ಕಾಗಿ ಸ್ಪೆಷಲ್ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
ಟೀಂ ಕ್ಯಾಪ್ಟನ್ ಕೇನ್ ವಿಲಿಯಮ್ಸನ್ ಅವರ ಪತ್ನಿ ಮತ್ತು ಮಕ್ಕಳು ನಾಯಕನ ODI ಕ್ಯಾಪ್ ಸಂಖ್ಯೆಯನ್ನು ಹೇಳುವುದರೊಂದಿಗೆ ವಿಡಿಯೋ ಪ್ರಾರಂಭವಾಗುತ್ತದೆ. ನಂತರದಲ್ಲಿ ಟ್ರೆಂಟ್ ಬೌಲ್ಟ್ ಪುತ್ರ, ಮಾರ್ಕ್ ಚಾಪ್ಮನ್ ಪತ್ನಿ, ಡೆವೊನ್ ಕಾನ್ವೇ, ಮ್ಯಾಟ್ ಹೆನ್ರಿ, ಟಾಮ್ ಲ್ಯಾಥಮ್, ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟನರ್, ಇಶ್ ಸೋಧಿ, ಡ್ಯಾರಿಲ್ ಮಿಥ್ಸೆಲ್ ಮತ್ತು ಟಿಮ್ ಸೌಥಿ ಮಕ್ಕಳು, ಲಾಕಿ ಫರ್ಗುಸನ್ ಅವರ ನಿಶ್ಚಿತ ವಧು, ಜಿಮ್ಮಿ ನೀಶಮ್ ಅವರ ಅಜ್ಜಿ, ವಿಲ್ ಯಂಗ್ ಅವರ ತಾಯಿ ಮತ್ತು ರಚಿನ್ ರವಿಡ್ನ್ರಾ ಅವರ ಪೋಷಕರು ಕ್ಯಾಪ್ ಸಂಖ್ಯೆಯ ಜೊತೆ ಕ್ರಿಕೆಟಿಗರ ಹೆಸರು ಹೇಳುವುದರೊಂದಿಗೆ ನ್ಯೂಜಿಲೆಂಡ್ ತಂಡವನ್ನು ಪರಿಚಯಿಸಲಾಗಿದೆ.
-
Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023 " class="align-text-top noRightClick twitterSection" data="
">Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023
ಭಾರತದಲ್ಲಿ ಅಕ್ಟೋಬರ್ 5ರಿಂದ ಆರಂಭವಾಗಲಿರುವ ಐಸಿಸಿ ವಿಶ್ವಕಪ್ 2023ಗೆ 15 ಸದಸ್ಯರ ನ್ಯೂಜಿಲೆಂಡ್ ತಂಡವನ್ನು ಪ್ರಕಟಿಸಲಾಗಿದೆ. ಬ್ಯಾಟರ್ ಕೇನ್ ವಿಲಿಯಮ್ಸನ್ ಅವರು ನಾಯಕನಾಗಿ ತಂಡಕ್ಕೆ ವಾಪಸ್ ಆಗಿದ್ದಾರೆ. ದೀರ್ಘಕಾಲದ ಮೊಣಕಾಲು ನೋವಿನಿಂದ ಬಳಲುತ್ತಿದ್ದ ಅವರು ಸಂಪೂರ್ಣ ಚೇತರಿಸಿಕೊಂಡಿಲ್ಲವಾದರೂ ತಂಡದ ನಾಯಕನಾಗಿ ಸೇರಿಕೊಂಡಿದ್ದಾರೆ. ಟಾಮ್ ಲ್ಯಾಥಮ್ ಅವರು ಉಪನಾಯಕನಾಗಿ ಆಯ್ಕೆಯಾಗಿದ್ದಾರೆ.
ಇದನ್ನೂ ಓದಿ: Ben Stokes: ನಿವೃತ್ತಿ ಹಿಂಪಡೆದ ಇಂಗ್ಲೆಂಡ್ ಕ್ರಿಕೆಟಿಗ ಬೆನ್‌ ಸ್ಟೋಕ್ಸ್
ನ್ಯೂಜಿಲೆಂಡ್ ತಂಡವು 2015 ಮತ್ತು 2019ರ ವಿಶ್ವಕಪ್ನಲ್ಲಿ ಫೈನಲ್ ತಲುಪಿತ್ತು. ಈ ಬಾರಿಯೂ ಅದೇ ರೀತಿಯ ಪ್ರದರ್ಶನ ನೀಡಬೇಕಾದರೆ, ತಂಡದಲ್ಲಿ ಕೇನ್ ವಿಲಿಯಮ್ಸನ್ ಅವರ ಉಪಸ್ಥಿತಿ ಅನಿವಾರ್ಯವಾಗಿತ್ತು. ಅದರಂತೆ ಇದೀಗ ಅವರು ತಂಡಕ್ಕೆ ವಾಪಸಾಗಿರುವುದು ಅಭಿಮಾನಿಗಳಲ್ಲಿ ಸಂತಸ ಮೂಡಿಸಿದೆ.
ಭಾರತದಲ್ಲಿ 5 ಅಕ್ಟೋಬರ್ 2023 ರಿಂದ ನವೆಂಬರ್ 19ರ ವರೆಗೆ ವಿಶ್ವಕಪ್ ಪಂದ್ಯಗಳು ನಡೆಯಲಿವೆ. ಮೊದಲ ಹಾಗೂ ಅಂತಿಮ ಮ್ಯಾಚ್ ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ. ಟೂರ್ನಿಯ ಮೊದಲ ಪಂದ್ಯ ಇಂಗ್ಲೆಂಡ್ ಮತ್ತು ನ್ಯೂಜಿಲ್ಯಾಂಡ್ ಮಧ್ಯೆ ನಡೆಯಲಿದ್ದು, ಇದಕ್ಕಾಗಿ ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂ ಸಜ್ಜುಗೊಳ್ಳುತ್ತಿದೆ. ನವೆಂಬರ್ 19 ರಂದು ಅದೇ ಮೈದಾನದಲ್ಲಿ ಫೈನಲ್ ಪಂದ್ಯವೂ ನಡೆಯಲಿದೆ. ಇದಲ್ಲದೆ ಎರಡು ಸೆಮಿಫೈನಲ್ ಪಂದ್ಯಗಳು ಕ್ರಮವಾಗಿ ಮುಂಬೈ ಮತ್ತು ಕೋಲ್ಕತ್ತಾದಲ್ಲಿ ನವೆಂಬರ್ 15 ಮತ್ತು 16 ರಂದು ನಡೆಯಲಿವೆ.
ಇದನ್ನೂ ಓದಿ: Kane Williamson: ವಿಶ್ವಕಪ್ಗೂ ಮುನ್ನವೇ ಕಿವೀಸ್ ನಾಯಕ ವಿಲಿಯಮ್ಸನ್ ಕಮ್‌ಬ್ಯಾಕ್
