ಭಾರತ ನ್ಯೂಜಿಲ್ಯಾಂಡ್​ ಸರಣಿಯಲ್ಲಿ ಮಳೆಯದ್ದೇ ಮೇಲುಗೈ.. ಟಿ20 ಭಾರತಕ್ಕೆ, ಏಕದಿನ ಕಿವೀಸ್​ ಪಾಲು

ಮೂರನೇ ಮತ್ತು ಅಂತಿಮ ಏಕದಿನ ಪಂದ್ಯವೂ ಮಳೆಯಿಂದಾಗಿ ರದ್ದಾಗುವ ಮೂಲಕ ಭಾರತ ವಿರುದ್ಧ ಆತಿಥೇಯ ನ್ಯೂಜಿಲ್ಯಾಂಡ್​ 3 ಏಕದಿನ ಪಂದ್ಯಗಳ ಸರಣಿಯನ್ನು 1-0 ಯಿಂದ ಗೆಲುವು ಸಾಧಿಸಿತು. ಮೊದಲು ನಡೆದ ಟಿ20 ಸರಣಿಯನ್ನು ಭಾರತ ಮಳೆ ಕಾಟದ ಮಧ್ಯೆ 1-0 ಯಿಂದ ಸರಣಿ ಗೆದ್ದಿತ್ತು.

ಕ್ರೈಸ್ಟ್​​ಚರ್ಚ್​(ನ್ಯೂಜಿಲ್ಯಾಂಡ್​): ಮೂರನೇ ಮತ್ತು ಅಂತಿಮ ಏಕದಿನ ಪಂದ್ಯವೂ ಮಳೆಯಿಂದಾಗಿ ರದ್ದಾಗುವ ಮೂಲಕ ಭಾರತ ವಿರುದ್ಧ ಆತಿಥೇಯ ನ್ಯೂಜಿಲ್ಯಾಂಡ್​ 3 ಏಕದಿನ ಪಂದ್ಯಗಳ ಸರಣಿಯನ್ನು 1-0 ಯಿಂದ ಗೆಲುವು ಸಾಧಿಸಿತು. 10 ತಿಂಗಳಲ್ಲಿ ಭಾರತ ಇದೇ ಮೊದಲ ಬಾರಿಗೆ ಸರಣಿ ಸೋಲು ಅನುಭವಿಸಿತು. ಮೊದಲ ಏಕದಿನವನ್ನು ಕಿವೀಸ್​ 7 ವಿಕೆಟ್​ಗಳಿಂದ ಗೆಲುವು ಸಾಧಿಸಿತ್ತು. 2ನೇ ಪಂದ್ಯ ಮಳೆಗೆ ರದ್ದಾಗಿತ್ತು.

ಭಾರತ ಮತ್ತು ನ್ಯೂಜಿಲ್ಯಾಂಡ್​ ಕ್ರಿಕೆಟ್​ ಸರಣಿಯಲ್ಲಿ ಆಟಗಾರರಿಗಿಂತಲೂ ಮಳೆರಾಯನೇ ಆರ್ಭಟಿಸಿದ್ದೇ ಹೆಚ್ಚು. ಮೊದಲು ನಡೆದ 3 ಪಂದ್ಯಗಳ ಟಿ20 ಸರಣಿಯಲ್ಲಿ ಭಾರತ ಮೊದಲ ಒಂದೂ ಎಸೆತ ಕಾಣದೇ ಮಳೆಗೆ ರದ್ದಾಯಿತು. ಬಳಿಕ ಎರಡನೇ ಪಂದ್ಯದಲ್ಲಿ ಭಾರತ ಕೆಚ್ಚೆದೆಯ ಆಟವಾಡಿ 65 ರನ್​ಗಳಿಂದ ಗೆದ್ದಿತು. ಮೂರನೇ ಟಿ20ಗೂ ವರುಣ ಅಡ್ಡಿಯಾಗಿ ಪಂದ್ಯ ಟೈ ಆಯಿತು. ಇದರಿಂದ ಭಾರತ ಸರಣಿಯನ್ನು 1-0 ಯಿಂದ ಕೈ ವಶ ಮಾಡಿಕೊಂಡಿತು.

ಬಳಿಕ ಆರಂಭವಾದ ಮೂರು ಪಂದ್ಯಗಳ ಏಕದಿನ ಸರಣಿಗೂ ಮಳೆಕಾಟ ತಪ್ಪಲಿಲ್ಲ. ಮೊದಲ ಏಕದಿನಕ್ಕೆ ಬಿಡುವು ಪಡೆದಿದ್ದ ವರುಣದೇವನ ಕೃಪೆಯಿಂದ ಆತಿಥೇಯ ನ್ಯೂಜಿಲ್ಯಾಂಡ್​ 7 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತ್ತು. 2ನೇ ಏಕದಿನಕ್ಕೆ ಮತ್ತೆ ಅಡ್ಡಿಯಾಗಿ ಪಂದ್ಯವನ್ನು ಆಪೋಷನ ಪಡೆದಿದ್ದ. ಇದರಿಂದ ಸರಣಿ ನೀರಸವಾಯಿತು. ಇಂದು ನಡೆದ ಮೂರನೇ ಮತ್ತು ಅಂತಿಮ ಪಂದ್ಯಕ್ಕೆ ಬಿಡುವು ಕೊಟ್ಟಂತೆ ಮಾಡಿ ಕೊನೆಯಲ್ಲಿ ವರ್ಷಧಾರೆಯಾದ ಕಾರಣ ಪಂದ್ಯವನ್ನು ರದ್ದು ಮಾಡಲಾಯಿತು.

• The third & final #NZvIND ODI is called off due to rain 🌧️
  
  New Zealand win the series 1-0.
  
  Scorecard 👉 https://t.co/NGs0HnQVMX #TeamIndia
  
  📸 Courtesy: Photosport NZ pic.twitter.com/73QtYS5SJm

  — BCCI (@BCCI) November 30, 2022 " class="align-text-top noRightClick twitterSection" data="

  The third & final #NZvIND ODI is called off due to rain 🌧️
  
  New Zealand win the series 1-0.
  
  Scorecard 👉 https://t.co/NGs0HnQVMX #TeamIndia
  
  📸 Courtesy: Photosport NZ pic.twitter.com/73QtYS5SJm

  — BCCI (@BCCI) November 30, 2022

  ">

  The third & final #NZvIND ODI is called off due to rain 🌧️
  
  New Zealand win the series 1-0.
  
  Scorecard 👉 https://t.co/NGs0HnQVMX #TeamIndia
  
  📸 Courtesy: Photosport NZ pic.twitter.com/73QtYS5SJm

  — BCCI (@BCCI) November 30, 2022

ಆತಿಥೇಯರ ಗೆಲುವು ಕಸಿದ ವರುಣ: ಮೂರನೇ ಪಂದ್ಯದಲ್ಲಿ ಭಾರತವನ್ನು 219 ರನ್​ಗಳ ಸಾಧರಣ ಮೊತ್ತಕ್ಕೆ ಕಟ್ಟಿಹಾಕಿ ಇನ್ನೇನು 2-0 ಅಂತರದಲ್ಲಿ ಸರಣಿಯನ್ನು ವಶಪಡಿಸಿಕೊಳ್ಳುವ ಉತ್ಸಾಹದಲ್ಲಿ ನ್ಯೂಜಿಲ್ಯಾಂಡ್​ಗೆ ಮಳೆ ಆಘಾತ ನೀಡಿತು. 18 ಓವರ್​ಗಳಲ್ಲಿ 1 ವಿಕೆಟ್​ಗೆ 104 ರನ್​ ಗಳಿಸಿದ್ದಾಗ ಮಳೆ ಸುರಿಯಲಾರಂಭಿಸಿತು.

ಇದರಿಂದ ಪಂದ್ಯವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಬೇಕಾಯಿತು. ಮಳೆ ನಿಂತ ಬಳಿಕ ಗೆಲುವಿಗೆ ಬೇಕಿದ್ದ 116 ರನ್​ಗಳನ್ನು ಚಚ್ಚಿ ಪಂದ್ಯದ ಜೊತೆಗೆ ಸರಣಿ ಗೆಲ್ಲುವ ಕಿವೀಸ್​ ಆಸೆಗೆ ಮಳೆ ಅವಕಾಶ ಮಾಡಿಕೊಡಲಿಲ್ಲ. ಮಳೆ ನೀರಿನಿಂದ ಪಿಚ್​ ಪೂರ್ಣ ಒದ್ದೆಯಾದ ಕಾರಣ ಪಂದ್ಯವನ್ನು ಅರ್ಧಕ್ಕೆ ರದ್ದು ಮಾಡಲಾಯಿತು.

10 ತಿಂಗಳ ಬಳಿಕ ಭಾರತಕ್ಕೆ ಏಕದಿನ ಸರಣಿ ಸೋಲು: ಭಾರತ ಈ ವರ್ಷದ ಆರಂಭದಿಂದ ಏಕದಿನ ಸರಣಿ ಸೋಲು ಕಂಡಿರಲಿಲ್ಲ. ಇಂಗ್ಲೆಂಡ್​, ವೆಸ್ಟ್​ ಇಂಡೀಸ್​, ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯನ್ನು ನಾಯಕ ರೋಹಿತ್​ ಶರ್ಮಾ ನೇತೃತ್ವದಲ್ಲಿ ವಶಪಡಿಸಿಕೊಂಡಿತ್ತು. ರೋಹಿತ್​ ಅನುಪಸ್ಥಿತಿಯಲ್ಲಿ ಶಿಖರ್​ ಧವನ್​ ತಂಡದ ನೇತೃತ್ವ ವಹಿಸಿಕೊಂಡ ಸರಣಿಯಲ್ಲಿ ಭಾರತ ಸೋಲು ಕಂಡಿತು.

ಇದರಿಂದ 3 ಪಂದ್ಯಗಳ ಟಿ20 ಸರಣಿಯನ್ನು ಹಾರ್ದಿಕ್​ ಪಾಂಡ್ಯ ನೇತೃತ್ವದಲ್ಲಿ ಭಾರತ ಗೆದ್ದರೆ, ಶಿಖರ್​ ನೇತೃತ್ವದಲ್ಲಿ ಏಕದಿನ ಸರಣಿ ಸೋಲು ಕಂಡಿತು. ಡಿಸೆಂಬರ್​ 4 ರಿಂದ ಭಾರತ ಮೂರು ಪಂದ್ಯಗಳ ಏಕದಿನ ಮತ್ತು 2 ಟೆಸ್ಟ್​ ಆಡಲು ಬಾಂಗ್ಲಾದೇಶಕ್ಕೆ ಪ್ರವಾಸ ಕೈಗೊಳ್ಳಲಿದೆ.

ಓದಿ: ಮೂರನೇ ಏಕದಿನ ಪಂದ್ಯಕ್ಕೆ ಮಳೆ ಅಡ್ಡಿ: ನ್ಯೂಜಿಲೆಂಡ್‌ ಗೆಲುವಿಗೆ ಬೇಕು 116 ರನ್‌