ಭಾರತ-ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಗಾಗಿ ಲಂಡನ್​ ಸೇರಿದ ಕಿವೀಸ್​ ತಂಡ

ಈ ಸರಣಿ ಮುಗಿಯುತ್ತಿದ್ದಂತೆ ಜೂನ್​ 18 ರಿಂದ ಭಾರತದ ವಿರುದ್ಧ ಸೌತಾಂಪ್ಟನ್​ನಲ್ಲಿ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ನಲ್ಲಿ ಪ್ರಶಸ್ತಿಗಾಗಿ ಸೆಣಸಾಡಲಿದೆ..

ಲಂಡನ್ : ಭಾರತದ ವಿರುದ್ಧದ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್ ಮತ್ತು ಇಂಗ್ಲೆಂಡ್ ವಿರುದ್ಧದ 2 ಪಂದ್ಯಗಳ ಟೆಸ್ಟ್​ ಸರಣಿಯನ್ನಾಡುವ ಸಲುವಾಗಿ ನ್ಯೂಜಿಲ್ಯಾಂಡ್​ ತಂಡದ ಬಹುಪಾಲು ಆಟಗಾರರು ಭಾನುವಾರ ಲಂಡನ್​ಗೆ ಬಂದಿಳಿದಿದ್ದಾರೆ.

ನ್ಯೂಜಿಲೆಂಡ್ ಕ್ರಿಕೆಟ್ ತಂಡ ಆಕ್ಲೆಂಡ್​ನಿಂದ ಸಿಂಗಾಪುರ್​ ಮಾರ್ಗದ ಮೂಲಕ ಲಂಡನ್​ಗೆ ಬಂದಿದ್ದು, ಅಲ್ಲಿಂದ ಸೌತಾಂಪ್ಟನ್​ನ ಏಜಸ್ ಬೌಲ್​ಗೆ ಸೇರಿಕೊಂಡಿದೆ. ಪ್ರಸ್ತುತ ಅಲ್ಲಿ 2 ವಾರಗಳ ಕಾಲ ಕ್ವಾರಂಟೈನ್​ಗೆ ಒಳಗಾಗಲಿದೆ.

• Touchdown at @HeathrowAirport. Next stop Southampton 🚍 #ENGvNZ #WTC21 pic.twitter.com/lB86fBRioI

  — BLACKCAPS (@BLACKCAPS) May 16, 2021 " class="align-text-top noRightClick twitterSection" data="

  Touchdown at @HeathrowAirport. Next stop Southampton 🚍 #ENGvNZ #WTC21 pic.twitter.com/lB86fBRioI

  — BLACKCAPS (@BLACKCAPS) May 16, 2021

  ">

  Touchdown at @HeathrowAirport. Next stop Southampton 🚍 #ENGvNZ #WTC21 pic.twitter.com/lB86fBRioI

  — BLACKCAPS (@BLACKCAPS) May 16, 2021

ಜೂನ್ 2 ರಂದು ಲಂಡನ್​ನಲ್ಲಿ ಮೊದಲ ಟೆಸ್ಟ್​ ಆರಂಭವಾಗಲಿದೆ. ಜೂನ್ 10ರಂದು ಬರ್ಮಿಂಗ್​ಹ್ಯಾಮ್​ನಲ್ಲಿ 2ನೇ ಟೆಸ್ಟ್​ ಪಂದ್ಯ ನಡೆಯಲಿದೆ.

ಈ ಸರಣಿ ಮುಗಿಯುತ್ತಿದ್ದಂತೆ ಜೂನ್​ 18 ರಿಂದ ಭಾರತದ ವಿರುದ್ಧ ಸೌತಾಂಪ್ಟನ್​ನಲ್ಲಿ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ನಲ್ಲಿ ಪ್ರಶಸ್ತಿಗಾಗಿ ಸೆಣಸಾಡಲಿದೆ.

ಕೋವಿಡ್​-19 ಕಾರಣ ರದ್ದಾಗಿರುವ ಐಪಿಎಲ್​ನಲ್ಲಿ ಪಾಲ್ಗೊಂಡಿದ್ದ ನ್ಯೂಜಿಲೆಂಡ್ ತಂಡದ ನಾಯಕ ಕೇನ್ ವಿಲಿಯಮ್ಸನ್, ಆಲ್​ರೌಂಡರ್​ ಕೈಲ್ ಜೆಮೀಸನ್ ಮತ್ತು ಮಿಚೆಲ್ ಸ್ಯಾಂಟ್ನರ್ ಮಾಲ್ಡೀವ್ಸ್‌ನಿಂದ ನೇರವಾಗಿ ಸೋಮವಾರ ಇಂಗ್ಲೆಂಡ್‌ ಸೇರಿಕೊಳ್ಳಲಿದ್ದಾರೆ.

ಟೆಸ್ಟ್​ ಸರಣಿಗೂ ಮುನ್ನ ನ್ಯೂಜಲ್ಯಾಂಡ್ ತಂಡ ಮೇ 26 ರಿಂದ ಮೇ 28ರವರೆಗೆ 3 ದಿನಗಳ ಅಭ್ಯಾಸ ಪಂದ್ಯವನ್ನಾಡಲಿದೆ.