ಸೌತಾಂಪ್ಟನ್: ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ನ್ಯೂಜಿಲ್ಯಾಂಡ್ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಎರಡೂ ಇನ್ನಿಂಗ್ಸ್ಗಳಲ್ಲೂ ಕೈಲ್ ಜೆಮೀಸನ್ ಅವರಿಗೆ ವಿಕೆಟ್ ಒಪ್ಪಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಕಾಮೆಂಟೇಟರ್ಗಳಾದ ಸುನೀಲ್ ಗವಾಸ್ಕರ್ ಮತ್ತು ನಾಸಿರ್ ಹುಸೇನ್ 2014 ಇಂಗ್ಲೆಂಡ್ ಪ್ರವಾಸದಲ್ಲಿ ಅನುಭವಿಸಿದ್ದ ವೈಫಲ್ಯವನ್ನು ಕೊಹ್ಲಿ ಮತ್ತೆ ಅನುಭವಿಸುತ್ತಿದ್ದಾರೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಪಂದ್ಯ ಮೀಸಲು ದಿನವಾದ ಇಂದು ಬ್ಯಾಟಿಂಗ್ ಆರಂಭಿಸಿದ ಕೊಹ್ಲಿ ದಿನದ 6ನೇ ಓವರ್ನಲ್ಲಿ ಜೇಮಿಸನ್ ಓವರ್ನಲ್ಲಿ ಔಟ್ ಸೈಡ್ ಎಡ್ಜ್ ಮೂಲಕ ಕೀಪರ್ಗೆ ಕ್ಯಾಚ್ ನೀಡಿ ಔಟಾದರು. ಮೊದಲೇ ಕ್ರೀಸ್ ಬಿಟ್ಟು ನಿಂತಿದ್ದ ಕೊಹ್ಲಿ ಒಳ ಬರುತ್ತಿದ್ದ ಚೆಂಡನ್ನು ಯಾವುದೇ ಫೂಟ್ ಮೂವ್ಮೆಂಟ್ ಇಲ್ಲದೇ ಆಡಿದ್ದರು. ಪರಿಣಾಮ ಎಡ್ಜ್ ಆಗಿ ವಿಕೆಟ್ ಒಪ್ಪಿಸಿದರು.
13 ರನ್ಗಳಿಸಿ ಕೊಹ್ಲಿದ ವಿಕೆಟ್ ಒಪ್ಪಿಸಿದ ಬಗ್ಗೆ ಪ್ರತಿಕ್ರಿಯಿಸಿದ ಹುಸೇನ್ ಕೊಹ್ಲಿಯ ಆ ಹೊಡೆತ ನನಗೆ 2014ರಲ್ಲಿ ಭಾರತ ಇಂಗ್ಲೆಂಡ್ ಪ್ರವಾಸ ನೆನಪಿಸಿತು ಎಂದಿದ್ದಾರೆ.
" ಕೊಹ್ಲಿ ಔಟಾದ ರೀತೀ ನೋಡಿದರೆ ಸ್ವಲ್ಪ 2014ರ ಪ್ರವಾಸ ನೆನಪಿಸುತ್ತಿದೆ, ಅವರ ಆಟ 2018 ರಂತಿಲ್ಲ. 2014ರಲ್ಲಿ ಜೇಮ್ಸ್ ಆಂಡರ್ಸನ್ ಅವರಿಗೆ ತೊಂದರೆಯನ್ನುಂಟು ಮಾಡಿದ್ದರು. ಆದರೆ, ಕಳೆದ ಪ್ರವಾಸದಲ್ಲಿ ಅವರು ಇಂಗ್ಲೆಂಡ್ನಲ್ಲಿ ಉತ್ತಮವಾಗಿ ಆಡಿದ್ದರು ಎಂದು ಕಾಮೆಂಟರಿ ವೇಳೆ ಉಲ್ಲೇಖಿಸಿದ್ದರು.
ಕೊಹ್ಲಿ 2014ರಲ್ಲಿ 13.50 ಸರಾಸರಿಯಲ್ಲಿ ರನ್ಗಳಿಸಿದ್ದರು. ಆದರೆ, ಮುಂದಿನ ಪ್ರವಾಸದಲ್ಲಿ ತಮ್ಮ ಆಟವನ್ನು ಸುಧಾರಿಸಿಕೊಂಡಿದ್ದ ಅವರು 500+ ರನ್ಗಳಿಸಿ ಮಿಂಚಿದ್ದರು. ಆದರೆ, ಇದೀಗ ಮತ್ತೆ ಅದೇ ಸಮಸ್ಯೆ ಎದುರಿಸಿ ವಿದೇಶಿ ಪಿಚ್ನಲ್ಲಿ ಔಟಾಗುತ್ತಿದ್ದಾರೆ.
ಇದನ್ನು ಓದಿ:ಕೊನೆಯ ಪಂದ್ಯವನ್ನಾಡುತ್ತಿರುವ ವಾಟ್ಲಿಂಗ್ಗೆ ಅಭಿನಂದಿಸಿದ Kohli: ವಿಡಿಯೋ
