ಭಾರತೀಯರ ಬೌಲಿಂಗ್​ ಪ್ರದರ್ಶನ ಹೊಗಳಿದ ಇಂಗ್ಲೆಂಡ್​ ಮಾಜಿ ಆಟಗಾರ ಮೈಕಲ್ ವಾನ್

ಪ್ರಸ್ತುತ ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಟೀಮ್​ ಇಂಡಿಯಾ ಭರ್ಜರಿ ಆಲ್​ರೌಂಡ್​ ಪ್ರದರ್ಶನ ನೀಡುತ್ತಿದೆ. ಅದರಲ್ಲೂ ವಿಶೇಷವಾಗಿ ಬೌಲರ್​ಗಳ ಆಟವನ್ನು ಇಂಗ್ಲೆಂಡ್​ ಮಾಜಿ ಕ್ರಿಕೆಟಿಗ ಮೈಕಲ್ ವಾನ್ ಹೊಗಳಿದ್ದಾರೆ.

ನವದೆಹಲಿ: 2023ರ ವಿಶ್ವಕಪ್‌ನಲ್ಲಿ ಭಾರತ ತಂಡದ ಅತ್ಯುತ್ತಮ ಪ್ರದರ್ಶನದಿಂದ ಎಲ್ಲರೂ ಅಚ್ಚರಿಗೊಂಡಿದ್ದಾರೆ. ಪಂದ್ಯದ ಪ್ರತಿಯೊಂದು ಕ್ಷೇತ್ರದಲ್ಲೂ ಭಾರತ ತಂಡ ಅದ್ಭುತ ಪ್ರದರ್ಶನ ನೀಡಿದೆ. ಅದು ಬ್ಯಾಟಿಂಗ್, ಫೀಲ್ಡಿಂಗ್ ಅಥವಾ ಬೌಲಿಂಗ್ ಆಗಿರಲಿ. ಭಾರತ ತಂಡ 2023ರ ವಿಶ್ವಕಪ್‌ನಲ್ಲಿ 8 ಪಂದ್ಯಗಳನ್ನು ಆಡಿದ್ದು, ಎಲ್ಲ ಪಂದ್ಯಗಳನ್ನು ಗೆದ್ದಿದೆ. ಬೌಲಿಂಗ್‌ನಲ್ಲಿ ಭಾರತದ ಆಟಗಾರರು ಅದ್ಭುತ ಪ್ರದರ್ಶನ ನೀಡಿದ್ದಾರೆ.

ಅದರಲ್ಲೂ ಭಾರತದ ಬೌಲಿಂಗ್​ ವಿಭಾಗ ಅಸಾಧಾರಣವಾಗಿ ಕಾಣುತ್ತಿದೆ. ಐವರು ಪ್ರಮುಖ ಬೌಲರ್​ಗಳು ಮೈದಾನದ ಲಕ್ಷಣಗಳನ್ನು ಲಾಭವಾಗಿ ಬಳಸಿಕೊಳ್ಳುತ್ತಿದ್ದಾರೆ. ಒಂದು ಪಂದ್ಯದಲ್ಲಿ ಸ್ಪಿನ್ನರ್​ಗಳು ಮೋಡಿ ಮಾಡಿದರೆ, ಮತ್ತೊಂದರಲ್ಲಿ ವೇಗಿಗಳು ಎದುರಾಳಿಗಳಿಗೆ ಕಂಟಕವಾಗುತ್ತಿದ್ದಾರೆ. ಭಾರತದ ವಿರುದ್ಧ 8 ಪಂದ್ಯಗಳಲ್ಲಿ ಯಾವುದೇ ತಂಡ 300ರ ಗಡಿ ತಲುಪಿಲ್ಲ. ಅಫ್ಘಾನಿಸ್ತಾನ ಮತ್ತು ಬಾಂಗ್ಲಾದೇಶ ಹೊರತಾಗಿ ಆರು ತಂಡಗಳು ಆಲ್​ಔಟ್​ಗೆ ಗುರಿಯಾಗಿದೆ. ಅಫ್ಘಾನ್​​ ಮತ್ತು ಬಾಂಗ್ಲಾ 8 ವಿಕೆಟ್​ ಗಳನ್ನು ಕಳೆದುಕೊಂಡಿದ್ದವು. ಆಸ್ಟ್ರೇಲಿಯಾ (199), ಪಾಕಿಸ್ತಾನ (191), ಇಂಗ್ಲೆಂಡ್​ (129), ಶ್ರೀಲಂಕಾ (55) ಮತ್ತು ದಕ್ಷಿಣ ಆಫ್ರಿಕಾ (83) ದಂತಹ ದಿಗ್ಗಜ ತಂಡಗಳನ್ನು ಭಾರತೀಯ ಬೌಲರ್​ಗಳು 200ರ ಒಳಗೆ ಕಟ್ಟಿಹಾಕಿದ್ದಾರೆ.

• So if Bumrah doesn’t get you Siraj will .. If Siraj doesn’t get you Shami will .. If Shami doesn’t get you Jadeja will & If Jadeja doesn’t get you Kuldeep will .. #India #CWC2023 @clubprairiefire

  — Michael Vaughan (@MichaelVaughan) November 5, 2023 " class="align-text-top noRightClick twitterSection" data="

  So if Bumrah doesn’t get you Siraj will .. If Siraj doesn’t get you Shami will .. If Shami doesn’t get you Jadeja will & If Jadeja doesn’t get you Kuldeep will .. #India #CWC2023 @clubprairiefire

  — Michael Vaughan (@MichaelVaughan) November 5, 2023

  ">

  So if Bumrah doesn’t get you Siraj will .. If Siraj doesn’t get you Shami will .. If Shami doesn’t get you Jadeja will & If Jadeja doesn’t get you Kuldeep will .. #India #CWC2023 @clubprairiefire

  — Michael Vaughan (@MichaelVaughan) November 5, 2023

ಭಾರತದ ಬೌಲರ್‌ಗಳ ಈ ಪ್ರದರ್ಶನವನ್ನು ಕಂಡ ಇಂಗ್ಲೆಂಡ್‌ನ ಮಾಜಿ ಆಟಗಾರ ಮೈಕಲ್ ವಾನ್ ಹೊಗಳಿದ್ದಾರೆ. ತಮ್ಮ ಎಕ್ಸ್​ ಆ್ಯಪ್​ ಖಾತೆಯಲ್ಲಿ,"ಬುಮ್ರಾ ನಿಮ್ಮನ್ನು ಔಟ್​ ಮಾಡದಿದ್ದರೆ, ಮೊಹಮ್ಮದ್ ಸಿರಾಜ್ ಬಿಡುವುದಿಲ್ಲ, ನೀವು ಸಿರಾಜ್ ಅವರಿಂದ ತಪ್ಪಿಸಿಕೊಂಡರೆ, ಮೊಹಮ್ಮದ್ ಶಮಿ ನಿಮ್ಮನ್ನು ಔಟ್ ಮಾಡುತ್ತಾರೆ. ಶಮಿ ಇಲ್ಲದಿದ್ದರೆ ಜಡೇಜಾ, ಜಡೇಜಾನಿಂದ ಪಾರಾದರೆ ಕುಲದೀಪ್ ನಿನ್ನನ್ನು ಬಿಡುವುದಿಲ್ಲ" ಎಂದು ಭಾರತದ ಬಿಗಿ ಬೌಲಿಂಗ್ ದಾಳಿಯ ಬಗ್ಗೆ ವಿಮರ್ಶೆ ಮಾಡಿದ್ದಾರೆ.

ಈ ಬಾರಿಯ ವಿಶ್ವಕಪ್‌ನಲ್ಲಿ ಭಾರತೀಯ ಬೌಲರ್‌ಗಳು ತಮ್ಮ ಪ್ರದರ್ಶನದ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದಾರೆ. ಮೊಹಮ್ಮದ್ ಶಮಿ ಕಳೆದ ನಾಲ್ಕು ಪಂದ್ಯಗಳಲ್ಲಿ 16 ವಿಕೆಟ್ ಪಡೆದಿದ್ದಾರೆ. ಅಲ್ಲದೇ ಎರಡು ಬಾರಿ ಐದು ವಿಕೆಟ್ ಪಡೆದಿದ್ದಾರೆ. ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ರವೀಂದ್ರ ಜಡೇಜಾ ಜಾದೂ ಮಾಡಿದ್ದರು. ಲಂಕಾ ವಿರುದ್ಧ ಸಿರಾಜ್​ ಮಾರಕವಾಗಿದ್ದರು. ಮೊದಲ ಪಂದ್ಯಗಳಲ್ಲಿ ಬುಮ್ರಾ ಎದುರಾಳಿಗಳನ್ನು ಕಾಡಿದ್ದರು.

ಕಳೆದ ಮೂರು ಪಂದ್ಯಗಳನ್ನು ಆಡಿದ ಮೊಹಮ್ಮದ್​ ಶಮಿ 16 ವಿಕೆಟ್​ ಪಡೆದುಕೊಂಡು ಪ್ರಸ್ತುತ ಈ ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ವಿಕೆಟ್​ ಪಡೆದ 4ನೇ ಆಟಗಾರ ಆಗಿದ್ದಾರೆ. ಈ ಪಟ್ಟಿಯಲ್ಲಿ 15 ವಿಕೆಟ್​ ಪಡೆದ ಬುಮ್ರಾ 6ನೇ ಸ್ಥಾನ, 14 ವಿಕೆಟ್​​ ಪಡೆದ ಜಡೇಜಾ 7, 12 ವಿಕೆಟ್​ ಕಬಳಿಸಿದ ಕುಲ್ದೀಪ್​ ಯಾದವ್​ 12ನೇ ಸ್ಥಾನದಲ್ಲಿದ್ದಾರೆ. ಬೌಲರ್​ಗಳು ವಿಕೆಟ್​ ಪಡೆಯುವಲ್ಲಿ ಯಶಸ್ವಿ ಆಗದಿದ್ದರೂ ಎದುರಾಳಿಯ ಮೇಲೆ ರನ್​ ಕಡಿವಾಣ ಹಾಕುವಲ್ಲಿ ಯಶಸ್ವಿ ಆಗುತ್ತಿದ್ದಾರೆ.

ಇದನ್ನೂ ಓದಿ: ಸಚಿನ್​ ದಾಖಲೆ ಸರಿಗಟ್ಟುವ ಭಾರ ವಿರಾಟ್​ ಮೇಲಿತ್ತು, ಇನ್ನು ಒತ್ತಡ ರಹಿತರಾಗಿ ಆಡುತ್ತಾರೆ: ರಿಕಿ ಪಾಂಟಿಂಗ್​