ಬೌಲರ್​​ಗಳ ಸಂಘಟಿತ ಪ್ರದರ್ಶನ,ರಿಂಕು-ರಾಣಾ ಅದ್ಭುತ ಜೊತೆಯಾಟ.. ರಾಜಸ್ಥಾನ ವಿರುದ್ಧ ಗೆದ್ದ ಕೋಲ್ಕತ್ತಾ

ಇಂಡಿಯನ್​ ಪ್ರಿಮೀಯರ್​ ಲೀಗ್​ನಲ್ಲಿ ರಾಜಸ್ಥಾನ ರಾಯಲ್ಸ್​ ವಿರುದ್ಧ 7 ವಿಕೆಟ್​ಗಳ ಜಯ ದಾಖಲು ಮಾಡಿರುವ ಕೋಲ್ಕತ್ತಾ ನೈಟ್​ ರೈಡರ್ಸ್​ ಕೊನೆಗೂ ಜಯದ ಲಯಕ್ಕೆ ಮರಳಿದೆ.

ಮುಂಬೈ: ವಾಂಖೆಡೆ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ನೀಡಿದ 153ರನ್​ಗಳ ಗುರಿ ಸುಲಭವಾಗಿ ಬೆನ್ನತ್ತಿದ ಕೋಲ್ಕತ್ತಾ ನೈಟ್​ ರೈಡರ್ಸ್​ ಇನ್ನೂ 5 ಎಸೆತಗಳು ಬಾಕಿ ಇರುವಂತೆ ಕೇವಲ 3 ವಿಕೆಟ್​ ಕಳೆದುಕೊಂಡು 158ರನ್​ಗಳಿಸಿ, ಗೆಲುವಿನ ಗುರಿ ಮುಟ್ಟಿತು. ಈ ಮೂಲಕ ಸತತ ಸೋಲಿನಿಂದ ಕಂಗೆಟ್ಟಿದ ಅಯ್ಯರ್​ ಪಡೆ ಕೊನೆಗೂ ಜಯದ ನಗೆ ಬೀರಿದೆ.

• Nitish Rana with a maximum to finish it off as @KKRiders win by 7 wickets and add two much needed points to their tally.
  
  Scorecard - https://t.co/fVVHGJTNYn #KKRvRR #TATAIPL pic.twitter.com/cEgI86p4Gn

  — IndianPremierLeague (@IPL) May 2, 2022 " class="align-text-top noRightClick twitterSection" data="

  Nitish Rana with a maximum to finish it off as @KKRiders win by 7 wickets and add two much needed points to their tally.
  
  Scorecard - https://t.co/fVVHGJTNYn #KKRvRR #TATAIPL pic.twitter.com/cEgI86p4Gn

  — IndianPremierLeague (@IPL) May 2, 2022

  ">

  Nitish Rana with a maximum to finish it off as @KKRiders win by 7 wickets and add two much needed points to their tally.
  
  Scorecard - https://t.co/fVVHGJTNYn #KKRvRR #TATAIPL pic.twitter.com/cEgI86p4Gn

  — IndianPremierLeague (@IPL) May 2, 2022

ವಾಂಖೆಡೆ ಸ್ಟೇಡಿಯಂನಲ್ಲಿ ಟಾಸ್​ ಸೋತು ಬ್ಯಾಟಿಂಗ್ ಇಳಿದ ರಾಯಲ್ಸ್ ಆರಂಭದಲ್ಲೇ ದೇವದತ್ ಪಡಿಕ್ಕಲ್(2) ವಿಕೆಟ್ ಕಳೆದುಕೊಂಡಿತು. ಟೂರ್ನಿಯಲ್ಲಿ ಅಮೋಘ ಫಾರ್ಮ್​ನಲ್ಲಿದ್ದ ಜಾಸ್ ಬಟ್ಲರ್ ಇಂದು ರನ್​ಗಳಿಸಲು ಪರದಾಡಿದರು. ಅವರು 25 ಎಸೆತಗಳಲ್ಲಿ ಕೇವಲ 22 ರನ್​ಗಳಿಸಿ ಸೌಥಿಗೆ ವಿಕೆಟ್ ಒಪ್ಪಿಸಿದರು. ನಾಯಕ ಸಂಜು ಸಾಮ್ಸನ್​ ಅರ್ಧಶತಕ ಸಿಡಿಸಿದರಾದರೂ ಅವರೂ ಕೂಡ 110 ಸ್ಟ್ರೈಕ್​ರೇಟ್​​ನಲ್ಲಿ ಬ್ಯಾಟ್​ ಬೀಸಿದ ಅವರು 49 ಎಸೆತಗಳಲ್ಲಿ 7 ಬೌಂಡರಿ ಮತ್ತು 1 ಸಿಕ್ಸರ್​ ಸಹಿತ 54 ರನ್​ಗಳಿಸಿ ಯುವ ವೇಗಿ ಶಿವಂ ಮಾವಿ ಬೌಲಿಂಗ್​ನಲ್ಲಿ ರಿಂಕು ಸಿಂಗ್​ಗೆ ಕ್ಯಾಚ್​ ನೀಡಿದರು.

ಕೊನೆಯಲ್ಲಿ ಅಬ್ಬರಿಸಿದ ಹೆಟ್ಮಾಯರ್ 13 ಎಸೆತಗಳಲ್ಲಿ 27 ರನ್ ಸಿಡಿಸಿ ತಂಡದ ಮೊತ್ತವನ್ನು 150ರ ಗಡಿ ದಾಟಿಸಿದರು. ರಿಯಾನ್ ಪರಾಗ್ 12 ಎಸೆತಗಳಲ್ಲಿ 19 ರನ್​ಗಳಿಸಿದರೆ, ಕರುಣ್ ನಾಯರ್ 13 ಎಸೆತಗಳಲ್ಲಿ 13, ಅಶ್ವಿನ್ 5 ಎಸೆತಗಳಲ್ಲಿ 6 ರನ್​ಗಳಿಸಿದರು. ಕೆಕೆಆರ್ ಪರ ಉಮೇಶ್ ಯಾದವ್​ 24ಕ್ಕೆ1 , ಅನುಕುಲ್ ರಾಯ್​​ 28ಕ್ಕೆ1, ಶಿವಂ ಮಾವಿ 33ಕ್ಕೆ1 ಮತ್ತು ಟಿಮ್ ಸೌತಿ 46ಕ್ಕೆ 2 ವಿಕೆಟ್ ಪಡೆದರು.

ಕೋಲ್ಕತ್ತಾ ಬ್ಯಾಟಿಂಗ್​: ನೀತಿಶ್​ ರಾಣಾ ಅಜೇಯ 48ರನ್​ ಹಾಗೂ ರಿಂಕು ಸಿಂಗ್​ ಅಜೇಯ 42ರನ್​ಗಳ ನೆರವು ಹಾಗೂ ಬೌಲರ್​ಗಳ ಕರಾರುವಾಕ್ ದಾಳಿಯಿಂದ ತಂಡ ಗೆಲುವಿನ ದಡ ಸೇರಿತು. ತಂಡದ ಪರ ವೆಂಕಟೇಶ್​ ಅಯ್ಯರ್​ ಬದಲಾಗಿ ಅವಕಾಶ ಪಡೆದುಕೊಂಡಿದ್ದ ಬಾಬಾ ಇಂದ್ರಜಿತ್​(15),ಫಿಂಚ್​(4)ನಿರಾಸೆ ಮೂಡಿಸಿದರು.ಆದರೆ, ಕ್ಯಾಪ್ಟನ್​ ಶ್ರೇಯಸ್​ 34ರನ್​ಗಳಿಕೆ ಮಾಡಿದರು. ಕೊನೆಯದಾಗಿ ರಿಂಕು-ರಾಣಾ ಮುರಿಯದ ಜೊತೆಯಾಟವಾಡಿ ತಂಡಕ್ಕೆ ಗೆಲುವು ತಂದಿಟ್ಟರು.

ಈ ಗೆಲುವಿನೊಂದಿಗೆ ಕೋಲ್ಕತ್ತಾ 8 ಪಾಯಿಂಟ್​ ಗಳಿಕೆ ಮಾಡಿರುವ ಕೋಲ್ಕತ್ತಾ 7ನೇ ಸ್ಥಾನದಲ್ಲಿದ್ದು, ಸೋಲಿನ ಹೊರತಾಗಿ ಕೂಡ 12 ಪಾಯಿಂಟ್​ ಹೊಂದಿರುವ ರಾಜಸ್ಥಾನ 3ನೇ ಸ್ಥಾನದಲ್ಲಿದೆ.

ಮುಖಾಮುಖಿ: ಎರಡೂ ತಂಡಗಳು 25 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ಕೆಕೆಆರ್ 13-12ರಲ್ಲಿ ಮುನ್ನಡೆ ಸಾಧಿಸಿದೆ.

ಕೋಲ್ಕತ್ತ ನೈಟ್ ರೈಡರ್ಸ್: ಆ್ಯರೋನ್ ಫಿಂಚ್,ಸುನಿಲ್ ನರೈನ್, ಶ್ರೇಯಸ್ ಅಯ್ಯರ್ (ನಾಯಕ), ನಿತೀಶ್ ರಾಣಾ, ಬಾಬಾ ಇಂದ್ರಜಿತ್ (ವಿಕೀ), ಅನುಕುಲ್ ರಾಯ್, ರಿಂಕು ಸಿಂಗ್, ಆಂಡ್ರೆ ರಸೆಲ್, , ಉಮೇಶ್ ಯಾದವ್, ಟಿಮ್ ಸೌಥಿ,ಶಿವಂ ಮಾವಿ

ರಾಜಸ್ಥಾನ್ ರಾಯಲ್ಸ್: ಜಾಸ್ ಬಟ್ಲರ್, ದೇವದತ್ ಪಡಿಕ್ಕಲ್, ಸಂಜು ಸ್ಯಾಮ್ಸನ್ (ನಾಯಕ/ವಿಕೀ), ಕರುಣ್ ನಾಯರ್, ಶಿಮ್ರಾನ್ ಹೆಟ್ಮೆಯರ್, ರಿಯಾನ್ ಪರಾಗ್, ರವಿಚಂದ್ರನ್ ಅಶ್ವಿನ್, ಟ್ರೆಂಟ್ ಬೌಲ್ಟ್, ಪ್ರಸಿದ್ಧ್ ಕೃಷ್ಣ, ಯುಜ್ವೇಂದ್ರ ಚಹಲ್, ಕುಲದೀಪ್ ಸೇನ್

ಇದನ್ನೂ ಓದಿ:ವಯಸ್ಸು 40 ದಾಟಿದ ನಂತರ ಟಿ20 ತಂಡ ಮುನ್ನಡೆಸಿದ 3ನೇ ಭಾರತೀಯ ಧೋನಿ.. ಈ ಕನ್ನಡಿಗರಿಬ್ಬರೂ ಹಿಂದೆ ಬಿದ್ದಿಲ್ಲ!