ನವದೆಹಲಿ: ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಮುಗಿಯುತ್ತಿದ್ದಂತೆ ಭಾರತೀಯ ಕ್ರಿಕೆಟಿಗರಿಗೆ 20 ದಿನಗಳ ಕಾಲ ಬಯೋಬಬಲ್ನಿಂದ ಮುಕ್ತರಾಗಲಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಗೆ ಮತ್ತೆ ಬಯೋಬಬಲ್ಗೆ ಒಳಗಾಗಲಿದ್ದಾರೆ ಎಂದು ತಿಳಿದು ಬಂದಿದೆ.
ಪ್ರಸ್ತುತ ಭಾರತ ತಂಡ ಇಂಗ್ಲೆಂಡ್ನ ಸೌತಾಂಪ್ಟನ್ನಲ್ಲಿ WTC ಫೈನಲ್ಗಾಗಿ ಬಯೋಬಬಲ್ ಸೇರಿದೆ. ಜೂನ್ 18ರಿಂದ 22 ರವರೆಗೆ ನ್ಯೂಜಿಲ್ಯಾಂಡ್ ವಿರುದ್ಧ ಫೈನಲ್ ಪಂದ್ಯ ನಡೆಯಲಿದೆ. ಈ ಪಂದ್ಯಕ್ಕೆ 23 ಮೀಸಲು ದಿನವಾಗಿದೆ. ಮಳೆ ಅಥವಾ ಇನ್ಯಾವುದೇ ಅಡಚಣೆಯಿಂದ ಫೈನಲ್ನಲ್ಲಿ ತೊಂದರೆಯಾದರೆ ಈ ದಿನ ಆಡಿಸಲಾಗುತ್ತದೆ. 24ರಿಂದ ಜುಲೈ 13 ರವರೆಗೆ ಭಾರತ ತಂಡಕ್ಕೆ ಬಬಲ್ ಬಿಡುವು ನೀಡಲಾಗಿದೆ. ಮತ್ತೆ ಜುಲೈ 14ರಿಂದ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಗಾಗಿ ಬಯೋಬಬಲ್ ಸೇರಲಿದೆ.
ಆಗಸ್ಟ್ 4ರಿಂದ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿ ಆರಂಭವಾಗಲಿದೆ. ಸೆಪ್ಟೆಂಬರ್ 14ರಂದು ಮುಗಿಯಲಿದ್ದು, ಬಳಿಕ ಐಪಿಎಲ್ ಪುನಾರಂಭಕ್ಕಾಗಿ ಟೀಮ್ ಇಂಡಿಯಾ ನೇರವಾಗಿ ಯುಎಇಯ ಬಯೋಬಬಲ್ಗೆ ಪ್ರವೇಶಿಸಲಿದೆ ಎಂದು ಬಿಸಿಸಿಐ ಮೂಲ ತಿಳಿಸಿದೆ.
ಭಾರತ ತಂಡದ ನಾಯಕ ಕೊಹ್ಲಿ ಕೂಡ WTC ಫೈನಲ್ ಮುಗಿಯುತ್ತಿದ್ದಂತೆ ತಂಡಕ್ಕೆ ಫ್ರೆಶ್ ಆಗಲು ಮತ್ತು ಮುಂದಿನ ಟೆಸ್ಟ್ ಸರಣಿಗೆ ತಂಡವನ್ನು ಪುನರ್ರಚಿಸಲು ಇದು ಈ ಬಿಡುವು ಉತ್ತಮ ಅವಕಾಶ ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.
ಇದನ್ನು ಓದಿ:ಮಗಳ ಹುಟ್ಟುಹಬ್ಬದ ದಿನ ಬಡ ಹೆಣ್ಣುಮಕ್ಕಳಿಗೆ ಸ್ಪೆಷಲ್‌ ಗಿಫ್ಟ್‌ ಕೊಟ್ಟ ಜಡೇಜಾ
