ಬೆಂಗಳೂರು : ಕನ್ನಡಿಗ ಕೆಎಲ್ ರಾಹುಲ್ ನಾಯಕತ್ವ ವಹಿಸಿಕೊಂಡಿರುವ ಲಖನೌ ಸೂಪರ್ ಜೈಂಟ್ಸ್ ತಂಡಕ್ಕೆ ಕರ್ನಾಟಕದ ಮನೀಶ್ ಪಾಂಡೆ ಮತ್ತು ಕೃಷ್ಣಪ್ಪ ಗೌತಮ್ ಕೂಡ ಸೇರಿದ್ದಾರೆ. ಶನಿವಾರ ನಡೆದ ಮೊದಲ ದಿನದ ಹರಾಜಿನಲ್ಲಿ ಮನೀಶ್ ಪಾಂಡೆಯನ್ನು ಲಖನೌ ಸೂಪರ್ ಜೈಂಟ್ಸ್ 4.6 ಕೋಟಿ ರೂ. ನೀಡಿ ಖರೀದಿಸಿತು.
ಭಾನುವಾರ ಆಲ್ರೌಂಡರ್ ಕೃಷ್ಣಪ್ಪ ಗೌತಮ್ ಅವರನ್ನು 90 ಲಕ್ಷಕ್ಕೆ ಖರೀದಿಸುವ ಮೂಲಕ ನಾಯಕನ ಜೊತೆಗೆ ಮತ್ತಿಬ್ಬರು ಕನ್ನಡಿಗರು ಆಡುವ ಅವಕಾಶ ಮಾಡಿಕೊಟ್ಟಿದೆ.
ಮನೀಶ್ ಪಾಂಡೆ 2018ರಿಂದ 2021ರವರೆಗೆ 11 ಕೋಟಿ ರೂಪಾಯಿ ಪಡೆದು 4 ವರ್ಷ ಆಡಿದ್ದರು. ಕಳೆದ ಆವೃತ್ತಿಯಲ್ಲಿ ನಿಧಾನಗತಿಯ ಬ್ಯಾಟಿಂಗ್ನಿಂದ ಟೀಕೆಗೆ ಗುರಿಯಾಗಿದ್ದ ಅವರನ್ನು ಹೈದರಾಬಾದ್ ರಿಟೈನ್ ಮಾಡಿಕೊಂಡಿರಲಿಲ್ಲ. ಮೆಗಾ ಹರಾಜಿನಲ್ಲಿ 1 ಕೋಟಿ ಮೂಲ ಬೆಲೆಯಿದ್ದ ಅವರನ್ನು ಲಖನೌ ಸೂಪರ್ ಜೈಂಟ್ಸ್, ಡೆಲ್ಲಿ ಮತ್ತು ಹೈದರಾಬಾದ್ ತಂಡಗಳ ಜೊತೆಗೆ ಪೈಪೋಟಿ ನಡೆಸಿ ಖರೀದಿಸಿತು.
ಇನ್ನು ಆಲ್ರೌಂಡರ್ ಕೆ.ಗೌತಮ್ ಹಿಂದಿನ 2018ರಿಂದ 2020ರವರೆಗೆ 6.2 ಕೋಟಿ ಮತ್ತು 2021ರ ಹರಾಜಿನಲ್ಲಿ 9.25 ಕೋಟಿ ರೂ. ಪಡೆದಿದ್ದರು. ಆದರೆ, ಈ ಬಾರಿ ಕೇವಲ 90 ಲಕ್ಷ ರೂ.ಗಳಿಗೆ ಲಖನೌ ಫ್ರಾಂಚೈಸಿ ಪಾಲಾದರು.
ಗೌತಮ್ ಈ ಹಿಂದೆ 2020ರಲ್ಲಿ ಪಂಜಾಬ್ ಕಿಂಗ್ಸ್ನಲ್ಲಿ ರಾಹುಲ್ ಜೊತೆಯಾಗಿ ಆಡಿದ್ದರು. ಇದೀಗ ಮತ್ತೆ ರಾಹುಲ್ ಜೊತೆಗೆ ಸೇರಿಕೊಂಡಿದ್ದಾರೆ. ಲಖನೌ ಫ್ರಾಂಚೈಸಿ ಕೆಎಲ್ ರಾಹುಲ್ರನ್ನು 17 ಕೋಟಿ ರೂ., ಮಾರ್ಕಸ್ ಸ್ಟೋಯ್ನಿಸ್ರನ್ನು 9.2 ಕೋಟಿ ರೂ. ಮತ್ತು ಯುವ ಸ್ಪಿನ್ನರ್ ರವಿ ಬಿಷ್ಣೋಯ್ ಅವರನ್ನು 4 ಕೋಟಿ ರೂ.ಗಳಿಗೆ ರಿಟೈನ್ ಮಾಡಿಕೊಂಡಿದೆ.
ಲಖನೌ ಸೂಪರ್ ಜೈಂಟ್ಸ್ ಖರೀದಿಸಿರುವ ಆಟಗಾರರ ಪಟ್ಟಿ ಮತ್ತು ಹಣ
- ಕ್ವಿಂಟನ್ ಡಿ ಕಾಕ್ - ವಿದೇಶಿ ವಿಕೆಟ್ ಕೀಪರ್ ₹6,75,00,000
- ಮನೀಶ್ ಪಾಂಡೆ- ಭಾರತೀಯ ಬ್ಯಾಟ್ಸ್‌ಮನ್ ₹4,60,00,000
- ಜೇಸನ್ ಹೋಲ್ಡರ್- ವಿದೇಶಿ ಆಲ್ ರೌಂಡರ್ ₹8,75,00,000
- ದೀಪಕ್ ಹೂಡಾ- ಭಾರತೀಯ ಆಲ್ ರೌಂಡರ್ ₹5,75,00,000
- ಕೃನಾಲ್ ಪಾಂಡ್ಯ -ಭಾರತೀಯ ಆಲ್ ರೌಂಡರ್ ₹8,25,00,000
- ಮಾರ್ಕ್ ವುಡ್- ವಿದೇಶಿ ಬೌಲರ್ ₹7,50,00,000
- ಅವೇಶ್ ಖಾನ್- ಭಾರತೀಯ ಬೌಲರ್ ₹10,00,00,000
- ಅಂಕಿತ್ ಸಿಂಗ್ ರಜ್‌ಪೂತ್- ಭಾರತೀಯ ಬೌಲರ್ ₹50,00,000
- ಕೆ.ಗೌತಮ್- ಭಾರತೀಯ ಆಲ್ ರೌಂಡರ್ ₹90,00,000
- ದುಷ್ಮಂತ ಚಮೀರ- ವಿದೇಶಿ ಬೌಲರ್ ₹2,00,00,000
- ಶಹಬಾಜ್ ನದೀಮ್ -ಭಾರತೀಯ ಬೌಲರ್ ₹50,00,000
- ಮನನ್ ವೋಹ್ರಾ- ಭಾರತೀಯ ಬ್ಯಾಟ್ಸ್‌ಮನ್ ₹20,00,000
- ಮೊಹ್ಸಿನ್ ಖಾನ್ -ಭಾರತೀಯ ಬೌಲರ್ ₹20,00,000
- ಆಯುಷ್ ಬದೋನಿ- ಭಾರತೀಯ ಆಲ್ ರೌಂಡರ್ ₹20,00,000
- ಕೈಲ್ ಮೇಯರ್ಸ್- ವಿದೇಶಿ ಆಲ್ ರೌಂಡರ್ ₹50,00,000
- ಕರಣ್ ಶರ್ಮಾ- ಭಾರತೀಯ ಆಲ್ ರೌಂಡರ್ ₹20,00,000
ಇದನ್ನೂ ಓದಿ:2018ರಲ್ಲಿ 6.2 ಕೋಟಿ, 2021ರಲ್ಲಿ 9.27ಕೋಟಿ: ಈ ಬಾರಿ 90 ಲಕ್ಷಕ್ಕೆ ಮಾರಾಟವಾದ ಕನ್ನಡಿಗ!
