ಇಂಗ್ಲೆಂಡ್ ತಂಡದ ವೇಗದ ಬೌಲರ್ ಜೇಮ್ಸ್ ಆ್ಯಂಡರ್ಸನ್ 650 ವಿಕೆಟ್ ಪಡೆಯುವ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ಮತ್ತೊಂದು ಮೈಲುಗಲ್ಲು ನೆಟ್ಟಿದ್ದಾರೆ. ನ್ಯೂಜಿಲ್ಯಾಂಡ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ ಆ್ಯಂಡರ್ಸನ್ 4 ವಿಕೆಟ್ ಗಳಿಸುವ ಮೂಲಕ ಮೇರು ಸಾಧನೆ ಮಾಡಿದ ವಿಶ್ವದ, ಇಂಗ್ಲೆಂಡ್ನ ಮೊದಲ ವೇಗಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ನಾಟಿಂಗ್ಹ್ಯಾಮ್ನ ಟ್ರೆಂಟ್ಬ್ರಿಡ್ಜ್ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ನ ಟಾಮ್ ಲಾಥಮ್ ಅವರ ವಿಕೆಟ್ ಪಡೆಯುವ ಮೂಲಕ ಆ್ಯಂಡರ್ಸನ್ 650ನೇ ವಿಕೆಟ್ ಸಾಧನೆ ಮಾಡಿದರು. ಟೆಸ್ಟ್ ಕ್ರಿಕೆಟ್ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ಗಳಲ್ಲಿ ಇವರು 3ನೇ ಸ್ಥಾನದಲ್ಲಿದ್ದು, ಇದಕ್ಕೂ ಮೊದಲು ಶ್ರೀಲಂಕಾದ ಸ್ಪಿನ್ ದಂತಕಥೆ ಮುತ್ತಯ್ಯ ಮುರಳೀಧರನ್ (800) ಮತ್ತು ಈಚೆಗಷ್ಟೇ ವಿಧಿವಶರಾದ ಆಸ್ಟ್ರೇಲಿಯಾದ ಲೆಗ್ ಸ್ಪಿನ್ ಶ್ರೇಷ್ಠರಾದ ಶೇನ್ ವಾರ್ನ್ (708) ಅತಿ ಹೆಚ್ಚು ವಿಕೆಟ್ ಗಳಿಸಿದವರಾಗಿದ್ದಾರೆ. ಜೇಮ್ಸ್ ಆ್ಯಂಡರ್ಸನ್ ಶೇನ್ ವಾರ್ನ್ ದಾಖಲೆ ಅಳಿಸಲು 58, ಮುತ್ತಯ್ಯ ಮುರಳೀಧರನ್ಗಿಂತ 158 ವಿಕೆಟ್ ಹಿಂದಿದ್ದಾರೆ.
ಇದನ್ನೂ ಓದಿ: 'ವಿಕೆಟ್ ಪಡೆಯುವ ಒಬ್ಬ ಬೌಲರ್ ಇಲ್ಲ': ಭಾರತದ ಕಳಪೆ ಆಟಕ್ಕೆ ಗವಾಸ್ಕರ್ ಕಿಡಿ
