ವಿರಾಟ್​ ಪ್ಲೇಸ್​​ನಲ್ಲಿ ಆಡಿ ಟೆಸ್ಟ್​ನಲ್ಲಿ ವೇಗದ ಫಿಫ್ಟಿ ಬಾರಿಸಿದ ಇಶಾನ್​ ಕಿಶನ್​, 4ನೇ ಕ್ರಮಾಂಕಕ್ಕೆ ಸೂಚಿಸಿದ್ದು ಯಾರು ಗೊತ್ತಾ?

ವಿಂಡೀಸ್​ ವಿರುದ್ಧದ 2ನೇ ಟೆಸ್ಟ್​ನಲ್ಲಿ ಇಶಾನ್​ ಕಿಶನ್​ 4 ನೇ ಕ್ರಮಾಂಕದಲ್ಲಿ ಮೈದಾನಕ್ಕಿಳಿದು ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶಿಸಿದರು. ವಿರಾಟ್​ ಕೊಹ್ಲಿ ಆಡಬೇಕಿದ್ದ ಸ್ಥಾನಕ್ಕೆ ಕಿಶನ್​ ಇಳಿಸಿದ್ದು ತಂಡದ ತಂತ್ರವಾಗಿತ್ತು. ಮೇಲಾಗಿ ಎಡಗೈ ದಾಂಡಿಗನನ್ನು ಸೂಚಿಸಿದ್ದೇ ವಿರಾಟ್​ ಎಂಬುದು ವಿಶೇಷ.

ಪೋರ್ಟ್ ಆಫ್ ಸ್ಪೇನ್: ವೆಸ್ಟ್​ ಇಂಡೀಸ್​ ವಿರುದ್ಧದ 2ನೇ ಟೆಸ್ಟ್​ ಪಂದ್ಯದಲ್ಲಿ ಭಾರತ ತಂಡ ಬಿಗಿ ಹಿಡಿತ ಸಾಧಿಸಿದೆ. ಸೋಮವಾರ ಕೊನೆಯ ದಿನವಾಗಿದ್ದು, ವಿಂಡೀಸ್​ಗೆ ಗೆಲ್ಲಲು 289 ರನ್​ ಬೇಕಿವೆ. ಕೈಯಲ್ಲಿ 8 ವಿಕೆಟ್​ಗಳಿವೆ. 4 ನೇ ದಿನದಾಟದಲ್ಲಿ ಭರ್ಜರಿ ಬ್ಯಾಟ್​ ಮಾಡಿದ ರೋಹಿತ್​ ಪಡೆ ಕೆರೆಬಿಯನ್ನರಿಗೆ 365 ರನ್​ಗಳ ಬೃಹತ್​ ಗುರಿ ನೀಡಿದೆ.

• Ishan Kishan said "Virat bhaiya backed me & told me to go & play at 4 - he took the initiative". pic.twitter.com/C839Au1wau

  — Johns. (@CricCrazyJohns) July 24, 2023 " class="align-text-top noRightClick twitterSection" data="

  Ishan Kishan said "Virat bhaiya backed me & told me to go & play at 4 - he took the initiative". pic.twitter.com/C839Au1wau

  — Johns. (@CricCrazyJohns) July 24, 2023

  ">

  Ishan Kishan said "Virat bhaiya backed me & told me to go & play at 4 - he took the initiative". pic.twitter.com/C839Au1wau

  — Johns. (@CricCrazyJohns) July 24, 2023

4 ನೇ ದಿನದಾಟದಲ್ಲಿ ಹೊಡಿಬಡಿ ಆಟಕ್ಕಿಳಿದ ಭಾರತ 2 ವಿಕೆಟ್​ಗೆ 181 ರನ್​ ಗಳಿಸಿತು. ರೋಹಿತ್​ ಕೇವಲ 44 ಎಸೆತಗಳಲ್ಲಿ 57 ರನ್​ ಬಾರಿಸಿದರೆ, ಜೈಸ್ವಾಲ್​ 38, ಶುಭ್​ಮನ್​ ಗಿಲ್​ 29, ಇಶಾನ್​ ಕಿಶನ್​ ಸ್ಫೋಟಕ 52 ರನ್​ ಮಾಡಿದರು. ನಾಲ್ಕನೇ ಕ್ರಮಾಂಕದಲ್ಲಿ ಸಹಜವಾಗಿ ವಿರಾಟ್ ಕೊಹ್ಲಿ ಬ್ಯಾಟಿಂಗ್​ಗೆ ಇಳಿಯುತ್ತಾರೆ. ಆದರೆ, ಇಶಾನ್​ ಕಿಶನ್​ ಮೈದಾನಕ್ಕಿಳಿದು ಭರ್ಜರಿ ಬ್ಯಾಟ್​ ಬೀಸಿದರು.

ಭಾರತದ ಪ್ಲಾನ್​ ಸಕ್ಸಸ್​: ಕಡಿಮೆ ಅವಧಿಯಲ್ಲಿ ಹೆಚ್ಚು ರನ್​ ಮಾಡುವ ಯೋಜನೆಯೊಂದಿಗೆ 2 ನೇ ಇನಿಂಗ್ಸ್​ ಆರಂಭಿಸಿದ ಭಾರತ ತಂಡ ಅಂದುಕೊಂಡಂತೆ ಮಾಡಿತು. ಆರಂಭಿಕ ಜೋಡಿ ರೋಹಿತ್​- ಜೈಸ್ವಾಲ್​ 12 ಓವರ್​ಗಳಲ್ಲಿ 98 ರನ್​ ಅಬ್ಬರದ ಜೊತೆಯಾಟ ನೀಡಿದರು. ಇಬ್ಬರೂ ಔಟಾದ ಬಳಿಕ ಶುಭ್​ಮನ್​ ಗಿಲ್​ ಜೊತೆ ನಾಲ್ಕನೇ ಕ್ರಮಾಂಕಕ್ಕೆ ಕಿಶನ್​ ಮೈದಾನಕ್ಕಿಳಿದರು. ಇದು ಅಚ್ಚರಿಗೆ ಕಾರಣವಾಗಿತ್ತು.

ಕಿಶನ್​ ಸೂಚಿಸಿದ ವಿರಾಟ್​: ನಾಲ್ಕನೇ ಕ್ರಮಾಂಕಕ್ಕೆ ವಿರಾಟ್ ಬದಲಾಗಿ ಇಶಾನ್​ ಕಿಶನ್​ ಅವರನ್ನು ಆಡಲು ತಂಡ ನಿರ್ಧರಿಸಿತು. ಇದರ ಪ್ರಸ್ತಾಪ ಮಾಡಿದ್ದೇ ವಿರಾಟ್ ಕೊಹ್ಲಿ ಎಂಬುದು ವಿಶೇಷ. ಡ್ರೆಸ್ಸಿಂಗ್ ರೂಮ್​ನಲ್ಲಿ ಈ ಬಗ್ಗೆ ಚರ್ಚೆ ನಡೆಯುತ್ತಿದ್ದಾಗ ಇಶಾನ್ ಕಿಶನ್​ರನ್ನು ಕಳುಹಿಸಲು ಸಲಹೆ ಬಂದಿತು. ಇದಕ್ಕೆ ತಂಡ ಒಪ್ಪಿತು.

ವಿರಾಟ್​ ಸಲಹೆ, ಮ್ಯಾನೇಜ್​ಮೆಂಟ್​ ನಿರ್ಧಾರವನ್ನು ಸಮರ್ಥಿಸಿಕೊಂಡ ಯುವ ಆಟಗಾರ 4 ನೇ ಕ್ರಮಾಂಕದಲ್ಲಿ ಧೂಳೆಬ್ಬಿಸಿದರು. ಅತಿ ಕಡಿಮೆ ಸಮಯದಲ್ಲಿ 34 ಎಸೆತಗಳಲ್ಲಿ 4 ಬೌಂಡರಿ ಮತ್ತು 2 ಸಿಕ್ಸರ್‌ಗಳನ್ನು ಚಚ್ಚಿ ಅಜೇಯ 52 ರನ್ ಗಳಿಸಿದರು. ಇದಾದ ಬಳಿಕ ನಾಯಕ ರೋಹಿತ್ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡು ಆತಿಥೇಯರಿಗೆ 365 ರನ್​ಗಳ ಟಾರ್ಗೆಟ್ ನೀಡಿದರು.

ಪಂದ್ಯ ಮುಗಿದ ಬಳಿಕ ಈ ಬಗ್ಗೆ ಮಾಹಿತಿ ನೀಡಿದ ಇಶಾನ್ ಕಿಶನ್, ಮಳೆ ವಿರಾಮದ ನಂತರ 10 ರಿಂದ 12 ಓವರ್​ಗಳಲ್ಲಿ ವೇಗವಾಗಿ ಆಡಿ 70ರಿಂದ 80 ರನ್ ಗಳಿಸಿ, ಎದುರಾಳಿಗೆ 370ರಿಂದ 380 ಟಾರ್ಗೆಟ್ ನೀಡುವುದು ಯೋಜನೆಯಾಗಿತ್ತು. ವಿಂಡೀಸ್​ ನಾಯಕ ಎಡಗೈ ಮತ್ತು ಬಲಗೈ ಬೌಲರ್​ಗಳನ್ನು ಬಳಸುತ್ತಿದ್ದರು. ಹೀಗಾಗಿ ವಿರಾಟ್​ ಕೊಹ್ಲಿ ತನ್ನನ್ನು ಆಡಲು ಕಳುಹಿಸಿದರು ಎಂದು ಹೇಳಿದರು.

ಮೊದಲ ಇನಿಂಗ್ಸ್​ನಲ್ಲಿ 7 ನೇ ಕ್ರಮಾಂಕದಲ್ಲಿ ಆಡಿದ್ದ ಕಿಶನ್​ 25 ರನ್​ ಮಾಡಿದ್ದರು. ಮೊದಲ ಟೆಸ್ಟ್​ನಲ್ಲಿ ಪದಾರ್ಪಣೆ ಮಾಡಿದ್ದ ವಿಕೆಟ್​ ಕೀಪರ್ ಮೊದಲ ಇನಿಂಗ್ಸ್​ನಲ್ಲಿ ಅಜೇಯ 1 ರನ್​ ಗಳಿಸಿದ್ದರು. ಎರಡನೇ ಇನಿಂಗ್ಸ್​ ಆಡಲು ಅವಕಾಶ ಸಿಕ್ಕಿರಲಿಲ್ಲ.

ಇದನ್ನೂ ಓದಿ: ಭಾರತ vs ವೆಸ್ಟ್​​ ಇಂಡೀಸ್ ಅಂತಿಮ ಟೆಸ್ಟ್‌: ವಿಂಡೀಸ್‌ ಗೆಲುವಿಗೆ ಬೇಕು 289 ರನ್