ಡೇವಿಡ್​ ವಿಲ್ಲಿ ಸ್ಥಾನಕ್ಕೆ ಕೇದಾರ್​ ಜಾಧವ್​ ಎಂಟ್ರಿ: ಅನುಭವಿಗೆ ಮಣೆ ಹಾಕಿದ ಆರ್​ಸಿಬಿ

ಇಂಗ್ಲೆಂಡ್ ತಂಡದ​ ಆಲ್​ರೌಂಡರ್​​ ಡೇವಿಡ್​ ವಿಲ್ಲಿ ಬದಲಿಗೆ ಆಲ್​ರೌಂಡರ್​ ಕೇದಾರ್​ ಜಾಧವ್​ರನ್ನು ಆಡಿಸಲು ಆರ್​ಸಿಬಿ ಸಜ್ಜಾಗಿದೆ.

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್‌ನ 16ನೇ ಆವೃತ್ತಿಯ ಅರ್ಧದಷ್ಟು ಪಂದ್ಯಗಳು ಈಗಾಗಲೇ ಮುಕ್ತಾಯಗೊಂಡಿವೆ. ಇನ್ನು ಕೆಲವು ಪಂದ್ಯಗಳು ಮಾತ್ರ ಬಾಕಿ ಉಳಿದಿವೆ. ಇದರ ನಡುವೆ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡ ತನ್ನ ಉಳಿದಿರುವ ಪಂದ್ಯಗಳಿಗೆ ಡೇವಿಡ್ ವಿಲ್ಲಿ ಬದಲಿಗೆ ಕೇದಾರ್ ಜಾಧವ್ ಅವರನ್ನು ಕಣಕ್ಕಿಳಿಸಲು ನಿರ್ಧರಿಸಿದೆ. ಕೇದಾರ್​ ತಂಡ ಸೇರ್ಪಡೆ ಬಗ್ಗೆ ಆರ್‌ಸಿಬಿ ತನ್ನ ಟ್ವಿಟರ್​ ಖಾತೆಯಲ್ಲಿ ಸೋಮವಾರ ಮಾಹಿತಿ ಹಂಚಿಕೊಂಡಿದೆ.

• 🔊 ANNOUNCEMENT 🔊
  
  Indian all-rounder Kedar Jadhav replaces injured David Willey for the remainder of #IPL2023.
  
  Welcome back to #ನಮ್ಮRCB, Kedar Jadhav! 🙌#PlayBold @JadhavKedar pic.twitter.com/RkhI9Tvpi1

  — Royal Challengers Bangalore (@RCBTweets) May 1, 2023 " class="align-text-top noRightClick twitterSection" data="

  🔊 ANNOUNCEMENT 🔊
  
  Indian all-rounder Kedar Jadhav replaces injured David Willey for the remainder of #IPL2023.
  
  Welcome back to #ನಮ್ಮRCB, Kedar Jadhav! 🙌#PlayBold @JadhavKedar pic.twitter.com/RkhI9Tvpi1

  — Royal Challengers Bangalore (@RCBTweets) May 1, 2023

  ">

  🔊 ANNOUNCEMENT 🔊
  
  Indian all-rounder Kedar Jadhav replaces injured David Willey for the remainder of #IPL2023.
  
  Welcome back to #ನಮ್ಮRCB, Kedar Jadhav! 🙌#PlayBold @JadhavKedar pic.twitter.com/RkhI9Tvpi1

  — Royal Challengers Bangalore (@RCBTweets) May 1, 2023

ಇಂಗ್ಲೆಂಡ್‌ನ ಆಲ್‌ರೌಂಡರ್ ವಿಲ್ಲಿ ಈ ಋತುವಿನಲ್ಲಿ ಆರ್​ಸಿಬಿ ಪರ ನಾಲ್ಕು ಪಂದ್ಯಗಳನ್ನಾಡಿ ಮೂರು ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. 2010 ರಲ್ಲಿ ಐಪಿಎಲ್‌ಗೆ ಪಾದಾರ್ಪಣೆ ಮಾಡಿದ್ದ ಜಾಧವ್ ಇದುವರೆಗೆ ಆಡಿರುವ ಐಪಿಎಲ್​ನ 93 ಪಂದ್ಯಗಳಲ್ಲಿ ಒಟ್ಟು 1,196 ರನ್​ಗಳನ್ನು ಗಳಿಸಿದ್ದಾರೆ. ಈ ಹಿಂದೆ 17 ಪಂದ್ಯಗಳಲ್ಲಿ ಆರ್‌ಸಿಬಿ ಪ್ರತಿನಿಧಿಸಿರುವ ಬಲಗೈ ಬ್ಯಾಟರ್ ಅವರನ್ನು ಆರ್‌ಸಿಬಿ 1 ಕೋಟಿ ರೂ. ಕೊಟ್ಟು ಖರೀದಿಸಿದೆ. 38ರ ಹರೆಯದ ಮಹಾರಾಷ್ಟ್ರದ ಕ್ರಿಕೆಟರ್ ಭಾರತ ಪರ ಒಟ್ಟು 73 ಏಕದಿನ ಪಂದ್ಯಗಳನ್ನು ಆಡಿದ್ದು, 1,389 ರನ್ ಗಳಿಸಿದ್ದಾರೆ. 27 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಇನ್ನು ಅವರು ಆಡಿರುವ 9 ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳಲ್ಲಿ 58 ರನ್ ಗಳಿಸಿದ್ದಾರೆ. ಐಪಿಎಲ್​ನಲ್ಲಿ ಯಾವ ತಂಡಕ್ಕೂ ಹರಾಜಾಗದ ಕಾರಣ ಮರಾಠಿ ಭಾಷೆಯಲ್ಲಿ ಕಾಮೆಂಟರಿ ಮಾಡುತ್ತಿದ್ದ ಜಾಧವ್​ ಇದೀಗ ಆರ್​ಸಿಬಿ ತಂಡಕ್ಕೆ ಮರಳಿದ್ದು, ಅನುಭವಿ ಬಲಗೈ ಬ್ಯಾಟರ್​ನ ಲಾಭ ಪಡೆಯಲು ತಂಡ ಸಿದ್ದವಾಗಿದೆ. ​

ಸೋಮವಾರ ನಡೆದ ಲಕ್ನೌ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿ 18 ರನ್​ಗಳ ಗೆಲುವು ಸಾಧಿಸಿ ಅಂಕ ಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ. 127 ರನ್​ಗಳ ಸಾಧಾರಣ ಗುರಿ ನೀಡಿದ್ದ ಆರ್​ಸಿಬಿಯ ಬಿಗಿ ಬೌಲಿಂಗ್​ ದಾಳಿಗೆ ಸಿಲುಕಿದ ಲಕ್ನೌ 108 ರನ್​ಗಳಿಗೆ ಸರ್ವಪತನ ಕಂಡಿತು. ತವರಿನಲ್ಲಿ ಲಕ್ನೌ ವಿರುದ್ಧ ಸೋಲು ಕಂಡಿದ್ದ ಬೆಂಗಳೂರು ಸೇಡು ತೀರಿಸಿಕೊಂಡಿತು.

ಪ್ರಸಕ್ತ ಋತುವಿನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿರುವ ಆರ್​​ಸಿಬಿ ಈವರೆಗೆ ಒಟ್ಟು 9 ಪಂದ್ಯಗಳನ್ನು ಆಡಿದ್ದು 5ರಲ್ಲಿ ಗೆದ್ದು ನಾಲ್ಕರಲ್ಲಿ ಸೋಲು ಕಂಡಿದೆ. -0.030 ನೆಟ್​ ರನ್‌ರೇಟ್​ನೊಂದಿಗೆ ಅಂಕ ಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿದೆ.

ಇದನ್ನೂ ಓದಿ: IPL 2023 : 108 ರನ್​ಗೆ ಲಖನೌ ಆಲೌಟ್​... ಆರ್​ಸಿಬಿಗೆ ಶರಣಾದ ರಾಹುಲ್​ ಪಡೆ