ಅರ್ಷದೀಪ್​ ಸಿಂಗ್​ ಮೇಲೆ ಪೊಲೀಸರಿಗೆ ದೂರು ನೀಡಿದ ಪಂಜಾಬ್​​ ಕಿಂಗ್ಸ್​.. ಈ ಅಪರಾಧವಾದರೂ ಏನು?

ಮುಂಬೈ ವಿರುದ್ಧದ ಪಂದ್ಯದಲ್ಲಿ ಅರ್ಷದೀಪ್​ ಸಿಂಗ್​ ಕೊನೆಯ ಓವರ್​ನಲ್ಲಿ ಎರಡು ವಿಕೆಟ್​ನ್ನು ಕ್ಲೀನ್​ ಬೌಲ್ಡ್​ ಮಾಡಿದರು. ಈ ಮೂಲಕ ಪಂದ್ಯದ ಗತಿಯನ್ನೇ ಬದಲಾಯಿಸಿದರು.

ಮುಂಬೈ: ನಿನ್ನೆ ನಡೆದ ಐಪಿಎಲ್​ನ ಎರಡು ಪಂದ್ಯಗಳಲ್ಲಿ 20ನೇ ಓವರ್​ ಮ್ಯಾಚ್​ ಡಿಸೈಡರ್​ ಆಯಿತು. ಅತ್ತ ಗುಜರಾತ್​ ಮತ್ತ ಲಕ್ನೋ ಪಂದ್ಯದಲ್ಲಿ ಮೋಹಿತ್​ ಶರ್ಮಾ ಅವರ ಓವರ್​ನಲ್ಲಿ 4 ವಿಕೆಟ್​ ಬಿದ್ದು ಪಂದ್ಯ ಸಂಪೂರ್ಣ ಗುಜರಾತ್​ ಟೈಟಾನ್ಸ್​ (ಜಿಟಿ) ಪರ ಆಯಿತು. ರಾತ್ರಿ ನಡೆದ ಮುಂಬೈ ಮತ್ತು ಪಂಜಾಬ್​ ಪಂದ್ಯದಲ್ಲೂ ಅರ್ಷದೀಪ್​ ಸಿಂಗ್​ ಅವರ ಕೊನೆಯ ಓವರ್​ನಲ್ಲಿ ಎರಡು ವಿಕೆಟ್​ ಬಿದ್ದು, ಪಂಜಾಬ್​ ಕಿಂಗ್ಸ್​ಗೆ 13 ರನ್​ ಗೆಲುವು ದೊರಕಿತು.

ಪಂದ್ಯದ ನಂತರ ಪಂಜಾಬ್​ ಕಿಂಗ್ಸ್ ಟ್ವಿಟರ್​ನಲ್ಲಿ ಹಾಕಿದ ಪೋಸ್ಟ್​ವೊಂದಕ್ಕೆ ಮುಂಬೈ ಪೊಲೀಸರು ಪ್ರತಿಕ್ರಿಯೆ ನೀಡಿದ್ದಾರೆ. ಪಂಜಾಬ್​ ಪಾಳಯ ಗೆಲುವಿನಲ್ಲಿ ಮುಂಬೈ ಇಂಡಿಯನ್ಸ್​ನ ಕಾಲೆಳೆದಿದೆ. ಅಲ್ಲದೇ ಪೊಲೀಸರಿಗೆ ಅರ್ಷದೀಪ್​ ವಿರುದ್ಧವೇ ದೂರು ನೀಡಿದೆ. ಆದರೆ ಪೊಲೀಸರು ಈ ದೂರನ್ನು ನಿರಾಕರಿಸಿದ್ದಾರೆ.

ಮುಂಬೈ ಇಂಡಿಯನ್ಸ್​ಗೆ ನಿನ್ನೆ ಕೊನೆಯ ಓವರ್​ನಲ್ಲಿ 16 ರನ್​ ಅವಶ್ಯಕತೆ ಇತ್ತು ಬೌಲಿಂಗ್​ಗೆ ಅರ್ಷದೀಪ್​ ಸಿಂಗ್​ ಅವರನ್ನು ಸ್ಯಾಮ್​ ಕರನ್​ ಕಳಿಸುತ್ತಾರೆ. ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಡೆತ್​ ಓವರ್​ ಮಾಡಿದ ಅನುಭವ ಇರುವ ಅರ್ಷದೀಪ್ ಕೊನೆಯ ಓವರ್​ನ್ನು ಚಾಕಚಕ್ಯತೆಯಿಂದ ನಿರ್ವಹಿಸಿದರು.

• Action is most likely to be taken on breaking the law, not stumps! https://t.co/bo8jgafACm

  — मुंबई पोलीस - Mumbai Police (@MumbaiPolice) April 22, 2023 " class="align-text-top noRightClick twitterSection" data="

  Action is most likely to be taken on breaking the law, not stumps! https://t.co/bo8jgafACm

  — मुंबई पोलीस - Mumbai Police (@MumbaiPolice) April 22, 2023

  ">

  Action is most likely to be taken on breaking the law, not stumps! https://t.co/bo8jgafACm

  — मुंबई पोलीस - Mumbai Police (@MumbaiPolice) April 22, 2023

20ನೇ ಓವರ್​ನ ಒಂದನೇ ಬಾಲ್​ನ್ನು ಟಿಮ್​ ಡೇವಿಡ್​ ಎದುರಿಸಿ ಒಂದು ರನ್​ ಪಡೆದುಕೊಂಡರು. ಕ್ರೀಸ್​ಗೆ ಬಂದು ಬಹಳಾ ಹೊತ್ತು ಆಡಿ 25 ರನ್​ ಗಳಿಸಿದ್ದ ಡೇವಿಡ್,​ ಆಗತಾನೆ ಬಂದು ಒಂದು ಬಾಲ್​ ಆಡಿದ್ದ ತಿಲಕ್​ ವರ್ಮಾಗೆ ಕ್ರೀಸ್​ ಬಿಟ್ಟುಕೊಟ್ಟರು. ಎರಡನೇ ಬಾಲ್​ನಲ್ಲಿ ಕರಾರುವಕ್ಕಾದ ಯಾರ್ಕರ್​ ಬಾಲ್​ ಮಾಡಿದ ಅರ್ಷದೀಪ್​ ಸಿಂಗ್ ವಿಕೆಟನ್ನು ಮುರಿದು ಹಾಕಿದರು. ತಿಲಕ್​ ವರ್ಮಾ ಪೆವಿಲಿಯನ್​ ಹಾದಿ ಹಿಡಿದರೆ, ನಂತರ ಪ್ರಭಾವಿ ಆಟಗಾರನ ಸ್ಥಾನದಲ್ಲಿ ಬಂದ ವಧೇರಾ ಸಹ ಕ್ಲೀನ್​ ಬೌಲ್ಡ್ ಆದ​ರು. ಈ ವಿಕೆಟ್​ ಸಹ ಕಟ್​ ಆಗಿತ್ತು. ಕೊನೆಯ ಓವರ್​ನಲ್ಲಿ ಕೇವಲ ಎರಡು ರನ್​ ಗಳಿಸಿ ಎರಡು ವಿಕೆಟ್​ ಕೊಟ್ಟು 13 ರನ್​ನ ಸೋಲನುಭವಿಸಿತು.

ಕೊನೆಯ ಓವರ್​ನಲ್ಲಿ ಎರಡು ವಿಕೆಟ್​ಗಳು ಕಟ್​ ಆಗಿದ್ದವು. ಈ ಬಗ್ಗೆ ಪಂಜಾಬ್​ ಕಿಂಗ್ಸ್​ ಟ್ವಿಟರ್​ನಲ್ಲಿ,"ಹೇ ಮುಂಬೈ ಪೋಲೀಸ್, ನಾವು ಅಪರಾಧವನ್ನು ವರದಿ ಮಾಡಲು ಬಯಸುತ್ತೇವೆ". ಎಂದು ಬರೆದುಕೊಂಡಿತ್ತು. ಇದನ್ನು ಮುಂಬೈ ಪೊಲೀಸ್​ರ ಟ್ವಿಟರ್​ ಹ್ಯಾಂಡಲ್​ಗೆ ಟ್ಯಾಗ್​ ಸಹ ಮಾಡಲಾಗಿತ್ತು. ಅದಕ್ಕೆ ಮುಂಬೈ ಪೊಲೀಸರು ಸಹ ಪ್ರತಿಕ್ರಿಯೆ ನೀಡಿದ್ದು, "ಕಾನೂನು ಉಲ್ಲಂಘನೆಯ ಮೇಲೆ ಕ್ರಮ ಕೈಗೊಳ್ಳುವ ಸಾಧ್ಯತೆಯಿದೆ, ಸ್ಟಂಪ್‌ಗಳಲ್ಲ!" ಎಂದು ರೀಟ್ವಿಟ್​ ಮಾಡಿತ್ತು.

ಪಂಜಾಬ್​ ಕಿಂಗ್ಸ್​ ತಂಡ ವಿಕೆಟ್​ ಮುರಿದ ಅರ್ಷದೀಪ್​ ಮೇಲೆಯೇ ದೂರು ದಾಖಲಿಸಲು ಮುಂದಾದ ಹಾಸ್ಯಾಸ್ಪದ ಟ್ವಿಟ್​ಗೆ ನಾನಾ ರೀತಿಯ ಕಮೆಂಟ್​ಗಳು ಹರಿದು ಬರುತ್ತಿವೆ. ಮುಂಬೈ ಪೊಲೀಸರು ಸಹ ತುಂಬಾ ಜಾಣ್ಮೆಯ ಉತ್ತರ ನೀಡಿರುವುದು ಗಮನಾರ್ಹವಾಗಿದೆ. ಅಭಿಮಾನಿಗಳಿಗಂತೂ ಕೊನೆಯ ಓವರ್​ನ ಟ್ವಿಸ್ಟ್​ ಮೆಚ್ಚುಗೆಯಾಗಿದೆ. ಐಪಿಎಲ್​ನ ಕ್ರೇಜ್​​ ಹೆಚ್ಚಾಗಲು ಇಂತಹ ಕ್ಷಣಗಳೇ ಕಾರಣ. ಹೀಗಾಗಿ ಪ್ರಪಂಚದಾದ್ಯಂತ ಅಭಿಮಾನಿಗಳು ಐಪಿಎಲ್​ನ್ನು ಕಣ್ತುಂಬಿಕೊಳ್ಳುತ್ತಾರೆ.

ಇದನ್ನೂ ಓದಿ: ಮುಂಬೈ ಇಂಡಿಯನ್ಸ್​ಗೆ "ಯಾರ್ಕರ್"​ ಪೆಟ್ಟು: ಪಂಜಾಬ್​ಗೆ 13 ರನ್​ ಗೆಲುವು