MI vs KKR: ಕಿಶನ್-ಸೂರ್ಯ ಅಬ್ಬರಕ್ಕೆ ಮುಂಬೈಗೆ ಜಯ, ಅಯ್ಯರ್​ ಶತಕ ವ್ಯರ್ಥ

ಕೋಲ್ಕತ್ತಾ ನೈಟ್​ ರೈಡರ್ಸ್​ ನೀಡಿದ್ದ 186 ರನ್ ಗುರಿಯನ್ನು ಮುಂಬೈ ಇಂಡಿಯನ್ಸ್​ 5 ವಿಕೆಟ್​ ಕಳೆದುಕೊಂಡು 17.4 ಓವರ್​ನಲ್ಲಿ ಸಾಧಿಸಿತು.

ಮುಂಬೈ (ಮಹಾರಾಷ್ಟ್ರ): ಆರಂಭಿಕ ಇಶಾನ್​ ಕಿಶನ್​ ಅರ್ಧ ಶತಕ ಮತ್ತು ನಾಯಕ ಸೂರ್ಯ ಕುಮಾರ್​ ಯಾದವ್​ ಅವರ ಅಮೋಘ ಬ್ಯಾಟಿಂಗ್ ಬಲದಿಂದ ಮುಂಬೈ ಇಂಡಿಯನ್ಸ್​ ತಂಡವು ಕೋಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧ 5 ವಿಕೆಟ್​ಗಳಿಂದ ಗೆಲುವು ಸಾಧಿಸಿದೆ. 17.4 ಓವರ್​ನಲ್ಲಿ ಎಂಐ(MI) ತಂಡ 5 ವಿಕೆಟ್​ ಕಳೆದುಕೊಂಡು ಕೆಕೆಆರ್​ ನೀಡಿದ್ದ 186 ರನ್​ ಗುರಿ ಭೇದಿಸಿತು.

ಮೊದಲು ಬ್ಯಾಟ್​ ಮಾಡಿದ ಕೋಲ್ಕತ್ತಾ ತಂಡ ವೆಂಕಟೇಶ್​ ಅಯ್ಯರ್​ ಅವರ ಶತಕದ ನೆರವಿನಿಂದ 185 ರನ್​ ಗಳಿಸಿ ಸ್ಪರ್ಧಾತ್ಮಕ ಗುರಿ ನೀಡಿತ್ತು. ಹೊಟ್ಟೆ ನೋವಿನಿಂದ ಮೊದಲ ಇನ್ನಿಂಗ್ಸ್​ನಲ್ಲಿ ಹೊರಗೆ ಕುಳಿತಿದ್ದ ರೋಹಿತ್​​ ಶರ್ಮಾ ಇಂಪ್ಯಾಕ್ಟ್​​ ಆಟಗಾರನಾಗಿ ಕ್ರೀಸ್​ಗಿಳಿದರು. ಆರಂಭಿಕ ಜೋಡಿ 65 ರನ್ ಜೊತೆಯಾಟ ನೀಡಿತು.

ರೋಹಿತ್​ ಶರ್ಮಾ ಎರಡು ಸಿಕ್ಸ್​ ಮತ್ತು ಒಂದು ಫೋರ್​ನಿಂದ 20 ರನ್​ ಗಳಿಸಿ ಔಟಾದರು. ನಂತರ ನಾಯಕ ಸೂರ್ಯ ಕುಮಾರ್​ ಹಾಗು ಮತ್ತೋರ್ವ ಆರಂಭಿಕ ಕಿಶನ್​ ಜೊತೆಗೂಡಿ ರನ್​ ಕಲೆಹಾಕಿದರು. ಕಿಶನ್​ ಭರ್ಜರಿ ಬ್ಯಾಟ್ ಬೀಸಿ ಐಪಿಎಲ್​ನಲ್ಲಿ 2,000 ರನ್ ಗಡಿ ದಾಟಿದರು. ಇಂದಿನ ಅವರ ಇನ್ನಿಂಗ್ಸ್​ನಲ್ಲಿ ಐಪಿಎಲ್​ನ 12ನೇ ಅರ್ಧಶತಕ ದಾಖಲಿಸಿದರು. 25 ಬಾಲ್​ ಎದುರಿಸಿ 5 ಬೌಂಡರಿ ಮತ್ತು 5 ಸಿಕ್ಸ್​ನಿಂದ 58 ರನ್​ ಚಚ್ಚಿದರು.

• A special victory lap from @mipaltan to thank a special crowd at the Wankhede Stadium in Mumbai 😃 👏#TATAIPL | #MIvKKR pic.twitter.com/lGo8r8npow

  — IndianPremierLeague (@IPL) April 16, 2023 " class="align-text-top noRightClick twitterSection" data="

  A special victory lap from @mipaltan to thank a special crowd at the Wankhede Stadium in Mumbai 😃 👏#TATAIPL | #MIvKKR pic.twitter.com/lGo8r8npow

  — IndianPremierLeague (@IPL) April 16, 2023

  ">

  A special victory lap from @mipaltan to thank a special crowd at the Wankhede Stadium in Mumbai 😃 👏#TATAIPL | #MIvKKR pic.twitter.com/lGo8r8npow

  — IndianPremierLeague (@IPL) April 16, 2023

ಜವಾಬ್ದಾರಿಯುತ ಆಟ ಪ್ರದರ್ಶಿಸಿದ ಸ್ಕೈ(SKY): ನಾಯಕನ ಜವಾಬ್ದಾರಿ ಹೊತ್ತಿದ್ದ ಸೂರ್ಯ ಕುಮಾರ್​ ಯಾದವ್​ ನಿಧಾನಗತಿಯಲ್ಲಿ ತಂಡವನ್ನು ಗೆಲುವಿನ ದಡಕ್ಕೆ ಕೊಂಡೊಯ್ಯುವ ಪ್ರಯತ್ನ ಮಾಡಿದರು. ಈ ಹಾದಿಯಲ್ಲಿ ಕಿಶನ್​ ನಂತರ ತಿಲಕ್​ ವರ್ಮಾ ಅವರಿಗೆ ಸಾಥ್​ ನೀಡಿದರು. ಕೆಕೆಆರ್​ನ ಬೌಲಿಂಗ್​ ದಾಳಿಗೆ ದಿಟ್ಟ ಉತ್ತರ ಕೊಟ್ಟ ಇಬ್ಬರು 50 ರನ್​ಗಳ ಜೊತೆಯಾಟ ಮಾಡಿದರು.

ತಿಲಕ್​ ವರ್ಮಾ 30 ರನ್​ ಗಳಿಸಿದರೆ, ಅವರ ನಂತರ ಬಂದ ವಧೇರಾ 6 ರನ್​ಗೆ ವಿಕೆಟ್​ ಕೊಟ್ಟರು. ಸೂರ್ಯ ಕುಮಾರ್​ ಯಾದವ್​ 25 ಬಾಲ್​ ಎದುರಿಸಿ 3 ಸಿಕ್ಸ್​ ಮತ್ತು ನಾಲ್ಕು ಬೌಂಡರಿಸಹಿತ 43 ರನ್​ ಗಳಿಸಿ ಶಾರ್ದೂಲ್​ಗೆ ವಿಕೆಟ್​ ಒಪ್ಪಿಸಿದರು. ಕೊನೆಯಲ್ಲಿ ಟಿಮ್​ ಡೇವಿಡ್​ 13 ಎಸೆತದಲ್ಲಿ ಅಜೇಯ 24 ರನ್ ಗಳಿಸಿ ಎಂಐಗೆ ಜಯ ತಂದಿತ್ತರು. ಕೆಕೆಆರ್​ ಪರ ಸುಯಶ್​ ಶರ್ಮಾ 2 ಮತ್ತು ಶಾರ್ದೂಲ್​ ಠಾಕೂರ್, ಲೂಕಿ ಫರ್ಗ್ಯುಸನ್ ಹಾಗು ವರುಣ ಚಕ್ರವರ್ತಿ ತಲಾ ಒಂದು ವಿಕೆಟ್​ ಪಡೆದರು.

ಇದನ್ನೂ ಓದಿ: GT vs RR: ಟಾಸ್​ ಗೆದ್ದ ರಾಜಸ್ಥಾನ ರಾಯಲ್ಸ್​ ಬೌಲಿಂಗ್​ ಆಯ್ಕೆ