IPLನಲ್ಲಿ ಇಂದು: ತವರಿನಲ್ಲಿ ಮುಂಬೈಗೆ ಗುಜರಾತ್​ ಸವಾಲು, ಪ್ಲೇ ಆಫ್​ ಪ್ರವೇಶಕ್ಕೆ ಜಿಟಿಗೆ ಒಂದೇ ಹೆಜ್ಜೆ

ಇಂಡಿಯನ್​ ಪ್ರೀಮಿಯರ್​ ಲೀಗ್​ನ 16ನೇ ಆವೃತ್ತಿಯ 57ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ಮತ್ತು ಗುಜರಾತ್​ ಟೈಟಾನ್ಸ್​ ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗುತ್ತಿವೆ.

ಮುಂಬೈ (ಮಹಾರಾಷ್ಟ್ರ): 16ನೇ ಆವೃತ್ತಿಯ ಇಂಡಿಯನ್​ ಪ್ರೀಮಿಯರ್​ ಲೀಗ್ (ಐಪಿಎಲ್)​ನ ಪ್ಲೇ ಆಫ್​ನ ಪ್ರವೇಶಕ್ಕೆ ಪೈಪೋಟಿ ಹೆಚ್ಚಾಗುತ್ತಿದೆ. ಮೊದಲ ನಾಲ್ಕು ಸ್ಥಾನವನ್ನು ಪಡೆಯಲು 8 ತಂಡಗಳು ಸ್ಪರ್ಧೆಯಲ್ಲಿದೆ. ಹೀಗಿರುವಾಗ ಇಂದಿನ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ (ಎಂಐ)​ ಮತ್ತು ಗುಜರಾತ್​ ಟೈಟಾನ್ಸ್​​ (ಜಿಟಿ) ಮುಖಾಮುಖಿಯಾಗುತ್ತಿದೆ.

• Thank God It’s F̶r̶i̶d̶a̶y̶ Matchday! 🥳
  
  🎯: 2️⃣ very crucial points.#OneFamily #MIvGT #MumbaiMeriJaan #MumbaiIndians #TATAIPL #IPL2023 pic.twitter.com/1PNpnXV7cO

  — Mumbai Indians (@mipaltan) May 12, 2023 " class="align-text-top noRightClick twitterSection" data="

  Thank God It’s F̶r̶i̶d̶a̶y̶ Matchday! 🥳
  
  🎯: 2️⃣ very crucial points.#OneFamily #MIvGT #MumbaiMeriJaan #MumbaiIndians #TATAIPL #IPL2023 pic.twitter.com/1PNpnXV7cO

  — Mumbai Indians (@mipaltan) May 12, 2023

  ">

  Thank God It’s F̶r̶i̶d̶a̶y̶ Matchday! 🥳
  
  🎯: 2️⃣ very crucial points.#OneFamily #MIvGT #MumbaiMeriJaan #MumbaiIndians #TATAIPL #IPL2023 pic.twitter.com/1PNpnXV7cO

  — Mumbai Indians (@mipaltan) May 12, 2023

ಪ್ಲೇ ಆಫ್​ ಸ್ಥಾನ ಪಡೆಯಲು ಎರಡೂ ತಂಡಕ್ಕೆ ಈ ಪಂದ್ಯ ಅತ್ಯಂತ ಮುಖ್ಯವಾಗಿದೆ. ಟೇಬಲ್​ ಟಾಪ್​ನಲ್ಲಿರುವ ಗುಜರಾತ್​ ಇಂದಿನ ಪಂದ್ಯ ಗೆದ್ದಲ್ಲಿ ಅಗ್ರಸ್ಥಾನದಲ್ಲಿ ಭದ್ರವಾಗಲಿದ್ದು, ಕ್ವಾಲಿಫೈ ಆಗಲು ಇನ್ನೊಂದು ಪಂದ್ಯದ ಗೆಲುವು ಬೇಕಾದೀತು.

ಮುಂಬೈ ಇಂಡಿಯನ್ಸ್​ಗೆ ಈ ಪಂದ್ಯ ಸೇರಿದಂತೆ ಮುಂದೆ ಆಡಲಿರುವ ಎರಡು ಪಂದ್ಯಗಳು ನಿರ್ಣಾಯಕವಾಗಲಿರುವುದರಿಂದ ಗೆಲ್ಲುವ ಒತ್ತಡ ತಂಡದ ಮೇಲಿದೆ. ತವರು ಮೈದಾನವಾಗಿರುವ ವಾಂಖೆಡೆಯಲ್ಲಿ ಇಂದಿನ ಪಂದ್ಯ ನಡೆಯುತ್ತಿರುವುದರಿಂದ ಇದರ ಲಾಭ ಪಡೆದುಕೊಳ್ಳುವ ಸಾಧ್ಯತೆ ರೋಹಿತ್​ ಪಡೆಗಿದೆ. ಕಳೆದ ಮೂರು ಪಂದ್ಯದಲ್ಲಿ 200 ಪ್ಲೆಸ್​ ಗುರಿಯನ್ನು ಲೀಲಾಜಾಲವಾಗಿ ಭೇದಿಸಿರುವ ನೀಲಿ ಟೀಮ್​ ಇಂದು ಇನ್ನಷ್ಟು ಆತ್ಮವಿಶ್ವಾಸದೊಂದಿಗೆ ಕಣಕ್ಕಿಳಿಯಲಿದೆ.

• @ShubmanGill | @ishankishan51 pic.twitter.com/FtKrHv1vEF

  — Gujarat Titans (@gujarat_titans) May 11, 2023 " class="align-text-top noRightClick twitterSection" data="

  @ShubmanGill | @ishankishan51 pic.twitter.com/FtKrHv1vEF

  — Gujarat Titans (@gujarat_titans) May 11, 2023

  ">

  @ShubmanGill | @ishankishan51 pic.twitter.com/FtKrHv1vEF

  — Gujarat Titans (@gujarat_titans) May 11, 2023

ಅತ್ತ ಗುಜರಾತ್​ ಕಳೆದ ಮೂರು ಪಂದ್ಯದಲ್ಲಿ ಎದುರಾಳಿಯನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕಿ, ಎರಡು ಪಂದ್ಯದಲ್ಲಿ ಜಯಿಸಿದೆ. ಇದೇ ಬೌಲಿಂಗ್​ ಬಲವನ್ನು ಮುಂಬೈ ಇಂಡಿಯನ್ಸ್​ ವಿರುದ್ಧ ಹಾರ್ದಿಕ್​ ಪಾಂಡ್ಯ ತೆಗೆದುಕೊಂಡು ಹೋಗಲಿದ್ದಾರೆ. ಬೃಹತ್​ ಮೊತ್ತವನ್ನು ಪೇರಿಸಿ ಗೆದ್ದ ಮುಂಬೈಗೆ ಗುಜರಾತ್​ ಬೌಲರ್​ಗಳು ಸವಾಲಾಗಲಿದ್ದಾರೆ.

ಅದೆ ರೀತಿ ಗುಜರಾತ್​ ಬೃಹತ್​ ರನ್​ ನೀಡಿದರೂ ಅದನ್ನೂ ಬೆನ್ನಟ್ಟುವ ಸಾಮರ್ಥ್ಯದ ಪಡೆ ರೋಹಿತ್​ ಬಳಿ ಇದೆ. ಗೆಲುವಿನ ಅನಿವಾರ್ಯ ಇರುವ ಪಂದ್ಯದಲ್ಲಿ ಉಭಯ ತಂಡಗಳ ನಡುವೆ ಇಂದಿನ ಹಣಾಹಣಿ ಜೋರಾಗಿಯೇ ನಡೆಯಲಿದೆ.

ಮುಂಬೈ ನಾಯಕ ರೋಹಿತ್​​ ಶರ್ಮಾ ಇನ್ನೂ ಫಾರ್ಮ್​ ಕಂಡುಕೊಂಡಿಲ್ಲ. ಆದರೆ, ಇಶಾನ್​ ಕಿಶನ್​, ಕ್ಯಾಮರೂನ್​ ಗ್ರೀನ್​​, ಸೂರ್ಯ ಕುಮಾರ್ ಯಾದವ್​, ಟಿಮ್​ ಡೇವಿಡ್​, ನೆಹಾಲ್​ ವಧೇರಾ, ತಿಲಕ್​ ವರ್ಮಾ ಭರ್ಜರಿ ಫಾರ್ಮ್​ನಲ್ಲಿದ್ದು, ದೊಡ್ಡ ಮೊತ್ತದ ಗುರಿಯನ್ನು ಸುಲಭವಾಗಿ ಗೆಲ್ಲಿಸುತ್ತಿದ್ದಾರೆ. ಎದುರಾಳಿ ಗುಜರಾತ್​ ಸಹ ಬ್ಯಾಟಿಂಗ್​ ಬೌಲಿಂಗ್​ನಲ್ಲಿ ಬಲಿಷ್ಟವಾಗಿದೆ.

ವೃದ್ಧಿಮಾನ್​ ಸಾಹ, ಶುಭಮನ್​ ಗಿಲ್​, ಹಾರ್ದಿಕ್​ ಪಾಂಡ್ಯ ಅಬ್ಬರದ ಪ್ರದರ್ಶನ ನೀಡುತ್ತಿದ್ದಾರೆ. ಇವರ ಜೊತೆಗೆ ಮಧ್ಯಮ ಕ್ರಮಾಂಕದಲ್ಲಿ ವಿಜಯ್ ಶಂಕರ್, ಡೇವಿಡ್ ಮಿಲ್ಲರ್, ಅಭಿನವ್ ಮನೋಹರ್, ರಾಹುಲ್ ತೆವಾಟಿಯ ಬ್ಯಾಟ್​ ಬೀಸುತ್ತಿದ್ದಾರೆ. ಬೌಲಿಂಗ್​ನಲ್ಲಿ ರಶೀದ್ ಖಾನ್, ಮೋಹಿತ್ ಶರ್ಮಾ, ನೂರ್ ಅಹ್ಮದ್, ಮೊಹಮ್ಮದ್ ಶಮಿ ಪ್ರಭಾವ ಬೀರುತ್ತಿದ್ದಾರೆ.

ಸಂಭಾವ್ಯ ತಂಡಗಳು ಇಂತಿವೆ..: ಮುಂಬೈ ಇಂಡಿಯನ್ಸ್​: ರೋಹಿತ್ ಶರ್ಮಾ(ನಾಯಕ), ಇಶಾನ್ ಕಿಶನ್(ವಿಕೆಟ್​​ ಕೀಪರ್​​), ಕ್ಯಾಮರೂನ್ ಗ್ರೀನ್, ಸೂರ್ಯಕುಮಾರ್ ಯಾದವ್, ಟಿಮ್ ಡೇವಿಡ್, ನೆಹಾಲ್ ವಧೇರಾ, ತಿಲಕ್ ವರ್ಮಾ, ಕ್ರಿಸ್ ಜೋರ್ಡಾನ್, ಪಿಯೂಷ್ ಚಾವ್ಲಾ, ಕುಮಾರ್ ಕಾರ್ತಿಕೇಯ, ಜೇಸನ್ ಬೆಹ್ರೆಂಡಾರ್ಫ್

ಗುಜರಾತ್​ ಟೈಟಾನ್ಸ್​​: ವೃದ್ಧಿಮಾನ್ ಸಹಾ(ವಿಕೆಟ್​ ಕೀಪರ್​​), ಶುಭಮನ್ ಗಿಲ್, ಹಾರ್ದಿಕ್ ಪಾಂಡ್ಯ(ನಾಯಕ), ವಿಜಯ್ ಶಂಕರ್, ಡೇವಿಡ್ ಮಿಲ್ಲರ್, ಅಭಿನವ್ ಮನೋಹರ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ಮೋಹಿತ್ ಶರ್ಮಾ, ನೂರ್ ಅಹ್ಮದ್, ಮೊಹಮ್ಮದ್ ಶಮಿ

ಇದನ್ನೂ ಓದಿ: ನಟ ಅಮೀರ್​ ಖಾನ್​ ಜೊತೆ ಕ್ರಿಕೆಟಿಗ ಚಹಾಲ್​ ದಂಪತಿ ಫೋಟೋ: ಫ್ಯಾನ್ಸ್​ ಮೆಚ್ಚುಗೆ