ಮುಂಬೈ (ಮಹಾರಾಷ್ಟ್ರ): ಮುಂಬೈ ಇಂಡಿಯನ್ಸ್ ಕೊಟ್ಟಿದ್ದ ಸಾಧಾರಣ ಮೊತ್ತವನ್ನು 3 ವಿಕೆಟ್ ನಷ್ಟದಲ್ಲಿ ಸಾಧಿಸಿದೆ. ಆರಂಭಿಕ ರುತುರಾಜ್ ಗಾಯಕ್ವಾಡ್ ಮತ್ತು ಅನುಭವಿ ಆಟಗಾರ ಅಜಿಂಕ್ಯ ರಹಾನೆ ಅವರ 81 ರನ್ನ ಜೊತೆಯಾಟದ ನೆರವಿನಿಂದ ಚೆನ್ನೈ ತಂಡ ಗುರಿಯನ್ನು ಸುಲಭವಾಗಿ 11 ಬಾಲ್ಗಳನ್ನು ಉಳಿಸಿಕೊಂಡು ಸಾಧಿಸಿತು.
ಮುಂಬೈ ಇಂಡಿಯನ್ಸ್ ನೀಡಿದ್ದ 158 ರನ್ನ್ನು ಬೆನ್ನು ಹತ್ತಿದ ಚೆನ್ನೈ ಆರಂಭಿಕ ಡೆವೊನ್ ಕಾನ್ವೆ ಶೂನ್ಯ ರನ್ಗೆ ಕಳೆದುಕೊಂಡಿತು. ನಂತರ ಬಂದ ಮೂರನೇ ವಿಕೆಟ್ ಆಗಿ ಬಂದ ಅಜಿಕ್ಯಾ ರೆಹಾನೆ ಬಿರುಸಿನ ಆಟಕ್ಕೆ ಮುಂದಾದರು. ರುತುರಾಜ್ ಗಾಯಕ್ವಾಡ್ ಅವರೊಂದಿಗೆ ಸೇರಿ ಇನ್ನಿಂಗ್ಸ್ ಕಟ್ಟಿದ ರೆಹಾನೆ 27 ಬಾಲ್ನಲ್ಲಿ 3 ಸಿಕ್ಸ್ ಮತ್ತು 7 ಬೌಂಡರಿಯಿಂದ 61 ರನ್ಗಳಿಸಿದರು. ಇದು ಅವರ ಐಪಿಎಲ್ ವೃತ್ತಿ ಜೀವನದ 28ನೇ ಅರ್ಧಶತಕವಾಗಿದೆ.
ನಂತರ ಬಂದ ಶಿವಂ ದುಬೆ ಸಹ ಗಾಯಕ್ವಾಡ್ ಜೊತೆ ಸಹಕಾರ ನೀಡಿದರು. 28 ರನ್ ಗಳಿಸಿ ಗಲುವಿಗೆ ಅಮೂಲ್ಯ ರನ್ ಸೇರಿಸಿದರು. ದುಬೆ ವಿಕೆಟ್ ನಂತರ ಬಂದ ಅಜೇಯರಾಗಿ ಅಂಬಟಿ ರಾಯುಡು 16 ಬಾಲ್ನಲ್ಲಿ 3 ಸಿಕ್ಸರ್ನಿಂದ 20 ರನ್ ಗಳಿಸಿದರು. ರುತುರಾಜ್ ಗಾಯಕ್ವಾಡ್ ಕೊನೆಯ ವರೆಗೂ ಔಟ್ ಆಗದೇ 40 ರನ್ನ ಜವಾಬ್ದಾರಿಯುತ ಇನ್ನಿಂಗ್ಸ್ ಕಟ್ಟಿದರು.
ಮೊದಲ ಇನ್ನಿಂಗ್ಸ್: ಚೆನ್ನೈನ ರವೀಂದ್ರ ಜಡೇಜ, ಮಿಚೆಲ್ ಸ್ಯಾಂಟ್ನರ್ ಮತ್ತು ತುಷಾರ್ ದೇಶಪಾಂಡೆ ಬೌಲಿಂಗ್ ದಾಳಿಗೆ ನಲುಗಿದ ರೋಹಿತ್ ಶರ್ಮಾ ನಾಯಕಹತ್ವದ ಮುಂಬೈ ಇಂಡಿಯನ್ಸ್ 8 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿದೆ. ಮುಂಬೈ ಈ ಪಂದ್ಯದಲ್ಲೂ ಬ್ಯಾಟಿಂಗ್ ವೈಫಲ್ಯ ಕಂಡಿದೆ. ಇಶಾನ್ ಕಿಶನ್ 32 ಮತ್ತು ಟಿಮ್ ಡೇವಿಡ್ 31 ರನ್ ಗಳಿಸಿದ್ದೇ ತಂಡದ ದೊಡ್ಡ ಮೊತ್ತವಾಗಿದೆ.
ಅಬ್ಬರಿಸುವ ಮುನ್ಸೂಚನೆ ಕೊಟ್ಟು ಔಟ್ ಆದ ರೋಹಿತ್: ರೋಹಿತ್ ಶರ್ಮಾ ಕ್ರೀಸ್ಗೆ ಬರುತ್ತಿದ್ದಂತೆ ಅಗ್ರಸಿವ್ ಆಟಕ್ಕೆ ಮುಂದಾದರು. 13 ಬಾಲ್ನಲ್ಲಿ 3 ಬೌಂಡರಿ ಮತ್ತು ಒಂದು ಸಿಕ್ಸ್ನಿಂದ 21 ರನ್ ಗಳಿಸಿ ಆಡುತ್ತಿದ್ದರು. ಈ ವೇಳೆ ತುಷಾರ್ ದೇಶಪಾಂಡೆ ಸ್ಪಿನ್ಗೆ ಕ್ಲೀನ್ ಬೌಲ್ಡ್ ಆಗಿ ಪೆವಿಲಿಯನ್ಗೆ ಮರಳಿದರು. ರೋಹಿತ್ ಶರ್ಮಾರ ವಿಕೆಟ್ ಬೆನ್ನಲ್ಲೇ ತಂಡಕ್ಕೆ 20 ರನ್ ಸೇರುತ್ತಿದ್ದಂತೆ ವಿಕೆಟ್ಗಳು ಉರುಳಲಾರಂಭಿಸಿದವು.
ಆರಂಭಿಕ ಇಶಾನ್ ಕಿಶನ್ 32 ರನ್ ಗಳಿಸಿ ಉತ್ತಮ ಲಯದಲ್ಲಿ ಬ್ಯಾಟ್ ಬೀಸುತ್ತಿದ್ದಾಗ ಜಡೇಜ ಸ್ಪಿನ್ಗೆ ಬಲಿಯಾದರು. ಅವರ ಬೆನ್ನಲ್ಲೇ 12 ರನ್ ಗಳಿಸಿದ್ದ ಕ್ಯಾಮರೂನ್ ಗ್ರೀನ್ ಸಹ ಔಟ್ ಆದರು. ಸೂರ್ಯ ಕುಮಾರ್ ಯಾದವ್ ತಮ್ಮ ಕಳಪೆ ಫಾರ್ಮ್ನ್ನು ಮುಂದುವರೆಸಿದ್ದು, 1 ರನ್ಗೆ ವಿಕೆಟ್ ಒಪ್ಪಿಸಿದರು. ಮೊದಲ ಪಂದ್ಯದಲ್ಲಿ 84 ರನ್ ಆಟ ಪ್ರದರ್ಶಿಸಿದ್ದ ತಿಲಕ್ ವರ್ಮಾ ಕೂಡಾ 22 ರನ್ಗೆ ವಿಫಲರಾದರು. ಆವೇಶ್ ಖಾನ್ 2 ರನ್ಗೆ ವಿಕೆಟ್ ಒಪ್ಪಿಸಿದರು.
ಟಿಮ್ ಡೇವಿಡ್ ಕೊನೆಯಲ್ಲಿ 31ರನ್ಗಳ ಬಿರುಸಿನ ಆಟ 150+ ಗುರಿ ತಲುಪಲು ನೆರವಾಯಿತು. ಅಂತಿಮ ಮೂರು ಓವರ್ನಲ್ಲಿ ಹೃತಿಕ್ ಶೋಕೀನ್ ಮತ್ತು ಪಿಯೂಷ್ ಚಾವ್ಲಾ ವಿಕೆಟ್ ನಿಲ್ಲಿಸಿದರು. ಹೃತಿಕ್ ಶೋಕೀನ್ ಸಮಯೋಚಿತವಾಗಿ ಬ್ಯಾಟ್ ಬೀಸಿ ಅಜೇಯರಾಗಿ 18 ಮತ್ತು ಚಾವ್ಲಾ 5 ರನ್ ಗಳಿಸಿದರು. ಚೆನ್ನೈ ಪರ ರವೀಂದ್ರ ಜಡೇಜ 3, ಮಿಚೆಲ್ ಸ್ಯಾಂಟ್ನರ್ 2, ತುಷಾರ್ ದೇಶಪಾಂಡೆ 2 ಮತ್ತು ಸಿಸಂದಾ ಮಗಳಾ 1 ವಿಕೆಟ್ ಕಬಳಿಸಿದರು.
ಇದನ್ನೂ ಓದಿ: IPL 2023 MI vs CSK: ಟಾಸ್ ಗೆದ್ದು ಎಂಎಸ್ಡಿ ಬೌಲಿಂಗ್ ಅಯ್ಕೆ.. ಬೆನ್ ಸ್ಟೋಕ್ಸ್, ಆರ್ಚರ್ಗೆ ಇಂಜುರಿ
