IPL: ಬೆಂಗಳೂರಿನಲ್ಲಿಂದು ಆರ್​ಸಿಬಿ vs ಚೆನ್ನೈ ಹೈ ವೋಲ್ಟೇಜ್​ ಮ್ಯಾಚ್​

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಇಂದು ಸಂಜೆ ಆರ್​ಸಿಬಿ ಮತ್ತು ಚೆನ್ನೈ ಹಣಾಹಣಿ ನಡೆಯಲಿದೆ.

ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣ ಮಹತ್ವದ ಪಂದ್ಯಕ್ಕೆ ಸಜ್ಜಾಗಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್‌ನ (ಐಪಿಎಲ್) 24ನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪೈಪೋಟಿ ನಡೆಸಲಿವೆ. ವಿರಾಟ್​ ಮತ್ತು ಧೋನಿ ಅಭಿಮಾನಿಗಳಿಗೆ ಈ ಪಂದ್ಯ ಹಬ್ಬವೇ ಸರಿ. ಸಾಮಾಜಿಕ ಜಾಲತಾಣದಲ್ಲಿ ಫ್ಯಾನ್​ ವಾರ್​ ಕೂಡ ಜೋರಾಗಿದೆ.

ಕಳೆದ ಪಂದ್ಯದಲ್ಲಿ ಇದೇ ಪಿಚ್​ನಲ್ಲಿ ಆರ್​ಸಿಬಿ ತಂಡವು ಡೆಲ್ಲಿ ಕ್ಯಾಪಿಟಲ್ಸ್ ಅ​ನ್ನು ಮಣಿಸಿತ್ತು. ಇದೇ ಭರವಸೆಯಲ್ಲಿ ಫಾಫ್​ ಪಡೆ ಇದೆ. ಆದರೆ ಮೊನ್ನೆ ಹಗಲು ಪಂದ್ಯ ನಡೆದಿದ್ದು, ಇಂದಿನ ಪಂದ್ಯಕ್ಕೆ ಹೋಲಿಸಿದರೆ ಕೊಂಚ ವಿಭಿನ್ನ ವಿಕೆಟ್​ ಕಾಣಬಹುದು. ಪಂದ್ಯದಲ್ಲಿ ಟಾಸ್​ ತುಂಬಾ ಮುಖ್ಯವಾಗಲಿದೆ. ಬೌಂಡರಿ ಗೆರೆ ಹತ್ತಿರ ಇರುವುದರಿಂದ ಬೃಹತ್​ ರನ್​ ಗಳಿಗೆ ನಿರೀಕ್ಷೆ ಇದೆ. ಚೇಸಿಂಗ್​ ತಂಡಕ್ಕೆ ಚಿನ್ನಸ್ವಾಮಿ ಮೈದಾನ ಸಹಕಾರಿಯಾಗಿದ್ದು ಟಾಸ್​ ಗೆದ್ದ ತಂಡ ಬೌಲಿಂಗ್​ ಆಯ್ಕೆ ಮಾಡುವ ಸಾಧ್ಯತೆ ಹೆಚ್ಚಿದೆ.

• The big game excitement is in the air! 🔥
  
  The 12th Man Army is pumped for our biggest rivalry to resume! 😍🙌
  
  Bring on #RCBvCSK 👊#PlayBold #ನಮ್ಮRCB #IPL2023 @hombalefilms pic.twitter.com/O0BolVb41a

  — Royal Challengers Bangalore (@RCBTweets) April 17, 2023 " class="align-text-top noRightClick twitterSection" data="

  The big game excitement is in the air! 🔥
  
  The 12th Man Army is pumped for our biggest rivalry to resume! 😍🙌
  
  Bring on #RCBvCSK 👊#PlayBold #ನಮ್ಮRCB #IPL2023 @hombalefilms pic.twitter.com/O0BolVb41a

  — Royal Challengers Bangalore (@RCBTweets) April 17, 2023

  ">

  The big game excitement is in the air! 🔥
  
  The 12th Man Army is pumped for our biggest rivalry to resume! 😍🙌
  
  Bring on #RCBvCSK 👊#PlayBold #ನಮ್ಮRCB #IPL2023 @hombalefilms pic.twitter.com/O0BolVb41a

  — Royal Challengers Bangalore (@RCBTweets) April 17, 2023

ಆರ್​ಸಿಬಿಗೆ 'ಬಿಗ್​3' ಆಸರೆ: ರಾಯಲ್​ ಚಾಲೆಂಜರ್ಸ್​ ತಂಡ ಬಿಗ್​ ತ್ರೀಗಳ ಮೇಲೆ ಅವಲಂಬಿತವಾಗಿದೆ. ಆರಂಭಿಕರಾದ ಫಾಫ್​ ಡು ಪ್ಲೆಸಿಸ್​, ವಿರಾಟ್​ ಕೊಹ್ಲಿ ಮತ್ತು ಗ್ಲೆನ್​ ಮ್ಯಾಕ್ಸ್ ಕಳೆದ ಪಂದ್ಯಗಳಲ್ಲಿ ತಂಡಕ್ಕೆ ಬಲವಾಗಿದ್ದರು. ಮಧ್ಯಮ ಕ್ರಮಾಂಕದ ಬ್ಯಾಟರ್​ಗಳು ಲಯ ಕಂಡುಕೊಂಡಿಲ್ಲ. ಫಿನಿಶರ್​ ಡಿಕೆ ಬ್ಯಾಟ್​ ಘರ್ಜಿಸುತ್ತಿಲ್ಲ. ಹಾಗೆಯೇ​ ಮಹಿಪಾಲ್ ಲೊಮ್ರೊರ್, ಶಹಬಾಜ್ ಅಹ್ಮದ್ ಸಹ ರನ್​ ತರುತ್ತಿಲ್ಲ. ಈ ಸ್ಥಾನದಲ್ಲಿ ರಜತ್​ ಪಾಟಿದಾರ್​ ಕೊರತೆ ಎದ್ದು ಕಾಣುತ್ತಿದೆ.

ವಿರಾಟ್​, ಮ್ಯಾಕ್ಸ್​ವೆಲ್​ಗೆ ಜಡೇಜಾ ಅಸ್ತ್ರ: ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ಸ್ಟಾರ್​ ಸ್ಪಿನ್​ ಬೌಲರ್​ ರವೀಂದ್ರ ಜಡೇಜಾ ಆರ್​ಸಿಬಿಗೆ ಹೆಚ್ಚು ಕಂಟಕವಾಗಲಿದ್ದಾರೆ. ಅಂಕಿ-ಅಂಶಗಳ ಪ್ರಕಾರ ವಿರಾಟ್​ ಮತ್ತು ಗ್ಲೆನ್ ಹೆಚ್ಚು ಬಾರಿ ಜಡೇಜಾಗೆ ವಿಕೆಟ್​ ಒಪ್ಪಿಸಿದ್ದಾರೆ. ಫಾಪ್​​ ಸಿಎಸ್​ಕೆ ಮಾಜಿ ಆಟಗಾರರಾಗಿದ್ದು, ಇದಕ್ಕೆ ಪ್ರತಿ ತಂತ್ರ ಹೂಡುತ್ತಾರಾ ಅನ್ನೋದನ್ನು ಕಾದುನೋಡಬೇಕು. ಮೊದಲ ಬಾರಿಗೆ ಫಾಫ್​ ಸಿಎಸ್​ಕೆ ವಿರುದ್ಧ ನಾಯಕತ್ವ ನಿಭಾಯಿಸುತ್ತಿದ್ದಾರೆ.

ಆರ್​ಸಿಬಿ ವಿರುದ್ಧ ಧೋನಿ ಬೆಸ್ಟ್​ ಪ್ರದರ್ಶನ: ಚೆನ್ನೈ ನಾಯಕ ಧೋನಿ ಆರ್​ಸಿಬಿ ವಿರುದ್ಧ ಉತ್ತಮ ರೆಕಾರ್ಡ್​ ಹೊಂದಿದ್ದಾರೆ. ಅವರ ಬ್ಯಾಟ್​ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಘರ್ಜಿಸಿದೆ. ಆದರೆ ಇಂದಿನ ಪಂದ್ಯದಲ್ಲಿ ಕಾಣಿಸಿಕೊಳ್ಳಲಿದ್ದಾರಾ ಎಂಬುದೇ ಪ್ರಶ್ನೆ. ಮಂಡಿ ನೋವಿನಿಂದ ಬಳಲುತ್ತಿರುವ ಅವರು ಕಳೆದ ಪಂದ್ಯದಲ್ಲಿ ಎರಡು ರನ್​ ಗಳಿಸಲು ಕಷ್ಟಪಡುತ್ತಿದ್ದರು.

• Take a closer look at the Challenge that awaits us tonight with Moeen Ali!
  Get. Set. #WhistlePodu 🦁#RCBvCSK #Yellove 💛 @TVSEurogrip pic.twitter.com/gPksA3rc0g

  — Chennai Super Kings (@ChennaiIPL) April 17, 2023 " class="align-text-top noRightClick twitterSection" data="

  Take a closer look at the Challenge that awaits us tonight with Moeen Ali!
  Get. Set. #WhistlePodu 🦁#RCBvCSK #Yellove 💛 @TVSEurogrip pic.twitter.com/gPksA3rc0g

  — Chennai Super Kings (@ChennaiIPL) April 17, 2023

  ">

  Take a closer look at the Challenge that awaits us tonight with Moeen Ali!
  Get. Set. #WhistlePodu 🦁#RCBvCSK #Yellove 💛 @TVSEurogrip pic.twitter.com/gPksA3rc0g

  — Chennai Super Kings (@ChennaiIPL) April 17, 2023

ಮುಖಾಮುಖಿ: ಹೆಡ್ ಟು ಹೆಡ್ ಪಂದ್ಯದ ಲೆಕ್ಕದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ನ ಪಾರಮ್ಯವಿದೆ. ಇಲ್ಲಿಯ ವರೆಗೆ ಎರಡೂ ತಂಡಗಳು 31 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ಚೆನ್ನೈ ಸೂಪರ್ ಕಿಂಗ್ಸ್ 20 ಪಂದ್ಯಗಳನ್ನು ಗೆದ್ದಿದ್ದರೆ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು 10 ಪಂದ್ಯಗಳನ್ನು ಗೆದ್ದಿದೆ. ಕಳೆದ 5 ಪಂದ್ಯಗಳಲ್ಲಿ 4ರಲ್ಲಿ ಸಿಎಸ್‌ಕೆ ಗೆಲುವು ಸಾಧಿಸಿದೆ. 4 ಮೇ 2022 ರಂದು ಪುಣೆಯಲ್ಲಿ ನಡೆದ ಕೊನೆಯ ಪಂದ್ಯದಲ್ಲಿ ಆರ್​ಸಿಬಿ 13 ರನ್‌ಗಳಿಂದ ಸಿಎಸ್​ಕೆಯನ್ನು ಸೋಲಿಸಿತು.

ಸಂಭಾವ್ಯ ತಂಡಗಳು..: ರಾಯಲ್ ಚಾಲೆಂಜರ್ಸ್​ ಬೆಂಗಳೂರು: ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್ (ನಾಯಕ), ಮಹಿಪಾಲ್ ಲೊಮ್ರೊರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಶಹಬಾಜ್ ಅಹ್ಮದ್, ದಿನೇಶ್ ಕಾರ್ತಿಕ್ (ವಿಕೆಟ್​ ಕೀಪರ್​), ವನಿಂದು ಹಸರಂಗ, ಹರ್ಷಲ್ ಪಟೇಲ್, ವೇಯ್ನ್ ಪಾರ್ನೆಲ್, ಮೊಹಮ್ಮದ್ ಸಿರಾಜ್, ವೈಶಾಕ್ ವಿಜಯ್‌ಕುಮಾರ್

ಚೆನ್ನೈ ಸೂಪರ್​ ಕಿಂಗ್ಸ್​​: ರುತುರಾಜ್ ಗಾಯಕ್ವಾಡ್, ಡೆವೊನ್ ಕಾನ್ವೇ, ಅಜಿಂಕ್ಯ ರಹಾನೆ, ಮೊಯಿನ್ ಅಲಿ, ಅಂಬಟಿ ರಾಯುಡು/ಆಕಾಶ್ ಸಿಂಗ್, ಶಿವಂ ದುಬೆ, ರವೀಂದ್ರ ಜಡೇಜಾ, ಎಂಎಸ್​ ಧೋನಿ (ನಾಯಕ /ವಿಕೆಟ್​ ಕೀಪರ್​), ಡ್ವೈನ್ ಪ್ರಿಟೋರಿಯಸ್/ಮತೀಶ್ ಪತಿರಾನ, ಮಹೀಶ್ ತೀಕ್ಷಣ, ತುಷಾರ್ ದೇಶಪಾಂಡೆ

ಪಂದ್ಯ ಆರಂಭ: ರಾತ್ರಿ 7.30ಕ್ಕೆ. ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ವಾಹಿನಿ, ಜಿಯೊಸಿನೆಮಾ ಆ್ಯಪ್

ಇದನ್ನೂ ಓದಿ: ಸ್ಯಾಮ್ಸನ್ - ಶಿಮ್ರಾನ್ ಅಬ್ಬರದ ಬ್ಯಾಟಿಂಗ್​: ಟೈಟಾನ್ಸ್​ ವಿರುದ್ಧ 'ರಾಯಲ್' ಆದ ರಾಜಸ್ಥಾನ