ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿಯುತ್ತಿರುವ ಇಶನ್ ಕಿಶನ್ ಈ ಸಲದ ಹರಾಜು ಪ್ರಕ್ರಿಯೆಯಲ್ಲಿ ಬರೋಬ್ಬರಿ 15.25 ಕೋಟಿ ರೂ.ಗೆ ಸೇಲ್ ಆಗಿದ್ದಾರೆ. ಟೂರ್ನಿಯಲ್ಲಿ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡುವಲ್ಲಿ ವಿಫಲರಾಗಿರುವ ಕಿಶನ್, ಮಾಡೆಲ್ವೋರ್ವರ ಜೊತೆ ಡೇಟಿಂಗ್ ನಡೆಸುತ್ತಿರುವ ವಿಚಾರ ಬೆಳಕಿಗೆ ಬಂದಿದೆ.
22 ವರ್ಷದ ಸೂಪರ್ ಮಾಡೆಲ್ ಆದಿತಿ ಹುಂಡಿಯಾ ಜೊತೆ ಇಶನ್ ಕಿಶನ್ ಕಳೆದ ಎರಡು ವರ್ಷಗಳಿಂದಲೂ ಪರಿಚಯವಿದ್ದು, ಇದೀಗ ಡೇಟಿಂಗ್ ನಡೆಸುತ್ತಿದ್ದಾರೆಂಬ ಗಾಳಿ ಸುದ್ದಿ ಹರಿದಾಡ್ತಿದೆ. ಆದರೆ, ಇದರೆ ಬಗ್ಗೆ ಇಬ್ಬರು ಯಾವುದೇ ರೀತಿಯ ಅಧಿಕೃತವಾಗಿ ಹೇಳಿಕೊಂಡಿಲ್ಲ.
ಆದಿತಿ ಹುಂಡಿಯಾ ಫ್ಯಾಷನ್ ಶೋ ಉದ್ಯಮದಲ್ಲಿ ಚಿರಪರಿಚಿತ ಹೆಸರಾಗಿದ್ದು, ಅವರು, 2017ರಲ್ಲಿ ಮಿಸ್ ಇಂಡಿಯಾ ರಾಜಸ್ಥಾನ ಕಿರೀಟ ಅಲಂಕರಿಸಿದ್ದಾರೆ. ಇದಾದ ಬಳಿಕ 2018ರಲ್ಲಿ ಮಿಸ್ ದಿವಾ ಆಗಿ ಹೊರಹೊಮ್ಮಿದ್ದಾರೆ.
ಆದಿತಿ ಹುಂಡಿಯಾ ಅವರಿಗೆ ವಿರಾಟ್ ಕೊಹ್ಲಿ, ಮಹೇಂದ್ರ ಸಿಂಗ್ ಧೋನಿ ಅಂದರೆ ಅಚ್ಚುಮೆಚ್ಚು. ಆದರೆ, ವಿಕೆಟ್ ಕೀಪರ್ ಬ್ಯಾಟರ್ ಇಶಾನ್ ಕಿಶನ್ ಜೊತೆ ಕಳೆದ ಎರಡು ವರ್ಷಗಳಿಂದ ಡೇಟಿಂಗ್ ನಡೆಸುತ್ತಿದ್ದಾರೆ ಎನ್ನಲಾಗ್ತಿದೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಪರಸ್ಪರ ವಿಶ್ ಮಾಡಿಕೊಂಡಿದ್ದಾರೆ.
ಆದಿತಿ ಹುಂಡಿಯಾ ಜನವರಿ 15,1997ರಂದು ರಾಜಸ್ಥಾನದ ಜೈಪುರದಲ್ಲಿ ಲಲಿತ್ ಮತ್ತು ಬಬಿತಾ ಹುಂಡಿಯಾ ದಂಪತಿಗಳಿಗೆ ಜನಿಸಿದ್ದು, ಇವರಿಗೆ ಯಶ್ ಎಂಬ ಸಹೋದರನಿದ್ದಾನೆ. ಶಾಲಾ ಶಿಕ್ಷಣವನ್ನ ಇಂಡಿಯಾ ಇಂಟರ್ನ್ಯಾಷನಲ್ ಸ್ಕೂಲ್ನಲ್ಲಿ ಪೂರ್ಣಗೊಳಿಸಿದ್ದು, ಜೈಪುರದ ಸೇಂಟ್ ಕ್ಸೇವಿಯರ್ ಕಾಲೇಜ್ನಲ್ಲಿ ಬ್ಯುಸಿನೆಟ್ ವ್ಯವಹಾರ ಅಧ್ಯಯನ ಮಾಡಿದ್ದಾರೆ.
ಮುಂಬೈ ಇಂಡಿಯನ್ಸ್ ತಂಡದ ವಿಕೆಟ್ ಕೀಪರ್ ಬ್ಯಾಟರ್ ಇಶನ್ ಕಿಶನ್ 2017ರಿಂದಲೂ ಮಾಡೆಲ್ ಆದಿತಿ ಜೊತೆ ಗಪ್ ಚುಪ್ ಆಗಿ ಸುತ್ತಾಡುತ್ತಿದ್ದಾರೆಂಭ ವದಂತಿ ಇದೆ. ಆದರೆ, ಇದಕ್ಕೆ ಯಾವುದೇ ರೀತಿಯ ಅಧಿಕೃತವಾದ ಮಾಹಿತಿ ಲಭ್ಯವಾಗಿಲ್ಲ.
