IPL 2022: ರಾಜಸ್ಥಾನ ವಿರುದ್ಧ ಟಾಸ್​ ಗೆದ್ದು ಬೌಲಿಂಗ್‌ ಆಯ್ದುಕೊಂಡ ಡೆಲ್ಲಿ

ಇಂದಿನ ಹೈವೋಲ್ಟೇಜ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ವಿರುದ್ಧ ಟಾಸ್​ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ಬೌಲಿಂಗ್​ ಮಾಡುವ ನಿರ್ಧಾರ ಕೈಗೊಂಡಿದೆ. ಉಭಯ ತಂಡಗಳಲ್ಲಿ ಯಾವುದೇ ರೀತಿಯ ಬದಲಾವಣೆ ಮಾಡಿಲ್ಲ.

ಮುಂಬೈ: ಇಂಡಿಯನ್​ ಪ್ರೀಮಿಯರ್ ಲೀಗ್​​ನ 34ನೇ ಪಂದ್ಯದಲ್ಲಿ ಬಲಿಷ್ಠ ರಾಜಸ್ಥಾನ ರಾಯಲ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಮುಖಾಮುಖಿಯಾಗಿವೆ. ಮುಂಬೈನ ವಾಂಖೆಡೆ ಮೈದಾನದಲ್ಲಿ ನಡೆಯುತ್ತಿರುವ ಹೈವೋಲ್ಟೇಜ್​​ ಪಂದ್ಯದಲ್ಲಿ ಟಾಸ್ ಗೆದ್ದಿರುವ ರಿಷಭ್ ಪಂತ್ ಪಡೆ ಬೌಲಿಂಗ್​ ಆಯ್ದುಕೊಂಡಿದೆ.

ಕೋವಿಡ್​ 19 ಭೀತಿ ಲೆಕ್ಕಿಸದೇ ಹಿಂದಿನ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​​ ತಂಡ ಪಂಜಾಬ್ ಕಿಂಗ್ಸ್ ವಿರುದ್ಧ 9 ವಿಕೆಟ್​ಗಳ ಜಯ ಸಾಧಿಸಿದ್ದು, ಇದೀಗ ರಾಜಸ್ಥಾನ್ ರಾಯಲ್ಸ್ ಸವಾಲು ಎದುರಿಸಲಿದೆ. 6 ಪಂದ್ಯಗಳನ್ನಾಡಿರುವ ರಾಜಸ್ಥಾನ್ ರಾಯಲ್ಸ್ 4ರಲ್ಲಿ ಜಯಸಿದ್ದು, ಡೆಲ್ಲಿ ಮೂರರಲ್ಲಿ ಮಾತ್ರ ಜಯ ಸಾಧಿಸಿದೆ.

• Delhi Capitals have won the toss and they will bowl first against #RR.
  
  Live - https://t.co/IOIoa87Os8 #DCvRR #TATAIPL pic.twitter.com/81U0oOwrFO

  — IndianPremierLeague (@IPL) April 22, 2022 " class="align-text-top noRightClick twitterSection" data="

  Delhi Capitals have won the toss and they will bowl first against #RR.
  
  Live - https://t.co/IOIoa87Os8 #DCvRR #TATAIPL pic.twitter.com/81U0oOwrFO

  — IndianPremierLeague (@IPL) April 22, 2022

  ">

  Delhi Capitals have won the toss and they will bowl first against #RR.
  
  Live - https://t.co/IOIoa87Os8 #DCvRR #TATAIPL pic.twitter.com/81U0oOwrFO

  — IndianPremierLeague (@IPL) April 22, 2022

ರಾಜಸ್ಥಾನ ರಾಯಲ್ಸ್​: ಜಾಸ್ ಬಟ್ಲರ್​, ದೇವದತ್ ಪಡಿಕ್ಕಲ್​, ಸಂಜು ಸ್ಯಾಮ್ಸನ್​(ಕ್ಯಾ, ವಿ,ಕೀ),ಶಿಮ್ರಾನ್ ಹೆಟ್ಮಾಯರ್​, ಕರುಣ್ ನಾಯರ್​, ರಿಯಾಗ್ ಪರಾಗ್​, ಆರ್​. ಅಶ್ವಿನ್​,ಟ್ರೆಂಟ್​ ಬೌಲ್ಟ್, ಪ್ರಸಿದ್ಧ ಕೃಷ್ಣ, ಒಬ್ಡೆ ಮೈಕೊ, ಯಜುವೇಂದ್ರ ಚಹಲ್​

ಡೆಲ್ಲಿ ಕ್ಯಾಪಿಟಲ್ಸ್​: ಪೃಥ್ವಿ ಶಾ, ಡೇವಿಡ್​ ವಾರ್ನರ್, ರಿಷಭ್ ಪಂತ್​(ಕ್ಯಾ, ವಿ,ಕೀ), ಪೊವೆಲ್​,ಸರ್ಫರಾಜ್ ಖಾನ್​, ಲಲಿತ್​ ಯಾದವ್​, ಅಕ್ಸರ್ ಪಟೇಲ್​, ಶಾರ್ದೂಲ್ ಠಾಕೂರ್​, ಕುಲ್ದೀಪ್ ಯಾದವ್​, ಮುಸ್ತುಫಿಜುರ್ ರೆಹಮಾನ್​, ಖಲೀಲ್ ಅಹ್ಮದ್​

ಎರಡೂ ತಂಡಗಳಲ್ಲೂ ಸ್ಫೋಟಕ ಆಟಗಾರರ ದಂಡೇ ಇದೆ. ರಾಯಲ್ಸ್​ ಪರ ಜಾಸ್ ಬಟ್ಲರ್, ಸಂಜು ಸಾಮ್ಸನ್, ಪಡಿಕ್ಕಲ್​ ಅದ್ಭುತ ಫಾರ್ಮ್​ನಲ್ಲಿದ್ದರೆ, ಇತ್ತ ಡೆಲ್ಲಿ ತಂಡದಲ್ಲಿ ಆರಂಭಿಕ ಬ್ಯಾಟರ್​ಗಳಾದ ಪೃಥ್ವಿ ಶಾ, ಡೇವಿಡ್​ ವಾರ್ನರ್ ಮತ್ತು ರಿಷಭ್ ಪಂತ್ ಪ್ರಚಂಡ ಫಾರ್ಮ್​ನಲ್ಲಿದ್ದಾರೆ. ಅದರಲ್ಲೂ ವಾರ್ನರ್-ಶಾ ಜೋಡಿ ಸತತ 4 ಪಂದ್ಯಗಳಲ್ಲಿ 50 ರನ್​ಗಳ ಜೊತೆಯಾಟ ನಡೆಸಿ ಎದುರಾಳಿಗಳಿಗೆ ಸಿಂಹಸ್ವಪ್ನರಾಗಿದ್ದಾರೆ. ಹಾಗಾಗಿ ಆರಂಭಿಕ ಕ್ರಮಾಂಕದಲ್ಲಿ ಸಮಬಲದ ಪೈಪೋಟಿ ನಿರೀಕ್ಷಿಸಬಹುದಾಗಿದೆ.

ರಾಜಸ್ಥಾನ್​ ರಾಯಲ್ಸ್​ಗೆ ಹೋಲಿಸಿದರೆ ತಂಡದ ಮಧ್ಯಮ ಕ್ರಮಾಂಕ ಅಷ್ಟೇನೂ ಬಲಿಷ್ಠವಾಗಿಲ್ಲ. ರೋವ್​ಮನ್ ಪೋವೆಲ್ ಸಂಪೂರ್ಣ ವಿಫಲರಾದರೆ, ಲಲಿತ್ ಯಾದವ್​ ಸರ್ಫರಾಜ್​ ಖಾನ್​ಗೆ ತಮ್ಮ ಸಾಮರ್ಥ್ಯ ಸಾಬೀತುಪಡಿಸಿಲು ಅವಕಾಶಗಳು ಸಿಕ್ಕಿಲ್ಲ. ಹಾಗಾಗಿ ನಾಳಿನ ಪಂದ್ಯ ಇವರಿಗೆ ಸೂಕ್ತ ವೇದಿಕೆಯಾಗಲಿದೆ. ಆದರೆ ರಾಯಲ್ಸ್​ಗೆ ಹೆಟ್ಮಾಯರ್ ಮಧ್ಯಮ ಕ್ರಮಾಂಕದಲ್ಲಿ ಅಮೋಘ ಫಾರ್ಮ್​ನಲ್ಲಿದ್ದು ತಂಡಕ್ಕೆ ನಿರ್ಣಾಯಕ ರನ್​ ಗಳಿಸುತ್ತಿದ್ದಾರೆ. ಜೊತೆಗೆ ಅಶ್ವಿನ್ ಬ್ಯಾಟಿಂಗ್​ನಲ್ಲಿ ನೆರವಾಗುತ್ತಿದ್ದಾರೆ. ಆದರೆ ಪರಾಗ್​ ಮಾತ್ರ ಸಿಕ್ಕ ಅವಕಾಶಗಳನ್ನು ಇನ್ನೂ ಸದುಪಯೋಗಪಡಿಸಿಕೊಂಡಿಲ್ಲ.

ಬೌಲಿಂಗ್ ವಿಭಾಗದಲ್ಲಿ ಡೆಲ್ಲಿ ಮತ್ತು ರಾಯಲ್ಸ್​ ಟೂರ್ನಿಯಲ್ಲೇ ಅತ್ಯುತ್ತಮ ದಾಳಿಯನ್ನು ಹೊಂದಿವೆ. ಪಂತ್​ ಬಳಗದಲ್ಲಿ ಮುಸ್ತಾಫಿಜುರ್ ರಹಮಾನ್, ಶಾರ್ದುಲ್ ಠಾಕೂರ್, ಖಲೀಲ್ ಅಹ್ಮದ್‌ರಂತಹ​ ಮಾರಕ ವೇಗಿಗಳಿದ್ದಾರೆ. ಇತ್ತ ರಾಯಲ್ಸ್​ ತಂಡದಲ್ಲಿ ವೇಗದ ಬೌಲಿಂಗ್ ಬೌಲ್ಟ್​ ಬಿಟ್ಟರೆ ಉಳಿದ ಬೌಲರ್​ಗಳು ಅಷ್ಟು ಮೊನಚು ಹೊಂದಿಲ್ಲ. ಆದರೆ ಸ್ಪಿನ್​ ವಿಭಾಗದಲ್ಲಿ ಯುಜ್ವೇಂದ್ರ ಚಹಲ್ ಮತ್ತು ಅಶ್ವಿನ್ ಅಂತಹ ವಿಶ್ವಶ್ರೇಷ್ಠರಿದ್ದಾರೆ. ಹೆಚ್ಚು ಕಡಿಮೆ ಸರಿಸಮನಾದ ಬಳಗವನ್ನು ಹೊಂದಿರುವ ಈ ಎರಡು ತಂಡಗಳ ನಡುವಿನ ಪಂದ್ಯ ಕ್ರಿಕೆಟ್ ಅಭಿಮಾನಿಗಳಿಗೆ ರಸದೌತಣ ನೀಡಲಿದೆ.

ಮುಖಾಮುಖಿ: ಉಭಯ ತಂಡಗಳ ನಡುವೆ ಇದುವರೆಗೆ 24 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ತಲಾ 12 ಜಯ ಸಾಧಿಸಿವೆ. ಕಳೆದ ಋತುವಿನಲ್ಲಿ ಆಡಿದ ಎರಡು ಪಂದ್ಯಗಳಲ್ಲಿ ತಲಾ 1 ಪಂದ್ಯವನ್ನು ಗೆದ್ದಿವೆ.