ಕೊನೆ ಓವರ್​ನಲ್ಲಿ ಮುಂಬೈ 'ಫಿನಿಶ್​' ಮಾಡಿದ ಧೋನಿ... ರೋಹಿತ್​ ಬಳಗಕ್ಕೆ ಸತತ 7ನೇ ಸೋಲು

ಮುಂಬೈ ಇಂಡಿಯನ್ಸ್​ ವಿರುದ್ಧದ ರೋಚಕ ಪಂದ್ಯದಲ್ಲಿ ಚೆನ್ನೈ ತಂಡದ ಮಾಜಿ ಕ್ಯಾಪ್ಟನ್​ ಮಹೇಂದ್ರ ಸಿಂಗ್​ ಧೋನಿ(28*) ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶನ ನೀಡಿದ್ದರಿಂದ ತಂಡ 3 ವಿಕೆಟ್​ಗಳ ರೋಚಕ ಗೆಲುವು ದಾಖಲು ಮಾಡಿದೆ.

ಮುಂಬೈ: 15ನೇ ಆವೃತ್ತಿ ಐಪಿಎಲ್​ ಟೂರ್ನಿಯ ನಿರ್ಣಾಯಕ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್​ ಪ್ರದರ್ಶನ ಪ್ರದರ್ಶನ ನೀಡಿದ ಮಹೇಂದ್ರ ಸಿಂಗ್​ ಧೋನಿ ಚೆನ್ನೈ ತಂಡವನ್ನ ಗೆಲುವಿನ ಗುರಿ ಮುಟ್ಟಿಸಿದರು. ಈ ಮೂಲಕ ಟೂರ್ನಿಯಲ್ಲಿ ಸಿಎಸ್​ಕೆ ಎರಡನೇ ಗೆಲುವು ದಾಖಲು ಮಾಡಿದ್ರೆ, ಮುಂಬೈ ಇಂಡಿಯನ್ಸ್​ ಸತತ 7ನೇ ಪಂದ್ಯದಲ್ಲಿ ಸೋತು ಮುಖಭಂಗ ಅನುಭವಿಸಿದೆ.

• Nobody finishes cricket matches like him and yet again MS Dhoni 28* (13) shows why he is the best finisher. A four off the final ball to take @ChennaiIPL home.
  
  What a finish! #TATAIPL #MIvCSK pic.twitter.com/oAFOOi5uyJ

  — IndianPremierLeague (@IPL) April 21, 2022 " class="align-text-top noRightClick twitterSection" data="

  Nobody finishes cricket matches like him and yet again MS Dhoni 28* (13) shows why he is the best finisher. A four off the final ball to take @ChennaiIPL home.
  
  What a finish! #TATAIPL #MIvCSK pic.twitter.com/oAFOOi5uyJ

  — IndianPremierLeague (@IPL) April 21, 2022

  ">

  Nobody finishes cricket matches like him and yet again MS Dhoni 28* (13) shows why he is the best finisher. A four off the final ball to take @ChennaiIPL home.
  
  What a finish! #TATAIPL #MIvCSK pic.twitter.com/oAFOOi5uyJ

  — IndianPremierLeague (@IPL) April 21, 2022

ಮುಂಬೈನ ಡಿವೈ ಪಾಟೀಲ ಕ್ರೀಡಾಂಗಣದಲ್ಲಿ ನಡೆದ ಮಹತ್ವದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಮುಂಬೈ ತಂಡ, ಬ್ಯಾಟಿಂಗ್ ವೈಫಲ್ಯದ ಹೊರತಾಗಿ ಕೂಡ ಯುವ ಬ್ಯಾಟರ್​ ತಿಲಕ್​ ವರ್ಮಾ ಆಕರ್ಷಕ ಅರ್ಧಶತಕದ ನೆರವಿನಿಂದ 20 ಓವರ್​ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 155 ರನ್​ಗಳಿಸಿತು.ಪವರ್​ ಪ್ಲೇ ನಲ್ಲೇ ಮುಖೇಶ್ ಚೌಧರಿ ದಾಳಿಗೆ ಸಿಲುಕಿ 3 ವಿಕೆಟ್ ಕಳೆದುಕೊಂಡಿತು. ನಾಯಕ ರೋಹಿತ್ ಶರ್ಮಾ(0), ಇಶಾನ್ ಕಿಶನ್ ಖಾತೆ ತೆರೆಯದೇ ವಿಕೆಟ್​ ಒಪ್ಪಿಸಿದರೆ, ಡೆವಾಲ್ಡ್ ಬ್ರೇವಿಸ್​ 4 ರನ್​ಗಳಿಸಿ ಔಟಾದರು. ಇನ್ನಿಂಗ್ಸ್​ 8ನೇ ಓವರ್​ನಲ್ಲಿ 21 ಎಸೆತಗಳಲ್ಲಿ 32 ರನ್​ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ಸೂರ್ಯಕುಮಾರ್ ಯಾದವ್​ ಸ್ಯಾಂಟ್ನರ್ ಬೌಲಿಂಗ್​ನಲ್ಲಿ ಚೌಧರಿಗೆ ಕ್ಯಾಚ್​ ನೀಡಿ ಪೆವಿಲಿಯನ್​ಗೆ ಸೇರಿಕೊಂಡರು.

ಮುಂಬೈ ಪರ 4ವಿಕೆಟ್​ ಪಡೆದುಕೊಂಡು ಸ್ಯಾಮ್ಸ್​

5ನೇ ಓವರ್​ನಲ್ಲಿ ಸಿಕ್ಕ ಜೀವದಾನವನ್ನು ಸದುಪಯೋಗಿಸಿಕೊಂಡ 19 ವರ್ಷದ ತಿಲಕ್​ ವರ್ಮಾ ಅಜೇಯ ಅರ್ಧಶತಕ ಸಿಡಿಸಿ ತಂಡದ ಮೊತ್ತವನ್ನು 150ರ ಗಡಿ ದಾಟಿಸಿದರು. ಈ ವೇಳೆ ಅವರು ಇಂದೇ ಪಂದ್ಯದಲ್ಲಿ ಪದಾರ್ಪಣೆ ಮಾಡಿದ ಹೃತಿಕ್ ಶೊಕೀನ್(25) ಜೊತೆಗೂಡಿ 5ನೇ ವಿಕೆಟ್​ಗೆ 38 ರನ್ ಸೇರಿಸಿದರು.

ನಂತರ ಬಂದ ಕೀರನ್ ಪೋಲಾರ್ಡ್(14) ಮತ್ತು ಡೇನಿಯಲ್ ಸ್ಯಾಮ್ಸ್​(5) ಮತ್ತೊಮ್ಮೆ ವಿಫಲರಾದರು. ಆದರೆ 8ನೇ ವಿಕೆಟ್​ ಜೊತೆಯಾಟದಲ್ಲಿ ತಿಲಕ್ ಮತ್ತು ಜಯದೇವ್​ ಉನಾದ್ಕತ್ 35 ರನ್​ ಸೇರಿಸುವ ಮೂಲಕ 156 ರನ್​ಗಳ ಸ್ಪರ್ಧಾತ್ಮಕ ಗುರಿ ನೀಡಲು ನೆರವಾದರು. 43 ಎಸೆತಗಳನ್ನು ಎದುರಿಸಿದ ತಿಲಕ್​ 3 ಬೌಂಡರಿ ಮತ್ತು 2 ಸಿಕ್ಸರ್​ಗಳ ಸಹಿತ ಅಜೇಯ 51 ಮತ್ತು ಉನಾದ್ಕತ್ 9 ಎಸೆತಗಳಲ್ಲಿ 19 ರನ್​ಗಳಿಸಿದರು. ಸಿಎಸ್​ಕೆ ಪರ ಮುಖೇಶ್ ಚೌಧರಿ 19ಕ್ಕೆ 3, ಡ್ವೇನ್ ಬ್ರಾವೋ 36ಕ್ಕೆ 2, ಸ್ಯಾಂಟ್ನರ್ ಮತ್ತು ತೀಕ್ಷಣ ತಲಾ ಒಂದು ವಿಕೆಟ್ ಪಡೆದರು.

ಸಿಎಸ್​ಕೆ ಇನ್ನಿಂಗ್ಸ್​: ಮುಂಬೈ ನೀಡಿದ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ್ದ ಚೆನ್ನೈ 20 ಓವರ್​ಗಳಲ್ಲಿ 7ವಿಕೆಟ್​ನಷ್ಟಕ್ಕೆ 156ರನ್​ಗಳಿಕೆ ಮಾಡಿ, ಗೆಲುವಿನ ನಗೆ ಬೀರಿದೆ.ಕೇವಲ 13ಎಸೆತಗಳಲ್ಲಿ ಅಜೇಯ 28ರನ್​ಗಳಿಕೆ ಮಾಡಿದ ಧೋನಿ ತಂಡ ಹೀರೋ ಆಗಿ ಹೊರಹೊಮ್ಮಿದರು. ಸಿಎಸ್​ಕೆ ತಂಡದ ಪರ ಬ್ಯಾಟಿಂಗ್ ಆರಂಭಿಸಿದ ಋತುರಾಜ್ ಗಾಯಕ್ವಾಡ(0) ನಿರಾಸೆ ಮೂಡಿಸಿ, ತಾವು ಎದುರಿಸಿದ ಮೊದಲ ಎಸೆತದಲ್ಲಿ ಸ್ಯಾಮ್ಸ್​ಗೆ ವಿಕೆಟ್​ ಒಪ್ಪಿಸಿದರು. ಇದರ ಬೆನ್ನಲ್ಲೇ ಬಂದ ಸ್ಯಾಂಟ್ನರ್ ಕೂಡ 11ರನ್​ಗಳಿಸಿದ ವೇಳೆ ಸ್ಯಾಮ್ಸ್​ಗೆ ಎರಡನೇ ಬಲಿಯಾದರು.

ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶಿಸಿದ ಮಹೇಂದ್ರ ಸಿಂಗ್​ ಧೋನಿ (13 ಎಸೆತ 28ರನ್​)

ಆದರೆ, ರಾಬಿನ್​ ಉತ್ತಪ್ಪ(30) ಜೊತೆಗೂಡಿದ ರಾಯುಡು ಉತ್ತಮ ರನ್​ ಕಲೆ ಹಾಕಿದರು. ಈ ಜೋಡಿ ಬೇರ್ಪಡಿಸುವಲ್ಲಿ ಉನ್ಕಾದತ್ ಯಶಸ್ವಿಯಾದರು. 30ರನ್​ಗಳಿಸಿದ ಉತ್ತಪ್ಪ ವಿಕೆಟ್​ ಪಡೆದುಕೊಂಡರು. ಇದಾದ ಬಳಿಕ ಬಂದ ದುಬೆ(13ರನ್​), ಜಡೇಜಾ(3ರನ್​) ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ ಸೇರಿಕೊಂಡರು.

ತಂಡಕ್ಕೆ ಆಸರೆಯಾದ ಧೋನಿ-ಪ್ರಿಟೋರಿಯಸ್​: ಮುಂಬೈ ದಾಳಿಗೆ ಸಿಎಸ್​ಕೆ ಮೇಲಿಂದ ಮೇಲೆ ವಿಕೆಟ್​ ಕಳೆದುಕೊಂಡರೂ ತಂಡಕ್ಕೆ ಧೋನಿ-ಪ್ರಿಟೋರಿಯಸ್ ಆಸರೆಯಾದರು. ಪ್ರಿಟೋರಿಯಸ್ ಕೇವಲ 14 ಎಸೆತಗಳಲ್ಲಿ 22ರನ್​ಗಳಿಸಿ ಔಟಾದರೆ, ಧೋನಿ 13 ಎಸೆತಗಳಲ್ಲಿ ಅಜೇಯ 28ರನ್​ಗಳಿಸಿ ತಂಡವನ್ನ ಗೆಲುವಿನ ಗುರಿ ಮುಟ್ಟಿಸಿದರು. ಜೊತೆಗೆ ತಾವು ಮ್ಯಾಚ್​ ಫಿನಿಶರ್​ ಎಂಬುದನ್ನ ಮತ್ತೊಮ್ಮೆ ಸಾಭೀತು ಮಾಡಿದರು.

ಮುಂಬೈ ಪರ ಉತ್ತಮ ಬೌಲಿಂಗ್​ ಮಾಡಿದ ಸ್ಯಾಮ್ಸ್​ 4ವಿಕೆಟ್​, ಉನ್ಕಾದತ್​ 2 ವಿಕೆಟ್​ ಪಡೆದರೆ, ಮೆರಡಿತ್ 1ವಿಕೆಟ್​ ಪಡೆದರು.