ವಿರಾಟ್​ - ಗಂಭೀರ್​ ವಾಗ್ವಾದ: ಜಾಗೃತಿ ಮೂಡಿಸಿದ ಹುಬ್ಬಳ್ಳಿ ಧಾರವಾಡ ಪೊಲೀಸರು

ವಿರಾಟ್​ ಕೊಹ್ಲಿ ಮತ್ತು ಗೌತಮ್​ ಗಂಭೀರ್ ಅವರ ಗಲಾಟೆಯನ್ನು ಹುಬ್ಬಳ್ಳಿ ಧಾರವಾಡ ಪೊಲೀಸರು ತುರ್ತು ಸಹಾಯವಾಣಿಯ ಜಾಗೃತಿಗೆ ಬಳಕೆ ಮಾಡಿಕೊಂಡಿದ್ದಾರೆ.

ಮಾಜಿ ಕ್ರಿಕೆಟಿಗ ಮತ್ತು ಲಕ್ನೋ ಸುಪರ್​ ಜೈಂಟ್ಸ್​ ಮೆಂಟರ್​ ಗೌತಮ್​ ಗಂಭೀರ್​ ಮತ್ತು ರನ್ ಮಷಿನ್​ ವಿರಾಟ್​ ಕೊಹ್ಲಿ ಮಧ್ಯೆ ಮತ್ತೆ ಮಾತಿನ ಚಕಮಕಿ ನಡೆದಿದೆ. ಲಕ್ನೋ ಎದುರು ಆರ್​ಸಿಬಿ 18 ರನ್​ಗಳ ಗೆಲುವು ಸಾಧಿಸಿದ ನಂತರ ಹಸ್ತಲಾಘವದ ಮುಖಾಮುಖಿಯಾದ ಆಟಗಾರರು ಪರಸ್ಪರ ಬೈದಾಡಿಕೊಂಡಿದ್ದರು. ಇದಕ್ಕಾಗಿ ಇಬ್ಬರಿಗೂ ದಂಡ ವಿಧಿಸಲಾಗಿದೆ.

ಇದು ಎರಡು ದಿನದಿಂದ ಚರ್ಚೆಯಲ್ಲಿರುವ ವಿಷಯವಾಗಿದೆ. ಅನುಭವಿಗಳಿಬ್ಬರು ಮೈದಾನದಲ್ಲಿ ಈ ರೀತಿ ಮಾತನಾಡಿಕೊಳ್ಳುವುದು ಎಷ್ಟು ಸರಿ ಎಂದು ಕೆಲವರು ಹೇಳುತ್ತಾರೆ. ಸ್ಟಾರ್​ ಸ್ಪೋರ್ಟ್​ನಲ್ಲಿ ರವಿಶಾಸ್ತ್ರಿ ಬಳಿ ಅಭಿಮಾನಿ ಒಬ್ಬ ವಿರಾಟ್​ ಅವರು ಮಾಡುವ ಸೆಲಬ್ರೇಷನ್​ ಅನ್ನು ನೀವು ಕೋಚ್​ ಆಗಿದ್ದಾಗ ತಡೆಯುತ್ತಿದ್ದಿರಾ ಎಂದು ಕೇಳಿದ್ದ. ಇದಕ್ಕೆ ಉತ್ತರಿಸಿದ ಶಾಸ್ತ್ರಿ "ಸಂತೋಷವನ್ನು ವ್ಯಕ್ತಪಡಿಸಲು ಎಲ್ಲರಿಗೂ ಅವಕಾಶವಿದೆ" ಎಂದಿದ್ದಾರೆ.

• ಅಂತಾ ಟೈಮ್ ನ್ಯಾಗ ನೀವ ನಮ್ಮ #ERSS112 ಗ ಕಾಲ್ ಮಾಡ್ಬೇಕಿತ್ರೀ..
  
  ಯಾವುದೇ #ಗಂಭೀರ ಸಮಸ್ಯೆಗಳು ಉಂಟಾದಾಗ 112 ಗೆ ಕರೆ ಮಾಡಿ..#ವಿರಾಟ ರೂಪದಲ್ಲಿ ಸಹಾಯ ಮಾಡಾಕ ಹುಧಾ ನಗರ ಪೋಲಿಸ್ ಸದಾ ಸಿದ್ಧವಾಗಿರುತ್ತದೆ.
  
  ಗೊತ್ತಲ್ಲಾ ನಮ್ಮ ರೀಚ್ ಟೈಮ್..🙋#Dial112 incase of any emergency..!#RCBVSLSG #ViratKohli @RCBTweets pic.twitter.com/efvrz7PXFo

  — Hubballi-Dharwad City Police. ಹು-ಧಾ ನಗರ ಪೊಲೀಸ್ (@compolhdc) May 2, 2023 " class="align-text-top noRightClick twitterSection" data="

  ಅಂತಾ ಟೈಮ್ ನ್ಯಾಗ ನೀವ ನಮ್ಮ #ERSS112 ಗ ಕಾಲ್ ಮಾಡ್ಬೇಕಿತ್ರೀ..
  
  ಯಾವುದೇ #ಗಂಭೀರ ಸಮಸ್ಯೆಗಳು ಉಂಟಾದಾಗ 112 ಗೆ ಕರೆ ಮಾಡಿ..#ವಿರಾಟ ರೂಪದಲ್ಲಿ ಸಹಾಯ ಮಾಡಾಕ ಹುಧಾ ನಗರ ಪೋಲಿಸ್ ಸದಾ ಸಿದ್ಧವಾಗಿರುತ್ತದೆ.
  
  ಗೊತ್ತಲ್ಲಾ ನಮ್ಮ ರೀಚ್ ಟೈಮ್..🙋#Dial112 incase of any emergency..!#RCBVSLSG #ViratKohli @RCBTweets pic.twitter.com/efvrz7PXFo

  — Hubballi-Dharwad City Police. ಹು-ಧಾ ನಗರ ಪೊಲೀಸ್ (@compolhdc) May 2, 2023

  ">

  ಅಂತಾ ಟೈಮ್ ನ್ಯಾಗ ನೀವ ನಮ್ಮ #ERSS112 ಗ ಕಾಲ್ ಮಾಡ್ಬೇಕಿತ್ರೀ..
  
  ಯಾವುದೇ #ಗಂಭೀರ ಸಮಸ್ಯೆಗಳು ಉಂಟಾದಾಗ 112 ಗೆ ಕರೆ ಮಾಡಿ..#ವಿರಾಟ ರೂಪದಲ್ಲಿ ಸಹಾಯ ಮಾಡಾಕ ಹುಧಾ ನಗರ ಪೋಲಿಸ್ ಸದಾ ಸಿದ್ಧವಾಗಿರುತ್ತದೆ.
  
  ಗೊತ್ತಲ್ಲಾ ನಮ್ಮ ರೀಚ್ ಟೈಮ್..🙋#Dial112 incase of any emergency..!#RCBVSLSG #ViratKohli @RCBTweets pic.twitter.com/efvrz7PXFo

  — Hubballi-Dharwad City Police. ಹು-ಧಾ ನಗರ ಪೊಲೀಸ್ (@compolhdc) May 2, 2023

ಈ ಘಟನೆಯನ್ನು ಹುಬ್ಬಳ್ಳಿ ಧಾರವಾಡದ ಅವಳಿ ನಗರದ ಪೋಲೀಸರು ಜಾಗೃತಿಗೆ ಬಳಸಿಕೊಂಡಿದ್ದಾರೆ. ತುರ್ತು ಪ್ರತಿಕ್ರಿಯೆ ಬೆಂಬಲ ವ್ಯವಸ್ಥೆ (Emergency Response Support System-ERSS112)ಯ ಬಗ್ಗೆ ಜನಕ್ಕೆ ಟ್ವಿಟರ್​ನಲ್ಲಿ 112ನ ಬಳಕೆ ಬಗ್ಗೆ ಬರೆದುಕೊಂಡಿದ್ದಾರೆ. "ಅಂತಾ ಟೈಮ್ ನ್ಯಾಗ ನೀವ ನಮ್ಮ #ERSS112 ಗ ಕಾಲ್ ಮಾಡ್ಬೇಕಿತ್ರೀ.. ಯಾವುದೇ #ಗಂಭೀರ ಸಮಸ್ಯೆಗಳು ಉಂಟಾದಾಗ 112 ಗೆ ಕರೆ ಮಾಡಿ.. #ವಿರಾಟ ರೂಪದಲ್ಲಿ ಸಹಾಯ ಮಾಡಾಕ ಹುಧಾ ನಗರ ಪೋಲಿಸ್ ಸದಾ ಸಿದ್ಧವಾಗಿರುತ್ತದೆ. ಗೊತ್ತಲ್ಲಾ ನಮ್ಮ ರೀಚ್ ಟೈಮ್.." ಎಂದು ಆರ್​ಸಿಬಿಗೆ ಟ್ಯಾಗ್​ ಮಾಡಿ ಟ್ವಿಟ್​ ಮಾಡಿದೆ.

ಕೊಹ್ಲಿ ಸನ್ಹೆ ಮೂಲಕ ತಿರುಗೇಟು: ಈ ಆವೃತ್ತಿಯ ಮೊದಲ ಮುಖಾಮುಖಿಯಲ್ಲಿ ಬೆಂಗಳೂರು ಕೊಟ್ಟಿದ್ದ ಬೃಹತ್​ ಮೊತ್ತವನ್ನು ಲಕ್ನೋ ಗೆದ್ದು ಜೋರಾಗಿಯೇ ಸಂಭ್ರಮಿಸಿತ್ತು. ಈ ಪಂದ್ಯ ಏಪ್ರಿಲ್​ 10 ರಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದಿತ್ತು. ಆರ್​ಸಿಬಿ ಪಂದ್ಯದಲ್ಲಿ ಸೋತರೂ ಅಭಿಮಾನಿಗಳು ತಂಡವನ್ನು ಹುರಿದುಂಬಿಸುತ್ತಿದ್ದರು. ಇದು ಗಂಭೀರ್​ಗೆ ಕೋಪ ತರಿಸಿತ್ತು. ಪ್ರೇಕ್ಷರತ್ತ ತಿರುಗಿ ಬಾಯಿ ಮುಚ್ಚಿಕೊಂಡಿರುವಂತೆ ಸನ್ಹೆ ಮಾಡಿದ್ದರು. ಇದಲ್ಲದೇ ರವಿ ಬಿಷ್ನೋಯ್​ ಹೆಲ್ಮೆಟ್​ ನೆಲಕ್ಕೆ ಎಸೆದು ಸಂಭ್ರಮಿಸಿದ್ದರು.

ಇದಕ್ಕೆ ಪ್ರತ್ಯುತ್ತರವಾಗಿ ಕೊಹ್ಲಿ ಲಕ್ನೋದಲ್ಲಿ ನಡೆದ ಪಂದ್ಯದಲ್ಲಿ ಅಭಿಮಾನಿಗಳನ್ನು ಗುರಿಯಾಗಿಸಿಕೊಂಡು ಸನ್ಹೆ ಮಾಡಿದ್ದರು. ಅಲ್ಲದೇ, ಆರ್​ಸಿಬಿ ಅಭಿಮಾನಿಗಳಿಗೆ ಸುಮ್ಮನಿರಬೇಡಿ ಎಂದು ಟೀಶರ್ಟ್​ ಮೇಲಿದ್ದ ಲೋಗೋ ತೋರಿಸಿ, ಸಂಭ್ರಮಿಸಲು ಸೂಚಿಸಿದ್ದರು.

ಶೇ 100ರಷ್ಟು ದಂಡ: ಮೈದಾನದಲ್ಲಿ ವಾಗ್ವಾದ ಮಾಡಿಕೊಂಡು ಐಪಿಎಲ್​ನ ನೀತಿ ಸಂಹಿತೆ ಉಲ್ಲಂಘಿಸಿದ ಗಂಭೀರ್​ ಮತ್ತು ವಿರಾಟ್​ಗೆ ಪಂದ್ಯದ ಶೇ.100 ರಷ್ಟು ದಂಡ ವಿಧಿಸಲಾಗಿದೆ. ಐಪಿಎಲ್‌ನ ನೀತಿ ಸಂಹಿತೆಯ ಲೆವೆಲ್ ಎರಡರ ಅಪರಾಧದಡಿ ಆಟಗಾರರಿಗೆ ದಂಡ ಹಾಕಲಾಗಿದೆ. ಇದನ್ನು ಇಬ್ಬರೂ ಆಟಗಾರರು ಒಪ್ಪಿಕೊಂಡಿದ್ದಾರೆ. ಪಂದ್ಯದ ನಡುವೆ ವಿರಾಟ್​ ಅವರ ಜೊತೆ ಅನುಚಿತವಾಗಿ ವರ್ತಿಸಿದ ನವೀನ್ ಉಲ್ ಹಕ್​ಗೂ ಪಂದ್ಯದ ಶುಲ್ಕದ ಶೇ.50 ರಷ್ಟು ದಂಡ ವಿಧಿಸಲಾಗಿದೆ.

ಇದನ್ನೂ ಓದಿ: ನಿವೃತ್ತಿಯ ಬಗ್ಗೆ ಮೌನ ಮುರಿದ ಧೋನಿ.. ಇದು ಕ್ಯಾಪ್ಟನ್​ ಕೂಲ್​ಗೆ ಕೊನೆಯ ಆವೃತ್ತಿ ಅಲ್ಲ!