GT vs SRH: ಐಪಿಎಲ್​ ಚೊಚ್ಚಲ ಶತಕ ಗಳಿಸಿದ ಶುಭಮನ್​ ಗಿಲ್​ : ಸನ್​ ರೈಸರ್ಸ್​ಗೆ 189 ರನ್​ನ ಗುರಿ

ಗಿಲ್​ ಮತ್ತು ಸಾಯಿ ಸುದರ್ಶನ್​ ಅವರ 145 ರನ್​ನ ಜೊತೆಯಾಟದ ನೆರವಿನಿಂದ ಗುಜರಾತ್​ 9 ವಿಕೆಟ್​ ನಷ್ಟಕ್ಕೆ 188 ರನ್ ಗಳಿಸಿದೆ.

ಅಹಮದಾಬಾದ್​ (ಗುಜರಾತ್​): ಗೋಲ್ಡನ್​ ಫಾರ್ಮ್​ನಲ್ಲಿರುವ ಶುಭಮನ್​​ ಗಿಲ್​ ಚೊಚ್ಚಲ ಐಪಿಎಲ್​ ಶಕತ ದಾಖಲಿಸಿ ಗುಜರಾತ್​ ಟೈಟಾನ್ಸ್​ನ್ನು ಪ್ಲೇ ಆಫ್​ ಪ್ರವೇಶಕ್ಕೆ ತೆಗೆದುಕೊಂಡು ಹೋಗಲು ಉತ್ತಮ ಇನ್ನಿಂಗ್ಸ್​ ಕಟ್ಟಿದರು. ಈ ಮೂಲಕ ಗಿಲ್ ಆಡಿದ ಎಲ್ಲಾ ಮಾದರಿಯಲ್ಲೂ ಶತಕ ಗಳಿಸಿದ ಬ್ಯಾಟರ್​ ಎಂಬ ಖ್ಯಾತಿಗೆ ಪಾತ್ರರಾದರು.

ಇವರ ಜೊತೆಗೆ ಸಾಯಿ ಸುದರ್ಶನ್​ ಗಳಿಸಿದ 47 ರನ್​ನ ಸಹಾಯದಿಂದ ಗುಜರಾತ್​ ನಿಗಧಿತ ಓವರ್​ ಅಂತ್ಯಕ್ಕೆ 9 ವಿಕೆಟ್​ ನಷ್ಟಕ್ಕೆ 188 ರನ್ ಗಳಿಸಿತು. ಸನ್​ ರೈಸರ್ಸ್​ ಹೈದರಾಬಾದ್ ಗೆಲುವಿಗೆ 189 ರನ್​ನ ಅಗತ್ಯವಿದೆ.

ಟಾಸ್​ ಸೋತು ತವರು ಮೈದಾನದಲ್ಲಿ ಗುಜರಾತ್​ ಮೊದಲು ಬ್ಯಾಟಿಂಗ್​ಗೆ ಇಳಿಯಿತು. ಮೊದಲ ಮೂರನೇ ಬಾಲ್​ಗೆ ಆರಂಭಿಕ ವೃದ್ಧಿಮಾನ್​ ಸಹಾ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರು. ಅವರ ನಂತರ ಬಂದ ಸಾಯಿ ಸುದರ್ಶನ್​ ಗಿಲ್​ಗೆ ಜೊತೆಯಾದರು. 2022ರ ಕೊನೆಯಿಂದ ಉತ್ತಮ ಫಾರ್ಮ್​ನಲ್ಲಿರುವ ಶುಭಮನ್​ ಗಿಲ್​ ಅಂತರಾಷ್ಟ್ರೀಯ ಕ್ರಿಕೆಟ್​ನ ಎಲ್ಲಾ ಮಾದರಿಯಲ್ಲೂ ಆಡಿದ್ದು, ಎಲ್ಲದರಲ್ಲೂ ಶತಕ ಗಳಿಸಿದ್ದಾರೆ. ಐಪಿಎಲ್​ನಲ್ಲಿ ಲಕ್ನೋ ವಿರುದ್ಧ 94 ರನ್​ಗಳಿಸಿ ಔಟ್​ ಆಗಿ 6 ರನ್​ನಿಂದ ಶತಕ ವಂಚಿತರಾಗಿದ್ದರು.

• 𝙈𝘼𝙄𝘿𝙀𝙉 𝙄𝙋𝙇 𝘾𝙀𝙉𝙏𝙐𝙍𝙔! 💯
  
  A magnificent TON comes up for @ShubmanGill 👏🏻👏🏻 #TATAIPL | #GTvSRH | @gujarat_titans pic.twitter.com/YZHhiw8RkN

  — IndianPremierLeague (@IPL) May 15, 2023 " class="align-text-top noRightClick twitterSection" data="

  𝙈𝘼𝙄𝘿𝙀𝙉 𝙄𝙋𝙇 𝘾𝙀𝙉𝙏𝙐𝙍𝙔! 💯
  
  A magnificent TON comes up for @ShubmanGill 👏🏻👏🏻 #TATAIPL | #GTvSRH | @gujarat_titans pic.twitter.com/YZHhiw8RkN

  — IndianPremierLeague (@IPL) May 15, 2023

  ">

  𝙈𝘼𝙄𝘿𝙀𝙉 𝙄𝙋𝙇 𝘾𝙀𝙉𝙏𝙐𝙍𝙔! 💯
  
  A magnificent TON comes up for @ShubmanGill 👏🏻👏🏻 #TATAIPL | #GTvSRH | @gujarat_titans pic.twitter.com/YZHhiw8RkN

  — IndianPremierLeague (@IPL) May 15, 2023

ಮೊದಲ ವಿಕೆಟ್​ ಪತನದ ನಂತರ ಒಂದಾದ ಗಿಲ್​ ಸಾಯಿ ಜೋಡಿ ಗುಜರಾತ್​ ಟೈಟಾನ್ಸ್​ನ ಬೃಹತ್ ಜೊತೆಯಾಟ ದಾಖಲಿಸಿದರು. ಈ ಜೋಡಿ 1 ರಿಂದ 15ನೇ ಓವರ್​ ವರೆಗೆ ಜೊತೆಯಾಟ ಮಾಡಿ 147 ರನ್​ ಗಳಿಸಿತು. 47 ರನ್​ ಗಳಿಸಿದ್ದ ಸಾಯಿ ಸುದರ್ಶನ್​ ಜಾನ್ಸನ್​ಗೆ ವಿಕೆಟ್​ ಕೊಟ್ಟರು. ಇವರ ಇನ್ನಿಂಗ್ಸ್​ 6 ಬೌಂಡರಿ 1 ಸಿಕ್ಸ್​ ಒಳಗೊಂಡಿತ್ತು.

ಸುದರ್ಶನ್ ನಂತರ ಬಂದ ನಾಯಕ ಹಾರ್ದಿಕ್ ಪಾಂಡ್ಯ ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ನಿಲ್ಲಲಿಲ್ಲ. ಹಾರ್ದಿಕ್​ 8 ರನ್​ಗೆ ಔಟ್​ ಆದರೆ, ಮಿಲ್ಲರ್ (7) ಮತ್ತು​ ತೆವಾಟಿಯ (3) ಕೂಡ ಹಾರ್ದಿಕ್​ ಬೆನ್ನಲ್ಲೇ ವಿಕೆಟ್​ ಕಳೆದುಕೊಂಡರು. ನಂತರ ಇಂದಿನ ಪಂದ್ಯದಲ್ಲಿ ಐಪಿಎಲ್​ಗೆ ಪಾದಾರ್ಪಣೆ ಮಾಡಿದ ಲಂಕಾ ಬ್ಯಾಟರ್​ ಶನಕ ಬಂದರು.

ಐಪಿಎಲ್​ ಚೊಚ್ಚಲ ಶತಕ ಗಳಿಸಿದ ಗಿಲ್​: ಒಂದೆಡೆ ಸುದರ್ಶನ್​ ಜೊತೆಗೆ 147 ರನ್​ ಜೊತೆಯಾಟ ಮಾಡಿದ ಗಿಲ್​, ನಂತರ ಯಾವುದೇ ಜೊತೆಯಾಟ ಸಿಗದೆ ಸಮಸ್ಯೆ ಎದುರಿಸಿದರು. ಆದರೂ ಏಕಾಂಗಿಯಾಗಿ ಆಡಿದ ಅವರು 58 ಬಾಲ್​ನಲ್ಲಿ 13 ಬೌಂಡರಿ ಮತ್ತು 1 ಸಿಕ್ಸ್​ನಿಂದ 101 ರನ್​ ಗಳಿಸಿ ಔಟ್​ ಆದರು.

ಹ್ಯಾಟ್ರಿಕ್ ಮತ್ತು ಐದು ವಿಕೆಟ್​ ಸಾಧನೆ ಮಾಡಿದ ಭುವನೇಶ್ವರ್​: ಈ ಆವೃತ್ತಿಯ ಎರಡನೇ ಹ್ಯಾಟ್ರಿಕ್​ ವಿಕೆಟ್​ ಸಾಧನೆ ಇಂದಿನ ಪಂದ್ಯದಲ್ಲಿ ಆಯಿತು. ಕೊನೆಯ ಓವರ್​ ಮಾಡಲು ಬಂದ ಭುವನೇಶ್ವರ್​ ಕುಮಾರ್​ 19.1ನೇ ಬಾಲ್​ನಲ್ಲಿ ಗಿಲ್​, 19.2ನೇ ಬಾಲ್​ನಲ್ಲಿ ರಶೀದ್​ ಖಾನ್​, 19.3 ನೇ ಬಾಲ್​ನಲ್ಲಿ ನೂರ್​ ಅಹಮ್ಮದ್ ವಿಕೆಟ್​ ಪಡೆದರು. 4ನೇ ಬಾಲ್​ 1 ರನ್​ ಬಂದರೆ 5ನೇ ಬಾಲ್​ಗೆ ಮತ್ತೆ ವಿಕೆಟ್​ ಪಡೆದರು. ಒಟ್ಟು ಈ ಪಂದ್ಯದಲ್ಲಿ 4 ಓವರ್​ ಮಾಡಿದ ಭುವಿ ​5 ವಿಕೆಟ್​ ಪಡೆದು 30 ರನ್​ ಬಿಟ್ಟುಕೊಟ್ಟರು. ಇವರ ಜೊತೆಗೆ ಮಾರ್ಕ್ ಜಾನ್ಸೆನ್, ಫಜಲ್ಹಕ್ ಫಾರೂಕಿ ಮತ್ತು ಟಿ ನಟರಾಜನ್ ತಲಾ ಒಂದು ವಿಕೆಟ್​ ಪಡೆದುರು. ​

ತಂಡಗಳು ಇಂತಿವೆ..: ಗುಜರಾತ್​ ಟೈಟಾನ್ಸ್​: ಶುಭಮನ್ ಗಿಲ್, ವೃದ್ಧಿಮಾನ್ ಸಹಾ(ವಿಕೆಟ್​ ಕೀಪರ್​​), ಸಾಯಿ ಸುದರ್ಶನ್, ಹಾರ್ದಿಕ್ ಪಾಂಡ್ಯ(ನಾಯಕ), ಡೇವಿಡ್ ಮಿಲ್ಲರ್, ದಾಸುನ್ ಶನಕ, ರಾಹುಲ್ ತೆವಾಟಿಯಾ, ಮೋಹಿತ್ ಶರ್ಮಾ, ರಶೀದ್ ಖಾನ್, ಮೊಹಮ್ಮದ್ ಶಮಿ, ನೂರ್ ಅಹ್ಮದ್

ಸನ್​ ರೈಸರ್ಸ್​ ಹೈದರಾಬಾದ್​​: ಅಭಿಷೇಕ್ ಶರ್ಮಾ, ರಾಹುಲ್ ತ್ರಿಪಾಠಿ, ಏಡೆನ್ ಮಾರ್ಕ್ರಾಮ್ (ನಾಯಕ), ಹೆನ್ರಿಚ್ ಕ್ಲಾಸೆನ್(ವಿಕೆಟ್​ ಕೀಪರ್​), ಅಬ್ದುಲ್ ಸಮದ್, ಸನ್ವಿರ್ ಸಿಂಗ್, ಮಯಾಂಕ್ ಮಾರ್ಕಾಂಡೆ, ಮಾರ್ಕೊ ಜಾನ್ಸೆನ್, ಭುವನೇಶ್ವರ್ ಕುಮಾರ್, ಫಜಲ್ಹಕ್ ಫಾರೂಕಿ, ಟಿ ನಟರಾಜನ್

ಇನ್ನೂ ಓದಿ: ನಾಲ್ಕನೇ ಸಲ ಸೊನ್ನೆ ಸುತ್ತಿದ ಬಟ್ಲರ್​: ಸೊನ್ನೆ ವೀರರ ಪಟ್ಟಿಗೆ ಸ್ಟಾರ್​ ಬ್ಯಾಟರ್​