ಗುಜರಾತ್​ ಆಲ್​​ರೌಂಡ್​ ಆಟಕ್ಕೆ ಮುಂಬೈ ಬೆಚ್ಚು: ಹಾರ್ದಿಕ್​ ಪಡೆಗೆ 55 ರನ್​ಗಳ ಭರ್ಜರಿ ಜಯ

ಮೋದಿ ಕ್ರೀಡಾಂಗಣದಲ್ಲಿ ಬ್ಯಾಟಿಂಗ್​, ಬೌಲಿಂಗ್​ನಲ್ಲಿ ಮಿಂಚಿದ ಗುಜರಾತ್​ ಟೈಟಾನ್ಸ್ ಮುಂಬೈ ಇಂಡಿಯನ್ಸ್​ ವಿರುದ್ಧ 55 ರನ್​ಗಳ ಗೆಲುವು ಸಾಧಿಸಿತು. ಈ ಗೆಲುವಿನ ಮೂಲಕ ಗುಜರಾತ್ ತಂಡ ಪಾಯಿಂಟ್​ ಪಟ್ಟಿಯಲ್ಲಿ 2 ನೇ ಸ್ಥಾನಕ್ಕೇರಿತು.

ಅಹಮದಾಬಾದ್​: ಮುಂಬೈ ಇಂಡಿಯನ್ಸ್​ ತಂಡ ಐಪಿಎಲ್​ನ 5 ಬಾರಿಯ ಚಾಂಪಿಯನ್ ಆಗಿರುವ ಸಂಗತಿ ಗೊತ್ತೇ ಇದೆ. ತಂಡ ​ರೋಹಿತ್​ ಶರ್ಮಾ, ಸೂರ್ಯಕುಮಾರ್​ ಯಾದವ್​, ಇಶಾನ್ ಕಿಶನ್​ರಂತಹ ದೈತ್ಯ ಬ್ಯಾಟಿಂಗ್​ ಪಡೆಯನ್ನೇ ಹೊಂದಿದೆ. ಆದರೆ, ತಂಡದ ಸಾಂಘಿಕ ಪ್ರದರ್ಶನ ಮಾತ್ರ ಗೌಣವಾಗಿದೆ. ಈ ಸೀಸನ್​ನ ಮೊದಲೆರಡು ಪಂದ್ಯಗಳನ್ನು ಸೋತು ಟೀಕೆಗೆ ಗುರಿಯಾಗಿದ್ದ ತಂಡ, ಭರ್ಜರಿ ಕಮ್​ಬ್ಯಾಕ್​ ಮಾಡಿ ಮುಂದಿನ ಮೂರೂ ಮ್ಯಾಚ್​ ಗೆದ್ದಿತ್ತು. ಇದೀಗ ಮತ್ತೆ ಸತತ 2 ಪಂದ್ಯದಲ್ಲಿ ಸೋತಿದೆ.

ಅಹಮದಾಬಾದ್​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಗುಜರಾತ್​ ಟೈಟಾನ್ಸ್​ ಎದುರಿನ ಸವಾಲಿನಲ್ಲಿ ಮುಂಬೈ ಇಂಡಿಯನ್ಸ್​ ಮುಗ್ಗರಿಸಿದೆ. ಬ್ಯಾಟಿಂಗ್​ ವೈಫಲ್ಯದಿಂದಾಗಿ 55 ರನ್​ಗಳ ಸೋಲು ಕಂಡಿತು. ಮೊದಲು ಬ್ಯಾಟ್​ ಮಾಡಿ ಗುಜರಾತ್​ ಟೈಟಾನ್ಸ್ ನೀಡಿದ 207 ರನ್​​ಗಳ ಸವಾಲಿಗೆ ಉತ್ತರವಾಗಿ ಮುಂಬೈ 152 ರನ್​ ಮಾತ್ರ ಗಳಿಸಿ ಸೋಲು ಕಂಡಿತು.

• For his cracking 42 off just 21 deliveries in the first innings, Abhinav Manohar receives the Player of the Match award 👏🏻👏🏻 @gujarat_titans complete a 55-run win over #MI 👌🏻👌🏻
  
  Scorecard ▶️ https://t.co/PXDi4zeBoD#TATAIPL | #GTvMI pic.twitter.com/UqvluOyFVS

  — IndianPremierLeague (@IPL) April 25, 2023 " class="align-text-top noRightClick twitterSection" data="

  For his cracking 42 off just 21 deliveries in the first innings, Abhinav Manohar receives the Player of the Match award 👏🏻👏🏻 @gujarat_titans complete a 55-run win over #MI 👌🏻👌🏻
  
  Scorecard ▶️ https://t.co/PXDi4zeBoD#TATAIPL | #GTvMI pic.twitter.com/UqvluOyFVS

  — IndianPremierLeague (@IPL) April 25, 2023

  ">

  For his cracking 42 off just 21 deliveries in the first innings, Abhinav Manohar receives the Player of the Match award 👏🏻👏🏻 @gujarat_titans complete a 55-run win over #MI 👌🏻👌🏻
  
  Scorecard ▶️ https://t.co/PXDi4zeBoD#TATAIPL | #GTvMI pic.twitter.com/UqvluOyFVS

  — IndianPremierLeague (@IPL) April 25, 2023

ಫ್ಲಾಪ್​ ಬ್ಯಾಟಿಂಗ್​: ನೇಹಲ್​ ವಧೇರಾ, ಕ್ಯಾಮರೂನ್​ ಗ್ರೀನ್​ ಹೊರತುಪಡಿಸಿ ಯಾವೊಬ್ಬ ಬ್ಯಾಟರ್​ ಕೂಡ ಗುಜರಾತ್​ ಬೌಲಿಂಗ್​ ಎದುರಿಸಲಿಲ್ಲ. ನಾಯಕ ರೋಹಿತ್​ ಶರ್ಮಾ 2, ಇಶಾನ್​ ಕಿಶನ್​ 13, ಕೆಲ ಪಂದ್ಯಗಳಲ್ಲಿ ಮಿಂಚು ಹರಿಸಿದ್ದ ತಿಲಕ್​ ವರ್ಮಾ 2, ಟಿಮ್​ ಡೇವಿಡ್​ ಸೊನ್ನೆ ಸುತ್ತುವ ಮೂಲಕ ಶಸ್ತ್ರತ್ಯಾಗ ಮಾಡಿದರು. ಇದರಿಂದ ತಂಡ ರನ್​ ಗಳಿಸಲು ಪರದಾಡಿತು. ಕಳೆದೆರಡು ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿರುವ ಆಲ್​ರೌಂಡರ್​ ಕ್ಯಾಮರೂನ್​ ವೈಟ್​ 33 ರನ್​ ಗಳಿಸಿ ಮತ್ತೊಮ್ಮೆ ತಂಡಕ್ಕೆ ನೆರವಾದರು.

ಸತತ ವಿಕೆಟ್​ ಕಳೆದುಕೊಳ್ಳುತ್ತಿದ್ದರೂ ನೇಹಲ್​ ವಧೇರಾ ಉತ್ತಮವಾಗಿ ಬ್ಯಾಟ್​ ಬೀಸಿದರು. ತಲಾ 3 ಬೌಂಡರಿ, ಸಿಕ್ಸರ್​ ಸಮೇತ 40 ರನ್​​ ಮಾಡಿ ತಂಡದ ಗರಿಷ್ಠ ಸ್ಕೋರರ್​ ಆದರು. ಬೌಲಿಂಗ್​ನಲ್ಲಿ ಮಿಂಚಿದ್ದ ಹಿರಿಯ ಸ್ಪಿನ್ನರ್​ ಪಿಯೂಷ್​ ಚಾವ್ಲಾ 18 ರನ್​ ಗಳಿಸಿದರು. ಗುಜರಾತ್​ ಕರಾರುವಾಕ್​ ಬೌಲಿಂಗ್​ ದಾಳಿಗೆ ನಲುಗಿದ ಮುಂಬೈ 9 ವಿಕೆಟ್​ಗೆ 152 ರನ್​ ಮಾತ್ರ ಗಳಿಸಿತು.

ಗುಜರಾತ್​ ಪರವಾಗಿ ಮೊಹಮದ್​ ಶಮಿ ಯಾವುದೇ ವಿಕೆಟ್​ ಪಡೆಯದಿದ್ದರೂ, 4 ಓವರ್​ ಬೌಲ್​ ಮಾಡಿ 18 ರನ್​ ಮಾತ್ರ ನೀಡಿದರು. ನೂರ್​ ಅಹ್ಮದ್​ 3 ವಿಕೆಟ್​ ಪಡೆದರರೆ, ಸ್ಪಿನ್ನರ್​ ರಶೀದ್​ ಖಾನ್​, ಮೋಹಿತ್​ ಶರ್ಮಾ ತಲಾ 2 ವಿಕೆಟ್​, ಹಾರ್ದಿಕ್​ 1 ಕಿತ್ತು ಮುಂಬೈಯನ್ನು ಕಾಡಿದರು.

• Back-to-back victories for @gujarat_titans 👏🏻👏🏻#GT complete a 55-run win over #MI to jump to number 2️⃣ on the Points Table 👌🏻👌🏻
  
  Scorecard ▶️ https://t.co/PXDi4zeBoD#TATAIPL | #GTvMI pic.twitter.com/wUeFmsDNbo

  — IndianPremierLeague (@IPL) April 25, 2023 " class="align-text-top noRightClick twitterSection" data="

  Back-to-back victories for @gujarat_titans 👏🏻👏🏻#GT complete a 55-run win over #MI to jump to number 2️⃣ on the Points Table 👌🏻👌🏻
  
  Scorecard ▶️ https://t.co/PXDi4zeBoD#TATAIPL | #GTvMI pic.twitter.com/wUeFmsDNbo

  — IndianPremierLeague (@IPL) April 25, 2023

  ">

  Back-to-back victories for @gujarat_titans 👏🏻👏🏻#GT complete a 55-run win over #MI to jump to number 2️⃣ on the Points Table 👌🏻👌🏻
  
  Scorecard ▶️ https://t.co/PXDi4zeBoD#TATAIPL | #GTvMI pic.twitter.com/wUeFmsDNbo

  — IndianPremierLeague (@IPL) April 25, 2023

ಗಿಲ್​ ಫಿಫ್ಟಿ, ಮಿಲ್ಲರ್​ "ಮನೋಹರ" ಬ್ಯಾಟಿಂಗ್​: ಮೋದಿ ಕ್ರೀಡಾಂಗಣದಲ್ಲಿ ಗುಜರಾತ್​ ಟೈಟಾನ್ಸ್​ ಎಲ್ಲ ವಿಭಾಗಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿತು. ಟಾಸ್​ ಸೋತರೂ ಬ್ಯಾಟಿಂಗ್​ ಇಳಿದ ತಂಡ ಆರಂಭಿಕ ಆಟಗಾರ ವೃದ್ಧಿಮಾನ್​ ಸಹಾರನ್ನು(4) ಬೇಗನೇ ಕಳೆದುಕೊಂಡಿತು. ನಾಯಕ ಹಾರ್ದಿಕ್​ ಪಾಂಡ್ಯ 13, ವಿಜಯ್​ ಶಂಕರ್​ 19 ರನ್​ ಕೊಡುಗೆ ನೀಡಿದರು.

ಆರಂಭಿಕ ಶುಭಮನ್​ ಗಿಲ್ ಭರ್ಜರಿ ಬ್ಯಾಟ್​ ಮಾಡಿ ಅರ್ಧಶತಕ ಬಾರಿಸಿದರು. ಇದಕ್ಕೆ ಅವರು ತೆಗೆದುಕೊಂಡಿದ್ದು 34 ಎಸೆತ. 7 ಬೌಂಡರಿ, 1 ಸಿಕ್ಸರ್​ ಇದರಲ್ಲಿವೆ. ಮಧ್ಯಮ ಕ್ರಮಾಂಕದಲ್ಲಿ ಸಿಡಿದ ಡೇವಿಡ್​ ಮಿಲ್ಲರ್​ ಮತ್ತು ಅಭಿನವ್​ ಮನೋಹರ್​ ಬ್ಯಾಟಿಂಗ್​ ವೈಭವ ಮೆರೆದರು. ಕಿಲ್ಲರ್​ ಮಿಲ್ಲರ್​ 4 ಸಿಕ್ಸರ್​, 3 ಬೌಂಡರಿಗಳಿಂದ 44 ರನ್​ ಮಾಡಿದರೆ, ತಲಾ 3 ಸಿಕ್ಸರ್​, ಬೌಂಡರಿಗಳಿಂದ ಮನೋಹರ್​ 42 ರನ್​ ಗಳಿಸಿದರು.

ಕೊನೆಯಲ್ಲಿ ರಾಹುಲ್​ ತೆವಾಟಿಯಾ 5 ಬಾಲಲ್ಲಿ 20 ರನ್​ ಚಚ್ಚಿ ರನ್​ ಹೆಚ್ಚಿಸಿದರು. ತಂಡ ಕೊನೆಯ 4 ಓವರ್​ಗಳಲ್ಲಿ 70 ರನ್​ ಕೊಳ್ಳೆ ಹೊಡೆಯಿತು. ಮುಂಬೈ ಸ್ಪಿನ್ನರ್​ ಚಾವ್ಲಾ 2 ವಿಕೆಟ್​ ಗಳಿಸಿದರು. ಗೆಲುವಿನ ಮೂಲಕ ಗುಜರಾತ್​ ಪಾಯಿಂಟ್​ ಪಟ್ಟಿಯಲ್ಲಿ 2ನೇ ಸ್ಥಾನಕ್ಕೆ ಲಗ್ಗೆ ಇಟ್ಟತು. ಮುಂಬೈ 7 ನೇ ಸ್ಥಾನದಲ್ಲಿ ಮುಂದುವರಿದಿದೆ.

ಓದಿ: ಸನ್​ ರೈಸರ್ಸ್​ ವಿರುದ್ಧ ನಿಧಾನಗತಿಯ ಬೌಲಿಂಗ್​: ವಾರ್ನರ್​​ಗೆ 12 ಲಕ್ಷ ರೂ. ದಂಡ