ಚೆನ್ನೈ (ತವಿಳುನಾಡು): ಚೆನ್ನೈನ ಐದು ಬ್ಯಾಟರ್ಗಳ ಸಮತೋಲನದ ಆಟದ ಪ್ರದರ್ಶನದಿಂದ ವಿಕೆಟ್ ನಷ್ಟದ ನಡುವೆಯೂ ಮುಂಬೈ ಇಂಡಿಯನ್ಸ್ ನೀಡಿದ್ದ 140 ರನ್ ಸಾಧಾರಣ ಗುರಿಯನ್ನು 17.4 ಓವರ್ನಲ್ಲಿ ಸಾಧಿಸಿದೆ. ಈ ಗುರಿಯನ್ನು ಬೆನ್ನು ಹತ್ತಿದ ಚೆನ್ನೈ ಸೂಪರ್ ಕಿಂಗ್ಸ್ 4 ವಿಕೆಟ್ಗಳನ್ನು ಕಳೆದುಕೊಂಡಿತು. ಕಾನ್ವೆ, ಗಾಯಕ್ವಾಡ್, ದುಬೆ ರೆಹಾನೆಯ ಸಮಯೋಚಿನ ರನ್ 6 ವಿಕೆಟ್ಗಳ ಗೆಲುವನ್ನು ಚೆನ್ನೈಗೆ ಪಡೆಯಿತು.
ಚೆನ್ನೈನ ಆರಂಭಿಕ ಆಟಗಾರರಾದ ಕಾನ್ವೆ ಮತ್ತು ಗಾಯಕ್ವಾಡ್ ತಮ್ಮ ಫಾರ್ಮ್ನ್ನು ಈ ಪಂದ್ಯದಲ್ಲೂ ಮುಂದುವರೆಸಿದರು. ಈ ಜೋಡಿ ಮೊದಲ ವಿಕೆಟ್ಗೆ 46 ರನ್ ಸೇರಿಸಿತು. 16 ಬಾಲ್ನಲ್ಲಿ 2 ಸಿಕ್ಸ್ ಮತ್ತು 4 ಬೌಂಡರಿಯಿಂದ 30 ರನ್ ಗಳಿಸಿ ಆಡುತ್ತಿದ್ದ ಗಾಯಕ್ವಾಡ್ ಅನುಭವಿ ಚಾವ್ಲಾಗೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ರಹಾನೆಯೂ ಬಿರುಸಿನ ಇನ್ನಿಂಗ್ಸ್ ಕಟ್ಟಿದರು. 17 ಎಸೆತದಲ್ಲಿ 21 ರನ್ಗಳಿಸಿದ ಔಟ್ ಆದರು. ನಂತರ ಬಂದ ಅಂಬಟಿ ರಾಯುಡು 12 ರನ್ಗೆ ವಿಕೆಟ್ ಕೊಟ್ಟರು.
-
Captain @msdhoni gently pushes one for a single to hit the winning runs 😃@ChennaiIPL register a comfortable victory over #MI at home 👏🏻👏🏻
— IndianPremierLeague (@IPL) May 6, 2023 " class="align-text-top noRightClick twitterSection" data="
Scorecard ▶️ https://t.co/hpXamvn55U #TATAIPL | #CSKvMI pic.twitter.com/SCDN047IVk
">Captain @msdhoni gently pushes one for a single to hit the winning runs 😃@ChennaiIPL register a comfortable victory over #MI at home 👏🏻👏🏻
— IndianPremierLeague (@IPL) May 6, 2023
Scorecard ▶️ https://t.co/hpXamvn55U #TATAIPL | #CSKvMI pic.twitter.com/SCDN047IVkCaptain @msdhoni gently pushes one for a single to hit the winning runs 😃@ChennaiIPL register a comfortable victory over #MI at home 👏🏻👏🏻
— IndianPremierLeague (@IPL) May 6, 2023
Scorecard ▶️ https://t.co/hpXamvn55U #TATAIPL | #CSKvMI pic.twitter.com/SCDN047IVk
ಇಷ್ಟು ವಿಕೆಟ್ ಪತನದ ನಡುವೆ ಆರಂಭಿಕರಾಗಿ ಬಂದಿದ್ದ ಕಾನ್ವೆ ನಿಧಾನ ಗತಿಯಲ್ಲಿ ರನ್ ಗಳಿಸುತ್ತಾ ವಿಕೆಟ್ ಕಾದರು. ಕಾನ್ವೆ ಈ ಇನ್ನಿಂಗ್ಸ್ನಲ್ಲಿ 42 ಬಾಲ್ ಎದುರಿಸಿ 4 ಫೋರ್ನಿಂದ 44 ರನ್ ಕಲೆಹಾಕಿ ಗೆಲುವಿಗೆ 10 ರನ್ ಬಾಕಿ ಇರುವಂತೆ ವಿಕೆಟ್ ಕೊಟ್ಟರು. ಶಿವಂ ದುಬೆ ತಮ್ಮ ಎಂದಿನ ಫಾರ್ಮ್ ಮುಂದುವರೆಸಿ 18 ಬಾಲ್ನಲ್ಲಿ 3 ಸಿಕ್ಸ್ನಿಂದ ಅಜೇಯ 26 ರನ್ ಕಲೆಹಾಕಿದರು. ಕೊನೆಗೆ ಬಂದಿದ್ದ ಧೋನಿ 3 ಬಾಲ್ ಎದುರಿಸಿ 2 ರನ್ ಗಳಿಸಿದರು. ಮುಂಬೈ ಪರ ಪಿಯೂಷ್ ಚಾವ್ಲಾ 2, ಟ್ರಿಸ್ಟಾನ್ ಸ್ಟಬ್ಸ್ ಮತ್ತು ಆಕಾಶ್ ಮಧ್ವಲ್ ತಲಾ ಒಂದು ವಿಕೆಟ್ ಪಡೆದರು.
ಮುಂಬೈ ಇನ್ನಿಂಗ್ಸ್: ಇದಕ್ಕೂ ಮುನ್ನ ನೆಹಾಲ್ ವಾಧೇರಾ ಅವರ ಅರ್ಧಶತಕದ ನೆರವಿನಿಂದ ಮುಂಬೈ ಇಂಡಿಯನ್ಸ್ ತಂಡ ನಿಗದಿತ ಓವರ್ ಅಂತ್ಯಕ್ಕೆ 8 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿದೆ. ರೋಹಿತ್ ಪಡೆಯ ಆರಂಭಿಕರ ವೈಫಲ್ಯದ ನಡುವೆಯೂ, ಮಧ್ಯಮ ಕ್ರಮಾಂಕದ ವಧೇರಾ ಗಳಸಿದ ರನ್ ತಂಡ ಚನ್ನೈಗೆ 140 ರನ್ ಗುರಿ ನೀಡುವಲ್ಲಿ ಸಹಕಾರಿ ಆಯಿತು.
ಟಾಸ್ ಸೋತು ಮುಂಬೈ ಇಂಡಿಯನ್ಸ್ ಮೊದಲು ಬ್ಯಾಟಿಂಗ್ಗೆ ಇಳಿಯಿತು. ಆರಂಭಿಕ ಆಟಗಾರರಲ್ಲಿ ಪ್ರಯೋಗ ಮಾಡಿದ ಎಂಐ ತಂಡ ಯಶಸ್ವಿಯಾಗಲಿಲ್ಲ. ಸಾಮಾನ್ಯವಾಗಿ ಆರಂಭಿಕರಾಗಿ ಕಣಕ್ಕಿಳಿಯುವ ರೋಹಿತ್ ಶರ್ಮಾ ಕ್ಯಾಮರೂನ್ ಗ್ರೀನ್ಗೆ ತಮ್ಮ ಸ್ಥಾನವನ್ನು ಬಿಟ್ಟುಕೊಟ್ಟರು. ಗ್ರೀನ್ ಬಡ್ತಿ ನೀಡಿ ಬೃಹತ್ ಮೊತ್ತ ಕೆಲೆ ಹಾಕುವ ಚಿಂತನೆ ವ್ಯರ್ಥವಾಯಿತು. 4 ಬಾಲ್ನಲ್ಲಿ 6 ರನ್ ಗಳಿಸಿ ಕ್ಯಾಮರೂನ್ ಗ್ರೀನ್ ಚೆನ್ನೈನ ತುಷಾರ್ ದೇಷಪಾಂಡೆಗೆ ವಿಕೆಟ್ ಒಪ್ಪಿಸಿದರು. ಅವರ ಬೆನ್ನಲ್ಲೆ ಇಶಾನ್ ಕಿಶನ್ (7) ಸಹ ವಿಕೆಟ್ ಒಪ್ಪಿಸಿದರು.
ನಂತರ ಬಂದ ನಾಯಕ ರೋಹಿತ್ ಶರ್ಮಾ ದಾಖಲೆ ಬರೆದರು. ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಅತಿ ಹೆಚ್ಚು ಬಾರಿ ಶೂನ್ಯಕ್ಕೆ ವಿಕೆಟ್ ಕೊಟ್ಟ ಬ್ಯಾಟರ್ ಎಂಬ ದಾಖಲೆ ಮಾಡಿದರು. ಮೂರನೇ ಬ್ಯಾಟರ್ ಆಗಿ ಬಂದ ರೋಹಿತ್ ಮೂರು ಬಾಲ್ ಎದುರಿಸಿ ಡಕ್ ಔಟ್ ಆದರು. ಒಟ್ಟಾರೆ ಐಪಿಎಲ್ನಲ್ಲಿ ದೀಪಕ್ ಚಹಾರ್ ಅವರ 49 ಬಾಲ್ ಎದುರಿಸಿರುವ ರೋಹಿತ್ ಶರ್ಮಾ 60 ಕೇವಲ ರನ್ ಗಳಿಸಿದ್ದಾರೆ. ಅಷ್ಟೇ ಅಲ್ಲ ಇಂದಿನ ವಿಕೆಟ್ ಸೇರಿ ಅವರ ಬೌಲಿಂಗ್ನಲ್ಲೇ 3 ಬಾರಿ ಔಟ್ ಆಗಿದ್ದಾರೆ. ನಾಯಕನ ವಿಕೆಟ್ ತೆಗೆದುಕೊಂಡ ನಂತರ ಈ ಹಿಂದಿನ ಪಂದ್ಯಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಸೂರ್ಯ ಕ್ರೀಸ್ಗೆ ಬಂದರು.
ಸೂರ್ಯಕುಮಾರ್ ಯಾದವ್ ಮತ್ತು ನೆಹಾಲ್ ವಾಧೇರಾ ತಂಡಕ್ಕೆ ರನ್ ಗಳಿಸುವ ಸೂಚನೆ ನೀಡಿದರು. ಎಂದಿನಂತೆ ಅಬ್ಬರದ ಬ್ಯಾಟಿಂಗ್ಗೆ ಮುಂದಾದ ಸೂರ್ಯ ರವೀಂದ್ರ ಜಡೇಜಾಗೆ ವಿಕೆಟ್ ಒಪ್ಪಿಸಿದರು. ಇಂದಿನ ಇನ್ನಿಂಗ್ಸ್ನಲ್ಲಿ ಸೂರ್ಯ ಕುಮಾರ್ 22 ಬಾಲ್ ಗಳನ್ನು ಎದುರಿಸಿ 3 ಬೌಂಡರಿಗಳಿಂದ 26 ರನ್ ಗಳಿಸಿದ್ದರು. ಸೂರ್ಯ ನಂತರ ಬಂದ ಟ್ರಿಸ್ಟಾನ್ ಸ್ಟಬ್ಸ್ ವಾಧೇರಾಗೆ ಜೋಡಿಯಾಗಿ ಬ್ಯಾಟಿಂಗ್ ಮುಂದುವರಿಸಿದರು.
ನೆಹಾಲ್ ವಾಧೇರಾ ತಂಡಕ್ಕೆ ಆಸರೆಯಾಗಿ ಅರ್ಧಶತಕ (64, 51 ಬಾಲ್, 8x4, 1x6) ಗಳಿಸಿ ವಿಕೆಟ್ ಕೊಟ್ಟರು. ಅವರ ನಂತರ ಬಂದ ಟಿಮ್ ಡೇವಿಡ್ (2), ಅರ್ಷದ್ ಖಾನ್ (1) ಬೇಗ ಔಟ್ ಆದರು. ಇವರ ಬೆನ್ನಲ್ಲೇ 20 ರನ್ ಗಳಿಸಿ ಟ್ರಿಸ್ಟಾನ್ ಸ್ಟಬ್ಸ್ ಔಟ್ ಆದರು. ಜೋಫ್ರಾ ಆರ್ಚರ್ (3) ಮತ್ತು ಪಿಯೂಷ್ ಚಾವ್ಲಾ (2) ಅಜೇಯರಾಗಿ ಉಳಿದು ಆಲ್ಔಟ್ನಿಂದ ತಪ್ಪಿಸಿದರು.
ಚೆನ್ನೈ ಪರ , ಮಹೇಶ್ ತೀಕ್ಷ್ಣ 3, ತುಷಾರ್ ದೇಶಪಾಂಡೆ ಮತ್ತು ದೀಪಕ್ ಚಹಾರ್ ತಲಾ 2 ವಿಕೆಟ್ ಪಡೆದರೆ, ಅನುಭವಿ ಜಡೇಜಾ ಒಂದು ವಿಕೆಟ್ ಕಬಳಿಸಿದರು.
ಇದನ್ನೂ ಓದಿ: IPL 2023: ಮುಂಬೈ ವಿರುದ್ಧ ಟಾಸ್ ಗೆದ್ದ ಚೆನ್ನೈ ಬೌಲಿಂಗ್ ಆಯ್ಕೆ
